يا هلا بيج سوسة المجنونة
حياج الله بينا
لا ان شاء الله اتكون دخلتج معانا بشارة خير
ويكون الحمل واضح مع التحليل
اما بالنسبة للسؤال

انا ما ظل احد ما درى بحملي
متعودين عندنا اي احد منا يحمل على طول الكل يدري
يعني انا عندي عادي انهم يدرون


قلب حمودي

شخبارج وشخبار النونو
زين الخال بيستانس بالخبر
بس ليش ما اتصلتو اتبشرونة مدام اهو الي مستعجل

بس اشلون اخذتي اكلوميد بدون الدكتورة
يالله لا اتعيدينها لأن لكلوميد خطير بدون متابعة
الحين اشلون نتوقع الحمل بتوأم
ان شاء الله يكون توأم
بس اهم شي الدكتورة صرفت لج الفوليك مهم في هالفترة وايد عن التشوهات
الله يقومنا بالسلامة

om maab

شخبارك انتي وشخبار النونو
انا الحمد لله بخير
اما بخصوص التوقيع لا اتخلين بين التواقيع مسافة كبيرة
قربيهم شوي من بعض
وان شاء الله تضبط معاج

بس ليش ما خبرتين الوالدة؟
خبريها مافي شي علشان تستانس
احس الأم غير الأم تفرح لبنتها من قلب
انا امي اتوفت الله يخلي لج امج
واتصدقين مفتقدتها في هالفترة وخصوصا اهي الي كانت تنتظرني برى عند غرفة الولادة

و كانت اتلح علي اني احمل وراحت وما حملت
مو متخيلة هالمرة اولد وما اشوف امي تنتظرني
صدعت راسك بس مشاعر اتضاربت عند ذكر سيرة الأم

بحب الحلا
يا قلبي حاضرين لج
اتأمرين امر
شخبارج وشخبار البيبي

ياهلا بأم الدموع..
أسأل الله أن يرحم امك ويجعل مثواها الجنة.. وان شاء الله ربنا يتمم حملك علي خير وتجيبي أخت حلوة لحمودي
انا قلت اتكتم علي الخبر الي أن أعمل صورة الموجات وأطمئن علي جنيني..

om maab

الله يسلمج يارب
ان شاء الله اتسمعين النبض وتطمنين واتخبرين الأهل وينتظرون اتقومين بالسلامة
وتفرحين ويفرحون معاج

اتصدقين انا ما ظل احد ما يدري بحملي
اتقولين مخلية بخور اتسرب للكل

وين البنات اليوم
رفروفة وأحب سوسو
وأرجنتينية جتنى مرة واختفت
ملوكة أحب الحلا
بعد بنات ان شاء الله ما نسيت احد
عذروني تونا نتعرف

اممممممم خذلني الوقت بعد مختفية
عسى المانع خير
ولا اليوم الجمعه الكل مجتمع مع الأهل