همسات البحر :

خلصت قراية التباشير العاشر اخيرا وبكره ان شاء الله راح ابدا الحادي عشر مجتهده مافاتني شي من التجمعات😆 رحيق الورد.مدام الفهد.ليان.سارونه الحمدلله على سلامتكم مبارك ماجبتوا🌹🌹🌹🌹 انوقه ربي يسهل عليك بما فيه الخير اخباري ،،ملانه من الروحه والرده عشان ابر الحديد وغير النوم يادوب ساعتين ثلاث مقطعين واحين اقول لكم تصبحن على خير 💓الحق اغفي شوي قبل ماتصحى قلبوشتي❤

خلصت قراية التباشير العاشر اخيرا وبكره ان شاء الله راح ابدا الحادي عشر مجتهده مافاتني شي من...

مدام الفهد :

الحمدلله الذي بنعمته تتم الصالحات هذا اكشني يا بنات والقلب داعي لكم بهون الطلق وحسن الخلق طبعاً مثل ما انتم عارفين وعلى اطلاع اني الاربعاء طلعت على مسؤوليتي من المستشفى وسالفة النبض النازل للبيبي واني كنت رافضه التنويم والطلق الصناعي صباح يوم الخميس كتبت لكم انه معي طلق مستمر وغير منتظم ويوم الجمعه انتظم لكن مازاد ولا تقارب من بعض وكنت ذاك اليوم اتحمم بموية حارة واخليها تصب على ظهري وغطست رجولي بموية حارة ودهنت ظهري بزيت زيتون وكانت هالحركة تخفف عندي الام الطلق لما جاء المغرب وانا وضعي مثل ماهو كتبت لكم برضه استشيركم اروح اقرب مستوصف واكشف وبالفعل رحت وكشفت وقالت فاتح 2 سم لسى بدري عليك وبرد علي الطلق وكل شي هجد لما رجعت البيت شربت حلبة مغلية ومحلية بعسل واكلت عسل مع حبة سوداء اللي قالتها لي بحر الصفا الله يسعدها بدأ ينزل معي افرازات شفافه بدم بعد الحلبة ثم بدت تتزايد الافرازات كل مادخلت الحمام والطلق بارد يجي كل فترة طلقه ويوقف وانتظرت الى الساعه 1 ثم اصرت علي اختي اروح المستشفى اللي بولد فيه قلت لها ترى برجع ماظن ينوموني لسى بدري علي قالت روحي وهم بيتصرفون هم اخبر بس لاتقعدين كذا وان شاءالله مايجي الصبح الا والبيبي جنبك وقعدت اضحك عليها قلت على هالطلق البارد ماظنيت ونطلع ونروح المستشفى وكشفت علي طبيبة الطواريء وسوت لي تحريض وقالت فاتح 2 ونصف خلاص روحي غرفة ولادة وكانت الساعه 2 كنت اعيش لحظة فرح مع خوف ودخلت الغرفه وبدلت ملابسي وماكنت احس بطلق برد فيني كل عرق وقعدت ع السرير وحطوا لي التخطيط والمغذي وشوي بدأ نبض البيبي يضعف بالتخطيط انا صرت على اعصابي ماغير اناظر النبض وهو ينزل وتعطيني الممرضه الاكسجين وتقول شمي واقعد اشم وجسمي كله يرجف من الخوف وكان بارد مع ان الجو دافي وتجيب لي الممرضة بطانيتين وتغطيني وتمسك رجولي وانا ماغير انتفض قالت انتي خايفة قلت ايه بس انتظر يقولون خلاص عملية لان كل شوي داخله طبيبة تشوف ورقة التخطيط ويكتبون عليها ارقام ودوائر و نبض البيبي كان ينزل ثم يتحسن وكانت اذا جاتني طلقه ينزل النبض بقوة لاني كنت اكتم نفسي ويقل الاكسجين عن البيبي فصرت كل ماجتني طلقة اتنفس بقوة وبعمق واشوف النبض يرتفع مع هالحركة وكنت بهاللحظات انتظر زوجي يجي ويسوي اوراق الدخول بعد ماتحسن النبض اعطتني الممرضه حقنة شرجية وقالت امشي بالغرفة شوي ولما بديت امشي الا اسمع صوت بيبي توه مولود يبكي واقعد ابكي بدون دموع بس اشاهق وادعي ان ربي يخلصني ويفرجها علي مثل مافرج عليها وشوي رجعت ع السرير وركبت التخطيط من جديد وبعد المشي والحقنة الطلق صار منتظم كل عشر دقايق ثم كل خمس دقايق وكنت اذكر الله وادعي وكنت اقولهم ابي مسكن وماسووا لي اي شي لاني لسى ماسويت اوراق دخولي كنت انتظر زوجي يوصل ويسويها وكنت على اعصابي كل شوي يدخلون علي الطبيبات والممرضات يسألون عن زوجي ماسوى اوراق الدخول وانا على بالي انهم يبون توقيعه للعملية قمت اوسوس وهم قصدهم عشان يدخل اسمي بالنظام ويقدرون يصرفون لي مسكن وصل زوجي الساعه 4 الفجر وخلص اجراءات الدخول وكنت متواصلة معه واقوله هاه قالوا عملية قال مافيه الا العافيه بس يبون ادفع باقي قيمة الفاتورة واوراق دخول بس وبعد ماسوى زوجي هالامور جات الطبيبة وفحصتني طبعا لي الان ساعتين ونصف وانا عندهم والطلق منتظم كل خمس دقايق بعد الفحص قالت مثل ماهو 2 ونصف وفتحت موية الجنين بيدها وركبت لي قسطرة لان المثانة كانت متعبية بول تكرمون طبعاً كل هذا بدون مسكن بس على الاكسجين وكان الوضع محتمل بس انا كنت شادة وخايفة وتحطمت لما قالت لي نفس ماهو الرحم مازاد مع هالطلق المنتظم وجاء زوجي دخل عندي الغرفه وقلت له قلهم يعطوني مسكن كلمهم وجت الممرضه واعطوني ابرة بالعضل وكانت حارة تقرص وبدأ مفعول الابرة كنت انعس واذا جت الطلقه اصحى واذكر الله وارجع انام والقسطرة مركبينها تحت واحس اني ما ارتحت شعور مزعج ودي اشيلها لان كان معي التهاب بالبول اصلا المهم اذن الفجر الساعه خمس وشوي وقال زوجي بروح اصلي ان شاءالله اجيك اذا ولدتي والطلق بدأ يقوى وجت الطبيبة تشوفني قلت لها انتي حطيتي لي طلق صناعي قالت الحين نبدأ معك بالطلق واشوف الممرضه معها مغذي جديد وكنت من قبل خلصت مغذيين قلت لها فيه طلق قالت ايه بس شوي شوي مو على طول وكانت الساعه ست الا ربع تقريبا قلت يعني متى اولد قالت