الله يفرحنا قريب باللي نتمناه

السلام عليكم ورحمة الله وبركاته

خواتي

تعالوا الى الامل ....... الى حسن الظن بالله ..... الى رحمة الله التي وسعت كل شيء

هذه قصة اختي التي سمحت لي بأن اضعا بين يديكم ع الرابط

http://forum.hawaaworld.com/showthread.php?p=74023050#post 74023050

ان شاء الله فااااااااااااااااااااااااال خير ع الجميع

ام الهاي
ماشاء الله تبارك الله اليوم شفتك حطيتي الرابط وما فتح معاي
الحين الحمدلله الف مبروك لختك ويارب عقبالك وعقبالي وكل بنات التجمع

بنات تكفوم ايش رايكم في فواز ادريس الله يرزقكم ا

حبيبتي انا راجعت عنده مره وحده و شخص الحاله و قال لنا لازم حقن مجهري .. اتنفقنا معاه نأجله شوي لكن بدأنا في الاجراءات ..

انا رحت له بناء على تجارب الي حوليني .. اثنين ما شاء الله كان عندهم مشاكل في الحمل و متأخرات و ربي اكرمهم بفضله على يد الدكتور فواز ..

فمبدئيا ارتحت له لكن للامانه ما جربته لسه في العلاج و كده لكن نقول ان شاء الله انه من الدكاتره الطيبين يعني ما سمعت عنه شي مو كويس ..

انا بس ما ارتحت للمنسقه الي عنده ( المثقفه الصحيه ) في اثنين وحده عديله وحده عبير ..

اول شي اتعاملت مع عبير و حسيت تعاملها جاف شوي .. ما ارتحت لها و شوي و نتضارب هههههه

بعدين مره رحنا للدكتور على اساس ناخذ نتيجة التحليل قامت قالت روحو لعديله تشرح لكم فرحنا لها و من بعدها صرت اتواصل معاها .. طيبه بس برضو ما ادري ليش ما دخلت قلبي .. هي تقول اسألي و كده و لما اسأل احسها انه لا تكثري اسالي و لا توسوسي

بس احس من حقي يعني انا مني فاهمه شي و حابه اسأل و اكون على بينه و اعرف كل التفاصيل .. هي انه خلاص اتركي الموضوع على الله

لكن ما رح اخلي في بالي موضوع الراحه و كده .. انا جايه اتعالج مو اتصاحب معاهم ..

عموما لو وحده اتعالجت عنده ممكن تفيدك اكثر مني بس حبيت افيدك بمعلومه بسيطه حسب تجربتي معاه ..

الله يرزقني و اياك و جميع بنات المسلمين ..
بفضله و كرمه و ما يحوجنا للدكاتره يا رب يا كريم انك على كل شي قدير ..