طيف الألمعي :

هلا امونه ايوه عندي ثقل وغثيااان مدري عنه قلت له رجع اثنين او ثلاثه قال انا اعرف شغلي 😞 وكيف تم الحمل ؟ ومتى راح الثقل ؟

هلا امونه ايوه عندي ثقل وغثيااان مدري عنه قلت له رجع اثنين او ثلاثه قال انا اعرف شغلي 😞 وكيف...

القران سر سعادتي22 :

اماني جيتي وجابك ربي .. ربي يقر عينك بللبيبي اللي رزقك ياعمري ابي الاعراض اللي جتك من اول مااخذتي المنشط لين انتهى بك فرط التنشيط وهل بعد السحب جتك الالام .. وكم سحب بويضه منك

اماني جيتي وجابك ربي .. ربي يقر عينك بللبيبي اللي رزقك ياعمري ابي الاعراض اللي جتك من اول...

:أماني: :

بس حابه اقول ضروري يابنات قبل العمليه تعملو كل التحاليل المطلوبه لا تعملو زي ظليت سنتين احوم حوالين نفسي وعملت 4 علميات فاشله. لازم ضروري تعملو تحاليل للهرمونات. الفيتامينات. الغدد والاجسام المضاده ضروري جدا وهي عينه من الرحم قبل موعد الدوره باسبوع. وتحليل الزوج. انا بخامس عمليه كان الطبيب مستخدم معي زي الابر ما تغيرت بس طبعا عارفين اعراض السحب ثقل بالجوانب وزي آلام الدوره. والله قدر ورجعت 4 اجنه. وانا ما تتكون معي اجنه درجه اولى الا هالمره الوحيده صار اثنين ممكن فرجع 2 اولى و2 ثانيه من بعد يومين تقريبا بديت احس بآلام غثيان وكأن شي ضاغط علي بين ضلوع القفص الصدري وآلام بالصدر وماني مرتاحه ابدا. صبرت كم يوم مافي فايده مااقدر صرت حتى ما اقدر اكل حاجه. راجعت طبيبي فعملو لي فحوصات وظليت يوم بالمستشفى كنت بالطوارئ وفجاه دخل الطبيب وقالي شو بعمل اذا الحوامل يحصل معهم غثيان. ولا استوعبت ولا شي يادوب كنت مرجعه كم يوم ومن الالم قلت ماابي شي بس ريحوني. المهم النسبه كانت يادوب قليله مرره. وطلب ثاني يوم يشوفني طبعا بدت الالام تزيد وقالي هاذي بدايه سوايل بس شي بسيط جدا ونومني بالمستشفى. ومن هنا بدت المعاناه الحقيقه زادت الالام مره لدرجه اصرخ واصيح من الالم غثيان قوي مره ورغم الغثيان الترجيع كان صعب اموت وانا ارجع وضلوعي حقت القفص الصدري احسها تتكسر من الضغط وركبو علي جهاز التنفس ويراقبو التنفس لدرجه مرات اذا بنام يصحوني يخافون ادخل بغيبوبه. طبعا كل اللي جربوه فيني ما نفع من مدرات البول الى 3 عمليات تخدير كامل سحب للمويات حوالي سحبو 7 ليتر وانتفخت زاد وزني 10كيلو في ايام ورجليني انتفخت مره وتنملت وبطني وظهري صرت مربع شي فضيع. طبعا من كثر مااقرا عرفت كل شي وصرت اقترح على الطبيب فطلبت منه يركبو لي انبوب بالبطن يسحب المويات. واصريت وعملو لي عمليه تركب الانبوب ببطني بجراحه. اسبوع كامل لا نوم ولا اكل زي الناس ولا حمام زي الناس لازم ينفتح الانبوب كل ساعتين وكل ماانفتح احس بالم بصدري كأن المويه تنسحب من قلبي. وبعدها بدا وزني يقل تدريجي وحسيت بزي تدفق الدم بقوه برجليني ورجعت اقدر امشي افضل وبدا يخف النفخ شجعت نفسي وصرت امشي بالغرفه. وبعدها خرجت لبيت اهلي وظليت عندهم لحد ما استقرت حالتي حوالي 4 شهور ورجعت دوامي نهايه الشهر الخامس. وبعد مناقشات مع الطبيب خبرني انه حالتي من اصعب الحالات اللي مرت عليه من 10 سنوات. وانه السبب الرئيسي كان بسبب عدد الاجنه والبنات اللي اوزانهم قليله معرضين للفرط اكثر وللاسف الفرط يفاجىء الطبيب وصعب يتفادونه بس مجرد محاولات علشان يتفادونه طبعا من الامور اللي سببها لي الفرط هو التنميل بجزء من فخذي للان مااحس فيه وللاسف الان احتاج عمليه بيديني في الرسغ علشان برضو احس بألم فيهم وتنميل وجرح الانبوب ببطني ماساه عامل لي ندبه غير مشاكل الحمل الان احس نفسي عجوز حتى الصلاه بالارض متاقدر اصلي وكان حملي مررره صعب لان انهلكت من الفرط وبعدها جتني مشاكل كثيره بالحمل و وحم شديد مره. و حصل مشكله بالمشيمه يعني امور مره صعبه ومؤلمه وغيرها كثير ماابي اطول اكثر وبالنهايه عمليه طارئه وجبت ولدي الله يحفظه مره صغير ونتوف والله يطمني عليه لازم له فحوصات. انتبهو يابنات وراقبو انفسكم كويس بعد الترجيع خاصه التنفس وكميه البول ومااتمنى اللي حصل معي يتكرر مع اي انسان. الله يوفقكم ويرزقكم من واسع فضله

بس حابه اقول ضروري يابنات قبل العمليه تعملو كل التحاليل المطلوبه لا تعملو زي ظليت سنتين احوم...