بعد ساعه وحده وهي تغمز بعينها وتطلع لسانها وتضحك حسيتها تكذب علي او انها تتوعدني تقول ياويلك من الجاي واتوكل على الله الا والطلق بديت احس فيه اقوى ويقوى وكان كل ثلاث دقايق تقريبا وريقي صار ينشف بقوة وكل ماجتني طلقة كنت اصرخ وانقز من السرير وجتني الطبيبة تفحص قالت ثلاثة كل هالالم وثلاثة قالت الطبيبة انتي في تطور قلت على كذا متى بولد العشاء قالت اذا وصل 4 خلاص تصير تطورات جديدة انتي بس اصبري واتصل ع زوجي قلت له تعال ابي ابرة ظهر عطوني صناعي ذبحني واصايح من الالم واقول للممرضه عطيني ابرة ظهر زوجي بيجي الحين يدفع الفلوس قالت انتي اول تقولين ابرة ظهر مابيها الحين تبين ابرة قلت ايه ألم قوي قالت بجيب لك مسكن ثاني وتحقن مادة شفافه في ابرة وتدخلها مع الوريد بالمغذي قالت هذا مسكن قلت كذابه هذا طلق ثاني صرت احس قلبي زي جناح العصفور يرف يرف بقوة واقعد اترجاها اقولها حر شديد افتحي الباب او خليني انزل من السرير امشي شوي وكانت رافضه وانا ريقي خلاص نشف تسكرت شفايفي على بعض اتكلم بصعوبه وكل ما جتني طلقه قمت وسجدت ع السرير واصرخ وشوي ويدخل زوجي وشافني بهالوضع وقال وش فيك قلت ابي ابرة تكفى وابوس يدينه قال اصبري هم حطوا لك صناعي بتخلصين الحين قلت شف شفايفي تسكرت ما اقدر اتكلم ويكلم الممرضه جيبي لها موية وكان عندي موية بس خلصتها ويعبي يدينه من المغسلة ويحط عند فمي قال تمضمضي واتمضمض والطلق يضرب فيني كل وحدة اقوى من الثانية قلت توني ثلاثه مازاد الا نص سانتي من الساعه ثنتين وانا عندهم واقعد اصايح ويتجمعون علي اربع ممرضات من غير الطبيبات يحاولون يقنعوني اصبر وانا اقوم من السرير واقول للممرضه فكي المغذي مابيه وترفض وجيت بفكه وزوجي يمنعني وافك التخطيط وارمي الاكسجين وهم يصايحون نبض البيبي لازم نتابعه وين بتروحين وتفك الممرضه المغذي وانزل من السرير ويقولون انتي ماخذه مسكن ممكن تدوخين قلت مالكم دخل وخروا عني ماترحموني بموت رحمي بينفجر واتمسك بزوجي ويحاول يمشيني بالغرفه وكنت ابي افك القسطرة وابي انحاش من الغرفه واهج من المستشفى ماعاد ادري وش اسوي وكانوا يقولون يمكن بيبي ينزل تحت يطيح بالارض تعالي سرير وانا خلااااص احس اني بعالم ثاني واقولهم بمشي هنا شوي كنت احس نفس مافيه حر فضيع و ألم ما اقدر اقعد ع السرير والساعه صارت سبع الا ربع تقريبا وتجي الطبيبة يوم شافت الوضع توتر وانا استنفرت عليهم و تقول اطلعي ع السرير خليني افحصك اشوف كم قلت لها توك فا*** ثلاثه وش تبين قالت طيب خليني اشوف ويحاولون يطلعوني السرير واصارخ عليهم وخروا انا بطلع لحالي واطلع ع السرير بصعوبة ألم نفسي وجسدي وقل نوم واكل وصدمة من الطلق الصناعي وتفحصني وسوت تحريض بأقوى شي حسيت يدها وصلت اقصى رحمي واصارخ اقولها لاااا لاتحرضيييين وطلعت يدها كلها دم قالت وصل سته خلاص هانت يابنت لما سمعت سته استرخيت حسيت الفرج قرب ويركبون التخطيط من جديد وكل شي وبعد تحريضها جتني اربع طلقات ورى بعض بدون اي نفس قعدت اصرخ بأقوى ماعندي وانا ماسكة يدين زوجي واعضها بقوة ويجيبون لي الكمام ويحطونه علي وارميه ماسوى لي شي ولا ابي شي على وجهي وشوي احس اني ابي الحمام واصرخ ابي الحمام ويفتحون رجولي قالوا ياللا بوش بوش ادفعي واحاول ادفع ماعرفت صرت ادفع بصوت وصراخ وهم يقولون لا لا ويغطوني ويدفوني بالسرير طلعوني لغرفة كبيرة فيها سرير البيبي واضاءة قوية كنها غرفة عمليات وزوجي راح لغرفه ثانية وهذا الجزء الاصعب كان في ساعة ونص فتح من ثلاثة الى عشره بس ألم كان فوق احتمالي المهم كانوا يقولون لي اذا فيه طلق ادفعي وكل ماجت طلقه دفعت لكن كان دفعي غلط وانهد حيلي ماعاد قدرت اسوي شي ويحطوني على جنبي قالوا الراس عالي شوي وتجيني طلقه ويرفعون رجولي ويثبتونها ويفتحونها اقوى شي ويدخلون يديهم الطبيبه حطت يدها وتضغط على تحت وممرضتين كل وحده ماسكة جنب وتوسع ووحده قعدت على بطني بيدها وادفع وانا اصرخ باقوى ماعندي حسيت من تحت يتقطع من يديهم واقولهم لاااا وخروا يديكم واحس بشي خلاص يبي يطلع وتجيني ذيك الطلقه ومدري اتحملها والا ادفع وهم فاتحين بيديهم من تحت وادفع بكل ما عطاني ربي من قوة الا وتطلع بنتي حبيبتي الساعه سبع ونصف من رابع دفعه ويحطونها ع صدري وانا دخلت مرحلة اللا وعي اناظرهم بدون اي صوت وتضغط على بطني تطلع المشيمة واصيح اقول خلاص تعبت لاعاد تسوون شي قالت ماتبين خياطة وتحط لي ابرة بنج وتخيط وجاني نزيف بسيط من توسعة يديهم وجلست ساعة تنظف الرحم من الدم وتخيط وبعدين نظفوني ومسحوني ونقلوني لغرفة صغيرة يتابعون ضغطي كان مرتفع مرة وحطوا علي من تحت ثلج لان المنطقة تورمت والساعه عشر طلعت لغرفة التنويم حسيت كأن اللي صار حلم وانتهى بس لما غفيت الظهر كنت كل شوي افز احسب توني ماخلصت والحين عندي مغص وألم بالخياطة وألم برجولي والاوراك وكل المنطقه من تحت احس كنها مرضوضه بقوة بس الحمدلله هانت والله يهونها عليكم ويقومكم بالسلامة والعافية

