المنسقه جديده وماعندها خلفيه عن الاسم كامل لكن قالت دكتور معروف وممتاز من تخصصي الرياض






احتمال بعد شهرين

السلام عليكم ورحمة الله وبركاته..
أخواتي أنا عملت حقن مجهري مرتين وترجيع مجمد مرة واحدة عند الدكتورة اماني شلتوت في سمير عباس وأفكر أغير الدكتورة والمركز ومحتااااااارة جدا بين :
سوزان الكافي ونوال السناني وحنان الشمراني وفاطمة العتيبي..
كل وحده لها مميزات وعيوب :
سوزان الكل يمدحها لكنها تركت الطبي الدولي وما أدري وين راحت وهي اللي ارتحت لها فياليت اللي تعرف رقمها أو مكانها تدلني عليه..
نوال المشكلة أنها في بخش وكثير يقولون المستشفى مو نظيف وما في تنظيم ..صح والا لا ؟؟؟؟
حنان ما سمعت عنها تجارب في الحقن بس يمدحونها في تأخر الحمل وما أدري تسوي حقن أولا ؟؟؟..
أما فاطمة مشكلتها أنها ما تتقيد بالمواعيد ممكن في أي لحظة تنكسل موعدك أو يكون عندها ولادة , قرأت قصة وحده تقول ضربت ابر وتكونت 27 بويضة وقالت لها خلاص ما اقدر أسوي العملية عندي اجازة ..
وأنا مو من جده يعني صعبه جدا أجي 400 كم وفي الاخير تغير الموعد..
فرجااااااء يا أخواتي اللي عندها معلومة ولو صغيرة تذكرها وكمان كل دكتورة في أي مستشفى لأن بعضهم تركوا المستشفيات اللي هم فيها قبل..
وسؤال أخير هل في دكتورة شاطرة في الحقن في الطبي الدولي لأنه داخل مزااااجي وممكن رقم المركز..
وجزاكم الله خير..

الله يكتب لكم اللي فيه خير
بنوتات ابغى أسألكم
اذا بدأت الدورة بعلامات وكانت افرزات خفيفة نبدأ نحسب للدورة من بداية الدم الخفيف والا كيف ؟عشان تحليل ثالث الدورة مرة محتارة

عزيزتي... الدنيا ظل زائد
د.سوزان الكافي ما قد سمعت عنها لا بمنتدى ولا بأي مستشفى اول مره اسمع منك فما أقدر احكم عليها وأعطيكِ رأي .
د.نوال السناني ما قد تعاملت معاها بس ممتازة وكثيرين يمدحوا فيها وسمعت عنها انها بمستشفى د.سليمان فقيه وتأكدي اتصلي هذا رقمهم 026655000
د.حنان الشمراني أغلبية إللي اعرفهم يقولوا ممتازة وهي في الأطباء المتحدون ما قد تعاملت معاها.
د.فاطمة العتيبي جداً ممتازة وما شاء الله عيادتها مزدحمة والإنتظار لساعات وأنا أتعالجت عندها وعملت مرتين أطفال أنابيب اول مره نجحت وسقطت بالأسبوع السابع ومره ثانية فشلت وما شاء الله تبارك الرحمن كثيرين حملوا وعندهم توينز .
والقصة إللي قرأتيها أنا كمان قرأتها وكانت في مستشفى الحكومي والله أعلم يمكن مو صدق مو كل شيء نقرأه نصدقه أنا أتعامل معاهم ودائماً بالعيادة وما شاء الله الدكتورة حتى لو بالعمليات تنزل ثاني العيادة وتكمل الكشف والمراجعات وفي دكتورتين مساعده ويخيروكِ تبي عند د.مساعدة او د.فاطمة تنتظريها والمساعدات وظيفتهم يعطوكِ نتيجة التحليل ويعرفوا حالتك.
وياقلبي إذا تبي مستشفى سليمان فقيه الملل من الإنتظار في طريقة أنا أحيان أعملها لمن الآقي مواصلات اعمل الكشف وارجع البيت أو أي مكان ثاني وبعدين ارجع العيادة والآقي دوري والحجز احيان بعد شهر والإنتظار عادي يستقبلوكِ
مواعيدها من السبت-الثلاثاءمن 7-11 أو آخر مريض احيان إلى 1
ويوم الخميس من 12-5 واحيان إلى آخر مريض 7 المغرب.
رقم السكرتيرة 0504636642
ومستشفى المركز الطبي الدولي ما سمعت إلا عن د.فواز ادريس .
ورقم المستشفى واسألي 026509000
وإذا تبي نصيحتي فترة علاجك استقري بجده إذاقرروا عملية أطفال أنابيب هي كلها شهر
اسبوعين تنشيط مع عملية واسبوعين فترة إنتظار.



