سلام ياحوامل ياحلوين
امس كتبت رد اخر الليل وطار لانى قررت ادخل مرتين على التجمع ماشاء الله ماخد وقت لمن اقراء وارد المهم مالكم بالطويله

نبداء بالقديم حق امس

ام الدموع
امس كتبتك رد نص صفحه بس ماليكي نصيب تقريه.مبالغه حامل
لا والله من جد اول شئ اشلونك اش عامله
كنتي تسائلي عن الجهاز مادري اكيد تحصليه بصيدليات الكبيره احنا عندنا منه وسعره حوالى 210 ريال بس انا مافكر اشتريه عشان كل اسبوعين الدكتوره تستخدمه بدل السونار فاطفش منه تخيلي
بغيت اسائلك سؤال لقوفي مادري غريبه ماحد سائله انتى من فين او مقيمه فين لانك قلتي كل شهر اروح السعوديه استغربت ولى خلانى استغرب ولا تزيد لاقافتي ردك لنوره ولا الحمل مخلي مخي تقيل مادري ولا عرق اللقافه اشتغل برضه مادري
ايوة نسيت اقلك دمجتيني انا نورة بنفس الرد بس عادي عازرتك مش مشكل

نوره
يعنى طلعنا قرايب الله يعينني ويعينك يارب غيت اسائلك اش سويني بحكايه الرضاعه ولا اش قالولك الناس الى حوليك

سنفوره الحلوة
لا تروحي عندهم اتعودنا عليكي
ماشاء الله يعني انتى فى الاسبوع العاشر يعنى مافي فرق بيننا الا كم اسبوع
بالنسبه للبلايز تمام اصلا حلو الموضه طالعه بصالح الحوامل بس جيبيها اكبر من قياسك
انا احسن الكرشه طلعت مادري في حملي الاولاني ماطلعت الا على نهايه الرابع وانا دحين دوبي دخلت التالت
والله انى انا كمان حايسه بالملابس خصوصا بعد كم شهر رايحه السعوديه مادري متى بالضبط

عشان كدا بسئلكم يابنات عارفين البنطلونات حقت الحمل ام مطاط عريض من اشترها قبل كدا في حمله ومتى اشترتوها باي شهر وجلست من يوم ماشترتوها للتاسع
انا ماشتريت منها بحملي الاولاني اشتريت بناطيل عاديه قماش وجنز طبعا كل بعد فتره اغير قياس

احب سوسو
تبغى تهربي من عندنا تبغى تروحي بدال سنفوره
بيني وبينك اذا تبغي تنحاشي قوليلي عشان ننحاش سواخخخخخخخخخخ
وزي ماقلتلك الؤتام لازم المويه كمان الشوربات كويسه

الؤئام
شكرا على سؤالك عني ياعسل
وشكرا على المعلومات الحلوه وهادي الحموضه حقت المعده الى دابحتي المشكله عندي الدواء حق الحموضه بس ريحته وطعمه يخليني ابطل اخد منه
واذا على الملابس هي فعلا بدات تضيق كنتبت عنها فوق ياريت تديني رائيك

منتهى الامال
اذا على حبوب الغثيان هنا الاجانب خايسين مايرضوا يصرفوها اقلها عندي غثيان تقلي نورمل يعنى طبيعي طيب انا اعرف انه طبيعي بس اش نقول على نظامهم
وحبوب الفوليك لمن قلتي لانتسوا تاخدوا قعت افكر يابي اخت الحبه امس ماختها بس الى اعرفه حبه في اليوم مو اتنين


ام ماب
يارب اسائلك يالله ياذا العرش المجيد ان تساعد ام ماب وثبتاها حملها ويتمملها على خير ويسرلها امورها هي وبنات المسلمين

صلفه
اهلا وسهلا بيكي الله يتمملك على خير ويثبتلك حملك

واخر شئ اختم واقول

الحمد الله رب العالمين وصلى الله على سيدنا محمد وعلى اله وصحبه اجمعين

اسائلك يالله انت الواحدالاحد الفرد الصمد الذي لم يلد ولم يولد ولم يكن له كفوا احد ان تحفظ اولادنا واولاد المسلمين
من كل شر ومكروه ........امين
وان تحفظ مافى بطوننا من كل شر ومكروه ....ا.مين

اللهم اعينا على تربتهم على الا خلاق الحميده وتربيتهم على حبك وحب رسولك.......اللهم امين

يارب نسالك بحق اسمائك الحسني ان تتمم حملنا وحمل جميع المسلمين وتسهل ولادتتنا ويسرها يارب العالمين

اللهم يا رحمن يارحيم اسائلك ان نثبت حملنا وترزق كل محرومه ياكريم ياكريم ياكريم

يالله يالله يالله ياذا الجلال والاكرام اسائلك ان تتم عمل ام ماب وتسهلها امرها وتجعله يظهر في رحمها وينمو في احشائها حتى تاذن له بالخروج الى هذه الدنيا سليما معافى كامل الخلق والخلقه هي وجميع امهات المسلمين ....اللهم امين
واخر دعوانا الحمد الله رب العالمين والصلاه والسلام على سيدنا محمد وعلى اله وصحبه اجمعين