الحمدلله الذي بنعمته تتم الصالحات هذا اكشني يا بنات والقلب داعي لكم بهون الطلق وحسن الخلق طبعاً...

الأمـــ حلم ـــــس :

وانتهت رحلت وهن على وهن الحمدلله حمداً يُدثرني عمقاً حتى يرضى فـ أرضى الحمدٌاللهِ على تباشير أفراحِي وَعسري حينَ ينفرج رزقني ربي بفضله ومنه وكرمه بمولود 💗💗أسأل الله أن ينبته نباتاً حسناً ~واكشني

وانتهت رحلت وهن على وهن الحمدلله حمداً يُدثرني عمقاً حتى يرضى فـ أرضى الحمدٌاللهِ على تباشير...

الجوووري2010 :

ياقلبي الحمدلله ارتحتي و عقبالنا بصراحه اتفائلت بولادتك يعني ان شاء الله قربت ولادتي بيني وبينك 3ايام اعطوك طلق صناعي ؟ وكيف تجربتك مع ابرة الظهر واستخدمتي شي عشان تجيك الولاده والا الطلق داهمك كذا معليش اسألتي كثيره بس محتاجه تجاوبي 😬😬

ياقلبي الحمدلله ارتحتي و عقبالنا بصراحه اتفائلت بولادتك يعني ان شاء الله قربت ولادتي بيني وبينك...