عزيزتي ...ملكة الورود
مره سألت الدكتورة قالت من وقت نزول الدم أكرمك الله .

السلام عليكم ورحمة الله وبركاته 
انا عضوه جديده في المنتدى بس متابعه معاكم من زمان ودايماادخل ادخل واشوف اخبار البنات 
واشوف ايش جديدكم بس هذي اول مشاركه ليا معاكم اتمنى تقبلوني ضيفه خفيفه معاكم
والي خلاني ادخل واشارك الاخت الدنيا ظل زائد عشان افيدها
والشي الثاني من زمان نفسي ادخل  بس كنت اجل دخولي كانت الاخت ظل سبب اني ادخل
انا متاخره عن الحمل 8 سنوات طبعا السنتين الاولى ماكنت افكر بلحمل بس عمر ولدي سنتين وبعدها 
بدأت المشاكل معايا دحين عمر ولدي 8 سنوات الله يحفظه طبعا مرتين حمل خارج الرحم وثلاثه اجهاضات
تقول ليا ايش الاسباب الله العالم مافي سبب واضح طبعا دحين صار سبب واضح لانو ماعندي انابيب تساعد على. نقل البويضه عشان يصير حمل لانو خسرتها بحمل خارج الرحم الحمد الله وانا لله وانا اليه راجعون
طولت عليكم بس حابه انكم تعرفوني مزبوط لاني حابه اصير وحده منكم تحملوني شوي
قبل ثلاثه شهور سويت اطفال انابيب وكان كل شي تمام واجنه من الدرجه الاولى بس ربي ماكتب حمل هذي ارادة ربي ويمكن كمان عشان مارتحت ابدا جاني ضيوف من ثالث يوم ترجيع وجلسو عندي طبعا مااحد يدري اني مسوي شي  كان لها تاثير نفسي قوي عليا بس ارادة ربي فوق كل شي 
شلت فكرت الحمل  من راسي بس ماقدرت حنيني لاطفال ولما اشوف احد حامل اتحمس للموضوع وكمان كلام الناس غير كلام اهل زوجي هذا لو ادخل فيه مااخلص عشان كد افكر اعيد التجربه تاني بس محتاره وخايفه ابغء نصايحكم ليا من خبراتكم 
طبعا زوجي من النوع الي بلقوه سويت التجربه الاولى وكان ماثر شوي نفسيا عليا هو مايهمو دحين الموضوع
بس خايفه اذا فاتني العمر يجي يقولي ابغاء انا ايش اسوي بدي الحاله وكل مافتحتو بلموضوع يقول ليا
نستنى شوي  هذي قصتي بلمختصر ههههههه اذا بلمختصر كد اجل كيف لو قولت قصتي كامله 
اتمنى تقبلوني بينكم
صح انا اول تجربه سويتها عند دكتوره سوزان الكافي بطب الدولي مره اخلاق وزوق  وهيا نقلت واعطتني العنوان الجديد بس لسى مارحت لها 
هذا عنوانها  العيادات الاولى first clinic بعد ستار افينو في ظهر ستيك هاوس تقاطع مع شارع صاري 
عندي رقم السكرتيره الجديده حقتها بس ماادري اقدر اكتبو هنا ولا لا وماقدر ارسلو خاص لانو مشاركاتي قليله 
على فكره هيا مازلت تسوي العمليات عندهم بس اتابعك بعيادتها والعمليه بطب الدولي ان شاء الله 
اكون افدتك وماسالتكم ايش رايكم بدكتوره سوزان اذا في احد مسوي قبل كده عندها  ودعووووووواتكم ليا