إشراقة أنثى :

بالنسبة لكل اللي ردوا علي مابغى أقتبس تعبنا حبيبتنا ام أصيل بتطيير الصفحات والتجمعات😅 الله يسعدكم حبايبي أنا والله ما أتعمد أظلم أحد والله يعلم باللي في القلوب وهو اللي بيحاسبنا لكن أهل زوجي مرررره مقصرين في واجبي وواجب أهلي واللي ذكرته بعض من كل والله لو أذكر مواقف أخرى ان تعذروني لو سحبت عليهم أنا كنت عايشه عند أهلي بسبب شغلي وانتم عارفين وأهله واهلي بنفس المنطقة وزوجي هنا في المدينة اتنومت مع بنتي الصغيرة جاها التهاب رئوي وربي يابنات ماحد رفع سماعة وقال سلامات تتوقعوا بيكونوا هم والا ولدهم حتى أغلى من من بنتي عندي !!!!! عمرهم ماقالوا محتاجه شيء وهم يعرفون ان ابويا وأمي كبار في السن لكن أقسم بالله مو عشان أهلي لكن راعين واجب مع الناس ولايردون من طلبهم خمس سنين عشتها عند أهلي ماعمرهم يزورني الا في الولادة فقط وانا كل ماجاء زوجي يزورني شالني معاه أحيان كل اسبوعين كان ينزل عمري ماقلت له لا أنا مابغى منهم شيء الحمدلله أهلي عندي بالدنيا الله يخليهم لي ويطول بأعمارهم لكن لما يوصلني كلام اني انسانه غريبه لمجرد اني أعز نفسي منهم فهذي لا والله ماحد يرضى على نفسه واللي بيته من زجاج مايحذف الناس بالطوب هم التقصير مغطيهم من ساسهم لراسهم مالهم حق يوجهوا لي كلمة لوم وانا كنت أستحي منهم لكن الآن قررت أقول كل اللي في خاطري بمنتهى الأدب أبغاهم يعرفون اني انسانه زيي زيهم ماني ملاك يعني أزعل على نفسي زيي زي غيري كيكة وحلاوة وسامية بأخلاقي ربي يعلم انا كيف انا أعامل أمه اللي هي عمته اصلا لكن في آخر زيارة لها وقفت مع ولدها ضدي وهي شايفه الموقف من أوله لآخره وعارفه ان ولدها غلطان لكن كبرياؤهم مايسمح لهم يقولوا الحق سبحان الله ع قد ايمانها وصلاتها وخوفها من الله لكن تجي لحد ولدها ما أدري ايش يصير معاها تنقلب الموازين ! طبعاً انا من يوم تزوجت فهمت زوجي نقطة اني انا ما أعتذر الا اذا كنت غلطانه واللي بيزعل وانا ماغلطت عليه مايتعب غير نفسه لأني ماراح أفكر في شيء أنا ماسويته،، آسفه طولت عليكم بس ترى حتى زوجي يستخسر يقول كلمة مبروك او الحمدلله ع السلامة يمكن لو يندفع بدالها فلوس بيدفع فلوس 😂😂😂 هو وعيلته كذا انا ماقدر أغيرهم وللأسف أحيان أقول وجودي بينهم مره غلط لكن أمر الله وحكمته والحمدلله على كل حال،،،

بالنسبة لكل اللي ردوا علي مابغى أقتبس تعبنا حبيبتنا ام أصيل بتطيير الصفحات والتجمعات😅 الله يسعدكم...

sandra2008 :

