ام ولدي 1234 💕
لسى مابدات تخفيضات سنتر
،،
نجوم الليل💕
بالعافيه عليكي البسبوسه والقهوه
وبالفعل يقولو النوم على الظهر مرا مو كويسه
وانا زيك احيانا اصحى الاقي نفسي نايمه على ظهري
😢💔
الله يحفظ اجنتنا ونشوفهم بصحه وسلامه
،،
ام التونا 💕
قريت قصة ولادتك في بنتك سبحان الله ربي يسرها
وان شاء الله دي الولاده تتيسر كمان ربي يحفظلك اطفالك

ام اياد 💕
ماشاءالله عليكي كويس طبعتي الثيم
انا طلبتها من وحده تطبعلي 60 ثيم بااسم المولو
وتغلفها بالشكولت حسبتها ليا الحبه بـ 4 ريال
وانا رح ارتبها وازبطها
وبخصوص تبسي الخشب الي فيه منديل
يب مررا تمام حتى ماما ناويه تحط فيها الموالح 👍
وكويس عندك صديقه تطبعها لك
بس في تاجرات بس يصممو ثيم وياخدو مبلغ بسيط
وانا عليا الطباعه والقص والصق
شفت حساب قبل كدا بالانستقرام بس تصمم
بس مدري فين ضيعت حسابها
بس مرا مافيا حيل واختي كمان اخر سنه بالثانوي
وماابغى اشغلها ف قلت اخد كل شي جاهز مجهز
وانا عليا بس ارتب بالطاوله 😓💔💔
وحبيت الشكولت حق تخرج اخوك 😍
ماشاء الله
وسلامتك من الشد ربي يحفظك ويهونها لك
وبخصوص الحمام اووه انا كمان رايحه جايه للحمام
مرا ضغط سبحان الله على المثانه

اشراقه 💕
الحمدلله على سلامة بنت صحبتك
منجد موقفها صعب بس ربي سلمها والحمدلله
وبخصوص التوزيعات تلاقيها بمحل الحربي بقربان
وفي حساب بالانستقرام يبيعو حاجات بالجمله
وتوزيعات بالمدينه
دا حسابهم HSAN199.H
وبخصوص الولاده ان شاء الله اذا ولدت اقولكم بالتفصيل
عن الايجابيات والسلبيات
لكن !! الطوارئ الي بالمواساه زي الزفت
وربي اي وقت اروح الطوارئ لازم اخرج مكتمه من عندهم
رحت الطوارئ مرتين اول مرا لما جاتني النزله العويه
اتأخرو عشان يركبو المغذي ولما خلصت المغذي ماشالو
الابره من يدي ورحت البيت فيها وانا مع التعب مادققت
المفروض هي تشيلها بنفس الوقت
والمرا الثانيه رحت اليوم على اساس اخد ابرة الحديد
قالولي اليوم جمعه مانعطي
ماادري على اي اساس ممنوع يوم الجمعه 😣
والحمدلله طول الاسبوع يعطوني الحديد بغرفه مو بالطوارئ
كدا غرفه معزوله ومرتاحه بس اليوم رحت الطوارئ عشان جمعه
ومااعطوني والمفروض الابره اخدها يوم بعد يوم لكن
ايش اسوي باخدها السبت ان شاء الله
وبخصوص مغص بالشهر الثامن ..
والله مادققت اذا تجي مع الحركه بس طبيعي الي تحسي
فيه
ومبروووك وصول السرير والدولاب ربي يباركلك فيها
وريني ايت سرير ودولاب اخترتي ؟؟؟
،،

ام عصفورين
اسمك مسجل بالقائمه بااول صفحه
واسمك كمان ملون بس كاتبه ان ولادتك 16 رمضان
بس بغيرها واخليها 15
ان شاء الله
،،
ام عزه وياسمين 💕
ربي ييسرلك ولادتك يارب قرربت الولاده
الله يعين 😓
،،
الجازي 💕
ربي ييسر امرك وتقومي بالسلامه
طيب متى ولادتك عشان اكتب التاريخ بالقائمه
،،
جود اخت بدر 💕
تسلمي على الدعوات ربي يحفظلك مامتك
بس مامتي عكسسي ماشاء الله تجيب 3 ونص
ومرا جابت 4 ونص 😅
بس زي ماقلتي مع الاهتمام سبحان الله يكبرو
وصحتهم تسير حلوه

مها74
بخصوص البنج النصفي
الافضل بعد مالوحده تاخد الابره النصفيه ماترفع راسها
تخلي راسها على مستوى السرير
لين مفعول البنج يروح
اما العضوه ام حمدان وغلا
هي من تجمع مارس وابريل ولدت بنص التاسع اتوقع
قيصري عشان الجنين مقعدي
،،
سمااا💕
ماشاء الله تبارك الله انجزتي وخلصتي شغل البيت
ربي يباركلك فيها وبخصوص ستاير الدانتيل
تلاقيها باايكيا جاهزه 👍
وبسألك بخصوص المره المنقوعه
لما نقعتي المره بالمويه وشربتيها كانت علبة المويه قد ايش
الصغيره ولا الكبيره ؟؟
،،
كنده الرياض 💕
بالفعل حذرو من منتجات جونسون
وانا اشتريت سيباميد
،،
جنان الورد💕
بخصوص السرير الي من شيكو
ترا سنتر بوينت نزلو نفس الشكل وارخص
شفتها قبل امس بالمحل بـ 550