ماشاءالله تبارك الرحمن ربي يحفظ لك بناتك ويصلحهم
جزاك الله خير على ذكر تجربتك

لا تخافين ولا شي

فيه ناس كانوا معاي بالاستراحة قالوا ماحسوا بشي

اتوقع على حسب العدد وعلى حسب الاجسام

سامحوني انقطعت عنكم انشغلت شوي وجوالي كان مفصول النت
انا بالانتظار عند الدكتور بندر سافرت له لانه كل دكتور يعطيني قياس بويضات خطا واحد يقولي ممتازه وواحد يقولي صغيره قررت اجي لبندر واريح راسي هو يقرر
ادعولي ربي ييسرلي


هوازن
مشكوره ياعمري عالسوال باذن الله ابشركم
حبيبتي انتبهي الكرتزون كل مريضه جرعتها تختلف انا بس وحدة وصفلي باليوم بس انتي بموعدك اساليه الحين ماياثر خليكي على حبه لين تتاكدين


الله يسامحكم خوفتونا من السحب😩😩😩
الله يهونها علينا يارب


الف الف مبروك للحوامل الجدد
والله يبشر البقيه

منى حبيبتي مانسيت بس كنت محتاجة وقت كذا رايق ☺
طبعا انا موجودة قصتي في المنتدى مايحتاج أعيدها
بالنسبة للأشياء اللي سويتها قبل العملية: نزلت وزني بطريقة صحية وقريت كثير في المنتديات وقصص وتجارب البنات في عالم حواء.. ضروري جدا القراءة.. لان عالم الانابيب غامض والدكاترة مايشفون غليلك.. ماحد فاهم الا المجربات... ورحت تمرخت عشان لو فيه شي يتضبط..

فيه بعضهم يستخدمون رويالي جلي انا والله نسيت عنه... طبعا حطيت في بالي ان هذي الفرصة الاخيرة يعني يا اني اهتم واحطهم بعيوني او اني راح انحرم من الذرية طول عمري..
بديت مع الدكتور شهرين رايحة جاية طيران وانا موظفة كان عندي ضغط مع المواعيد لكن الحمدلله تيسرت...
سوالي الدكتور تحفيز تاسع يوم من الدورة وسويت تحفيز ثاني باليوم الواحد عشرين وبدأ معي ابر تحضيرية مدة 14 يوم خلالها نزلت الدورة.. وكنت اخذ الابر في البيت.. اكتشفت انها اريح وافضل بكثير.. بعدها رحت للدكتور سوالي اشعة وشاف البطانة والبويضات وبدأ معي تنشيط بثلاث ابر في اليوم.. برضو خذيتها في البيت.. وكان جرعاته قليلة وتحتاج وقت اكثر.. يطبخها على نار هااادية الين نضجت 😁.. بصراحة انا كنت اتابع عند مستشفى قريب بالشرقية وارسل لهم النتايج ع الواتس اب وكل يومين اعيد الاشعة.. كانت الدكتورة تقول بويضاتك قليلة ورحمك مايل جننتني كنت اطلع من عندها ابكي.. لان هذي الفرصة الاخيرة كنت اتمنى اني اجمد اجنة.. ولما وصلت للحجم المطلوب خذيت الابرة التفجيرية وبعدها بيومين رحنا عشان عملية السحب...
طبعا مرمطة جينا بر واكلت الساعة 7 الليل وجبة دسمة وشبعت وصلنا تعبانين من المشوار ونمنا على طول ... قالوا لنا لازم 9 وربع ولازم اجي صايمة.. على بالي منضبطين في اوقاتهم.. ورحنا طيران من الساعة 7 ونص على مستشفى عبيد في الملز نجيب العينة المجمدة.. جينا قبل الموظفين قالت اللي في الاستقبال المختبر ماراح يفتح الا 9 ونص.. انهبلنا اتصلنا ع الدكتور نشأت وماقصر جابهم من بيوتهم وفتحوا المختبر.. ع بالنا بينقلونها في كيسة ثلج.. قالوا لا جيبوا ترمس 😁
كنت مسوية شاهي تقهويناه في الطريق خذيت ترمس الشاي غسلته عندهم وعبوه نيتروجين وحطوا الحيوانات فيها 😂😂😂 طبعا صورت زوجي وهو شايلها جاني ضحك على منظرها😂😂.. بس قالوا خطير جدا لازم تكون ثابتة ولازم توصلون بسرعة.. الحمدلله كان الطريق فاضي ووصلنا بالضبط 9 وربع.. قلت اكيد بادخل العمليات على طول.. ما دخلت الا الساعة 12 ونص.. وداخل غرفة العمليات جهزوني واشوف الممرضة تجهز الاغراض فوق بطني من ابر واشياؤهم اللي تخرع وهي تغني.. لالللالااااااه.. وانا نفسي اضربها جتني حالة عنف.. وانلطعت يمكن ربع ساعة الين جاء الدكتور..
طبعا انا اخاف موووت من البنج سبحان الله وتجيني نفضة واصير اصارح لا شعوريا واتشهد😰 لكن بصراحة دكتورة التخدير ممتااازة كان تدريجي...


ماحسيت الا انا في الغرفة الثانية والممرضات جنبي وكنت تعباااانة مررررة وذبلانة لاني ما اكلت من الساعة 7 الليل والحين صارت 2 ونص الظهر.. وجاء زوجي وشربني عصير وقمت صليت جمع لان بنرجع الدمام .. لما جوا بلغوانا بعدد البويضان اكثر من العدد اللي شفناه بالسونار غريبة😳 زوجي الى الان شاك يقول اخاف غلطوا.. اخاف العيال مو عيالنا😛 وانا اقول بالعكس احسهم دقيقين مرررة.. بنات فيه احد صار له كذا؟؟
بعدها بصراحة زوجي قال لي نروح فندق قلت لا ابي بيتي ... تعبت مررررة في الطريق ماوصلنا الا الساعة 10 ونص بالليل واكلت ونمت..
اليوم الثاني اتصلوا علي وقالوا لي تعالوا بعد خمسة ايام وقالوا لي كم عدد الاجنة ودرجاتهم.. وقالوا مارسي حياتك عادي جدا وكلي اللي تبين الى يوم الترجيع 😁


فاصل ونواصل باذن الله لعيون منى

عهود ايه لاتقلقين انا كل مره عدد البويضات الي يسحبونها اكثر من الي بالتصوير لانه بيومين ابره التفجير تزيد والي صغيره تكبر فيسحبونها كلها
الله يتمملك على خير




يارب لاتضيعنا تعب
تخيلو من 11 واحنا بالمستشفى سويت تصىوير والدكتور ماجا الا 1 ونص والحين راح ساعه عنده عمليه تعبنا وجعنا وزوجي من امس مانام رحت الاستراحة بشوفه لقيته نايم رحمته. 💔


ربي كريم وبيعوضنا باذن الله
لاتنسوني من دعائكم