السلام عليكم ورحمة الله وبركاته امانة محد يزعل ان ما اقتبست ورديت على اللي باركوا لي في ولادتي بس ما قصرتوا اللي دعيتوا واللي هنيتوني وعقبال ادخل اهنيكم بقومتكم بالسلامة .. بداية ما كنت ناوية اني اكتب اللي سار لي بس قلت لعيون اللي طلبوا .. اللي حصل لي مو شرط يحصل لاي احد كلها اقدار من ربي ومقدر ومكتوب اني اولد قبل اليوم المحدد .. طبعا انا ولدت في الشهر الثامن في اول يوم الاسبوع 35 بدون اي خربطة في الحساب بس اللي حصل قبل يومين كنت في مكتبة الجامعة وفجاة لما كنت بأجلس على الكرسي حسيت بموية ووقتها قرأت على نفسي وطنشت .. ومن بعدها سار كل بعد ساعة احس برطوبة في المنطقة وبرضو طنشت .. لما جا الليل كل بعد شوي احس بالموية لدرجة اصحى من النوم .. كنت شاكة بنسبة 10 في المية انها موية البيبي و90 في المية انه بول ومع الثقل ع المثانةسار ينزل.. جا اليوم الثاني كنت متوترة ع زوجي بسبب انه عنده اختبار وبروجكت وما رضيت اقوله وكمان كان عندي كلاس طريقة الولادة يعني بيضيع من وقته كثير .. المهم وصلت القاعة قابلتني المدربة وكسؤال معتاد قالت في شي اتغير عليكي ده الاسبوع قلت لها ايوه احسب بموية تنزل وما اعرف هل هي بول او موية البيبي .. ووقتها قالت لي لا تحضري الكلاس انا الحين اتصل على مركز التوليد في المستشفى اللي اراجع فيها انهم يستقبلوني عشان يشوفو الموضوع .. رحت وكنت جالسة اقنع نفسي انه بول وبدري ع الولادة .. سووا لي كذا اجراء طبي وجات الصدمة ان موعد ولادتي قد حان واقترب .. شعوري وقت الدكتورة قالت ده الكلام ..سرت ادمية مفهية تسالني وما اجاوب زوجي خاف علي وسار يقولي اش فيكي .. وبدون سابق انذار انفجرت ابكي .. اذكرت امي اذكرت اهلي حسيت انه اخر يوم لي وانا مو مستعدة له .. ع الرغم الطاقم الطبي اللي كانوا مسؤوليين عني مش مسلمين يعني كفار بس ربي يسعدهم قسم ريحوني نفسيا عاملوني زي معاملة ماما لي ( تهديني ، تمسح ع شعري ، تحضني ، تميح دمعتي ، تشاركني مشاعري ، تهون علي ) المهم هنا المهم .. ركبو جهاز نبض وحركة البيبي والطلق ، بداية ما كنت حاسة بالطلق وكان الجهاز بيعطي طلق .. مرت نص ساعة وكنت ابغى الحمام فصلت الاجهزة وخلتني اروح طبعا انا بكرية يعني ما كنت ادري ان الموية لما تنفتح بقوة حيكون نزولها بالشكل اللي حصلي .. فانحرجت من زوجي ومنهم .. زوجي يقولي عادي امشي اوصلك الحمام والممرضة قالت ما سار شيء بالعكس مبروك اقترب وقت انك تشوفي احلى لحظة البيبي .. بعدها بدأ الطلق وكانت تبى تقيس الرحم ، قلت لها اكيد ما فتح عشرة سنتمتر قالت اكيد قلت اجل لما تشوفني ما اتحمل الالم اسمح لك تشوفي قالت اوكي اهم شيء لا تضايقي حالك .. اشتغل الطلق معايا من خمسة عصر الين 2 فجر وبدأت اطبق طريقة التنفس ( هي هي هي هو ) و اخذ نفس من الانف واطلع الزفير بطريقة النفخ من الفن للامانة طريقة ممتازة تهون كثير من الالم المهم ووصل الرحم 8- 9 وكانت الراس برا ،، لدرجة زوجي شافها وجات الدكتورة قالت لي ان خلاص ما بقي شيء وسارت تمسح ع راسي وتساعدني بعدها جاتني طلقة ومن مجرد ما خلصت منها كانت الصدمة الدكتورة جات تكشف لقت الامور اتغيرت .. راحت شغلت السونار وطلع اللي شافته صح راس البيبي اتغير وسار فوق .. باختصار الموية نزلت والراس فوق يعني ولا طريقة ما ينفع يستخدموها عشان يقلبو البيبي حتى لو بيدها لان الموية نزلت وما في شيء يساعد وبعدها انقلب الطبيعي من رحم مفتوح 9 سم الى عملية قيصرية .. اخذوا اجراءات العملية وحددوا وقت العملية