خذلني الوقت

فكرة حلوه
انسويها ليش لا

بس الحين لازم البنات يخبرنا من البكرية

اب تو مي

هلا حبيبتي شخبارج

انا من البحرين وبينا وبين السعودية الجسر بس
نص ساعة الا احنا في الدمام

علشان جدي انا على طول بالسعودية

انا بعد تلقيقفت الا انتي من وين

مو من السعودية؟

حبيبتي ما فهمت سؤال الرضاعة؟
يعني اول ما ولدت قصدك شنو سويت بالرضاعة؟

عيدي السؤال حبيبتي علشان اقدر افيدج

اما عن الخبص في الرد عادي فوتي الحمل وما يسوي يقل التركيز عندنا خخخخخخ

شنو سالفة سنفورة
يبون يبوقونها من عندنا

يه ما تبي اتروح
عاجبها اتكون اول من يولد

ترى انذار ان رحتي ما بتحصلين هدية خخخخخخخخ

يالله فكري زين

احب سوسو

اقول تبين تنحاشين هاه

مافي طلعه هذا مكانج بتظلين وبتمشين معانا خطوة
بخطوة

السلام عليكم ورحمه الله وبركاته
كيفكم ياحلوين انا بصراحه حابه انضم معاكم سواليفكم عسل والله
انا حامل بشهر ونص ولادتي ب20 يناير الله يسهل علي وعلى جميع امهات المسلمين وعندي بنوته عمرها 2ونص الله يخليها لي يارب:27:

رفيف
هلا حبيبتي شخبارج وشخبار بنتج

ان شاء الله بس صرتوا احسن

ايه من اشتري الجهاز ضوري اصور لج الحث الصراحة ما يتفوت

أم بسولة

حبيبتي لو انا طايلة هالجهاز جان رحت اركض اشترية

بس احسن لج من عوار الراس مرتاحة
بس انا احب اسمع الدقات وكنت زوجي ابيه يسمع
كنت بشوف شنو شعورة
بس شكلي ما بحصله

سنفورة
بس خلاص بنخلي لج حصالة انجمع فيها فلوس حق الولادة
خخخخخخخخ

ولا يهمج بس مو يغرونج واتروحين التجمع الثاني
ترى نحذف اسمج من الهدية

انا بعد اشتريت شوي اغراض من ملابس الحمل
اخذت لي بوانطلين استرج واسعين شوي
واخذت بلايز فيهم قصة من تحت الصدر
واي عجيبين
انتظر الدبة تكبر علشان البسهم

صهيل الخيل

سنفورة عجبها الوضع
مرتاحة تبي تولد اول وحدة
عندكم بتصير الأخير
ما بتاخذ اهتمام
لكن عندنا بتصير اول وحدة بتصير عنوان للأحاديث

الوئام

هلا حبيبتي شخبارج
مشكورة على المعلومات الحلوه

تخصصي اسلاميات

اصير مدرسة بعدين حق عوار الراس

والمناهج جدا جدا طويله وهذا الي متعبني
الحمد لله

يمنية
هلا حبيتبي
مرحبا فيج بينا
حبيتي لا تستعجلي الوحم جاي بالطريق
انتزريه اشوي الا اهو طاب

احب سوسو

هلا حبيبتي
شفتي عاد ناس عندهم الجهاز ما يبونة
وناس مو عندهم يدورون ويحفون علشان يجيبونة
بس زوجج ذكي
يخاف باجر اتبلشينة لين ما صدتي نبض الجنين وتبتدي الوساوس
قال اقتصرها وما اشترية احسن


عيون حمودي

هلا حبيبتي ايه بدى معاج الوحم
اما عن النبض يعني مثل ما سمعت من 6 اسابيع


حواء خليجية

ما تشوفين شر حبيبتي
الله يعينج

الصراحة الوحم يختلف من وحدة لوحدة
انا بولدي ما وقف عني الا بالخامس


منتهى الأمال

هلا حبيبتي شخبارج
عساج طيبة

انا اخاف اخذ اي حبوب فترة الحمل اتحمل الوحم
ولا اخذ
خيوفة

اما بالنسبة للفوليك
ليش حبتين
انا اخذ حبة وحدة 5 ملجم

ام أميرة

تسلمين حبيبتي على الدعاء الحلو
اي انعشوني بدعاءكم
الله يسهل عليج ويفرحج بضناج


شهودة
شخبارج عساج طيبة وشخبار النونو معاج


بريتي اموله

انا الحمد لله وانتي شخبارج

اي الوحم بيزيد عندج في هالفترة
الله يسهل عليج يارب