وكانت قريب 4 فجر .. لما قرب وقت العملية طلبت الدكتورة تعطيني مهلة كمان ساعة امكن يقلب البيبي راسه وربي يسعدها وافقت الدكتورة واعطتني ساعتين بس ارادة الله فوق كل شيء .. دخلت العملية واخذت ابرة الظهر وقبلها اعطوني ابرة الرئة واعطوني محلول لمنع البكتريا والفطريات تتنقل للبيبي لما يخرج ( لما كنت في وضع الولادة الطبيعية ) عشر دقايق تقريبا وولدت وطبعا انا طلبت يكون الطاقم الطبي حريم وبالفعل حققو رغبتي وتخيلو كانوا حريصين انهم يغطوني ويستروني لدرجة اخذو طرحتي وعقموها ولبسوني هيا وطول الوقت ينبهوني انهم مغطين رجلي وانهم كشفوا ده المكان بس عشان غرض محدد ،، وكمان سمحوا لي ادخلي ايبادي يقرأ القران في غرفة العمليات ، وطلبت يقولو ( بسم الله في كل شيء يسوه ) ،، والله ما قصروا بين كل كلمة وكلمة يقولو بسم الله قلت لهم اني ما اعرف جنس البيبي كلهم اتحمسوا يعرفوا انا وزوجي اش نفسنا بعدين انقسمو لقسمين ناس يحبو البنات وناس الاولاد ولما ولدت وطلع ولد ساروا يقولو بسم الله هياااااااا بعدين اخذوا البيبي ونظفوه والعملية بيكملوها ف دي اللحظة الله يسعده زوجي كان طول الوقت حريص اني استغفر واسبح وادعي ويذكرني بفلانة وفلان عشان ادعي لهم وكنتو من ضمن المذكورين ربي يسعدكم ويوفقكم .. جات اللحظة الحاسمة ،، انا كنت مخططة ابلغ اهلي واهل زوجي اني حامل في بدلية الشهر التاسع او نصه بس ارادة ربي اني اولد قبل التاسع المهم وانا لسا في العملية زوجي اتصل على امي وامه ردت اختي ع جوال ماما وزوجي كان حاط الكام علي .. اختي قامت تسالني اس سار عليكي وتصرخ امي راح زوجي قالها احلفك بالله يا بنت عمي لا تنادي ع مامتك وتفجعيها سارت اختي تبكي تقول اش فيها قال ولا شيء ولدت وجابت ولد ،، قامت اختي راحت لامي وتقولها الحقي ساندرا مدري اش فيه زوجها يخربط يقول ولدت وحابت ولدت ،، قسم كرهت نفسي في ذيك اللحظة امي سارت تشهق من البكى وتقولي شوفتك في منامي تولدي ولدتي ولدتي ؟ .. وانا سارت دموعي زي الشلال ولا قدرت ارد وسارت تدعي لي وتبكي وتحلف زوجي اني طيبة وكيف صحتي .. بس الاصعب في الموضوع تقبل بابا للصدمة وما رضي علي الا عشان قلت له لا تحملي هم زعلك ع هم ولدي حياخذوه في الحضانة لمدة اسبوعين .. وقتها رضي لان حسيت ما يبى يضغط علي كفاية اني عملية وولدي وغربة وتعبانة وسار يدعي لي .. اخواتي بين مصدق وممذب ناس تبى تشوف الجرح عشان تتاكد وناس تبى تشوف البيبي .. من الاخير عملت لهم اكشن لدرجة اخواتي كلهم يقولو تاني مرة لو حملنا ما راح نقول ع الحمل ولا ع الولادة الا لما يسير عمر البيبي سنة 😅😅😅😅 ام وسام سبحان الله كنت اقول جا دورها ما توقعت دوري يجي قبلك روز بيني وبينك كم يوم وكنت حاطة في بالي عشان انا بكرية بتاخر وانتي بتولدي قبلي بس سبحانه مغير الاحوال ام رهف سبق ووعدتك اني بحاول ادخل حتى لو ولدت وان شاء الله اكون قد كلمتي ووعدي حبايبي اسفة طولت عليكم بس الكلام اللي كتبته تقدير لكل وحدة عبرتني ودعت لي او باركت لي ،، تقريبا شهور مع بعض تشاركنا متاعبنا وهمومنا ومشاكلنا وان شاء الله ربي يديم المودة والمحبة اختكم في الله : ساندرا أم جون 😅

السلام عليكم ورحمة الله وبركاته امانة محد يزعل ان ما اقتبست ورديت على اللي باركوا لي في ولادتي...

ساميه بأخلاقي :

أم اصيل طمنينا عنك ببيتك والا بالكشك 😁😁 لا امزح ان شاء الله انك طيبه ومافيك الا العافيه

أم اصيل طمنينا عنك ببيتك والا بالكشك 😁😁 لا امزح ان شاء الله انك طيبه ومافيك الا العافيه