مشاركه من العضوه ام اصيل الحجازيه
بأذن الله بنفاسي اعتمد هذي الخلطه في وحده افادتني فيها من التجمعات السابقه
لخبط مين هي اتوقع خوخه او خزامي وحده منهم ^_^
.. الخلطه توحد لون البشره وتعطي بياض للجسم ونعومه ..
مع العلم بشرة جسمي ماتعدمت كتير مع الحمل بس قلت بسويها لأن مكوناتها متوفره عندي
الطريقه
4 ملاعق زبده الشيا
2 ملعقه زيت جوز الهند
2 ملعقه جلوسليد
2 ملعقه زيت فيتامين e
تخلطيهم وتحطيهم بعلبه وبالليل تستخدميها تحطيها بكل الجسم
ماعدا المنطقه الحساسه
وبالصباح تتروشي
ومع الاستمرار يروح السمار والبشره تطلع ناعمه
وموحده اللون

،،،،،،،،،،،،،،،

مشاركه من العضوه سوسو بيدو
خلطه شعر
،،،
السلام عليكم
هذي خلطت الشعر علشان ترجع شعوركم احلا من قبل وتصيرون كاملات والكامل الله
الخلطة هذي انا في بدايت استخدامها بستمر عليه لحد ما اطلع الأربعين تفضلوا
المطلوب :
-زيت النارجين ( الحديد الي مرسوم عليه نخلتين ) بخمسة او سبع ريال
- وبقبضة اليد تاخذين خوجوا + ألاملج + محلب اسود
الطريقة :
- جبي قدر واخلطي فيه الزيت والأعشاب تكون مطحونه وخليها تطبخ على نار هاديه يعني كذا ربع ساعه خليها بعد الغليان حوالي عشر دقايق اهم شي ماتطلع ريحة حريقه
وحيصير لون الزيت عوووووودي
صفي الزيت واستخدمي الزيت حطيه بشعرك يعني 4 ساعات
والله يا بنات شوفة عيني ان بنات قريبتي صارت كثيرة وطويلة والله وحدة بنات كانت الشباصة ما تمسك الشعر والحين ما شاء الله صار طويل
،،،،،،،،،،،،،،،
مشاركه من العضوه سوسو بيدو
عن سنفرة الجسم
،،،
والسنفرة الي استخدمتها اخذتها من النت وهي كالتالي :
1- نصف علبة سنفرة كاب
2- ملح الحليب ( يوكو سبا) نص العلبه
3- اربع ملاعق حليب نيدو
4- ملعقة من كركم الجسم
5- ملعقتين نشا
تخلطينهم كلها مع بعض وتستخدمينها مرتين او ثلاث مرات بالأسبوع طبعا او شي توزعينها على جسمك وتخلينها 3 او 4 دقائق وبعيد أبدي بالتفريك
وبعدين اغسليها وجيبي ليفه وصابونة وافركي جسمك فيه
وراح تشوفين النعومه والنظافة ومع الاستمرار راح يفتح جسمك باذن الله
بالتوفيق يا قلبي
،،،،،،،،،،،،،،،
مشاركه من العضوه اشراقه انثى
خلطة شعر
اليوم صحيت الصباح بدري قبل يصحى زوجي وبناتي
وسويت خلطة وحده تحلف بالله انها لاحظت فايدتها من أول ماجربتها!!
المهم الخلطة وصلتني واتس وللأسف اني مسحتها بالغلط كويس اني فاكرتها الحمدلله
1-سدر
2-وزيت زيتون
3-وزيت خروع
4-وتجيبي بصلة وفصين ثوم قشري البصل والثوم وقسميها نصين براحتك وحطيها في مويا وخليها تغلي لين يتغير لون المويا وتصفيها
وتخلطي معاها السدر وزيت الخروع وزيت الزيتون وتحطيها في شعرك في الليل مثلا وتغسلينها الصبح تحلف انها تنعم الشعر وتطوله والله أعلم
الكميات ماحطت كميات أنا أحط تقديرية ع قد استخدامي
وللأمانة أنا زيت الزيتون ما أحطه مباشرة أحط كميه ع النار وأدفيه شوي وأعبي فيه قارورة للشعر واستخدم منه لي ولبناتي لأن زيت الزيتون لما أحطه مباشرة مايناسبنا ووحده نصحتني أدفيه ع النار عشان فيه مركبات تتفكك مع التسخين والله أعلم وفعلاً والله يخلي شعر بناتي يلمع وحيوي من يوم صرت أدفيه!!
حبيت أفيدكم للي لها مزاج الخلطات الشعر
،،،،،،،،،،،،،،،

مشاركه من العضوه ام اصيل الحجازيه
للعنايه بالحمل وبأذن الله بستمر بعد مااولد
اعتمادي حاليآ على شيئين للشعر
ماسك المايونيز طبيعيه ولها فوائد كتير انا اشتريها جاهزه
وسبق وشرحت عنو
بالتجمع العاشر بالصفحه الاولى وفيها صورة الماسك
اكون قبلها بيوم متحممه وشعري نضيف
وثاني يوم احط الماسك بفروة الشعر الى اخر الشعر
واغطي شعري بكيس لمده ساعه او ساعتين
وبعدين اغسل شعري فقط بالمويه
وبعدها بيومين اغسل شعري بالشامبو
وبعد 5 ايام ادهن شعري بزيت الجوز الطبيعي
برضو حطيت صورة الزيت بالتجمع العاشر الصفحه الاولى
واخليها بشعري 8 ساعات واغسل شعري بالشامبو
وكل 5 ايام او 6 ايام اسوي دي الخلطتين مرا كدا ومرا كدا
...
اما الترطيب للبطن والارجل واليدين
جهزت علبه وخلطت فيها زبده الشيا + زيت جوز الهند
وشويه زيت اللوز
والنتيجه ترطيب يجنن ونعومه ورجولي صارت ناعمه ماشاء الله
لكن رجولي احط كمان فازلين وبعدين احط دي الخلطه
،،
للبشره اسوي قناع كل 5 ايام
القناع الاوربي وبعدها بخمسه ايام احط قناع هيلين كوين
،،
وقبل النوم ادهن المنطقه الي تحت العين بفيتامين e
و وحهي اخلط كريم كيو في مع قطرات من فيتامين e
والشفه اخلط فازلين مع نقط من فيتامين e
،،
والتفاصيل والصور تلاقوها بالرابط بالتجمع العاشر
بأول صفحه
،،،،،،،،،،،،،،،
مشاركه من العضوه عشرينيه
لخلطه بالجسم
نضاره وتفتح وتوحيد لون
صبايا فيه خلطة روعه وسهله ومتوفره بكل بيت ونتائجها تستاهل
نضارة وتفتيح وتوحيد لون البشرة بس استمرو
ملعقتين سدر مع ملعقة حليب بودرة تخلطونها بموية وتدهنون جسمكم فيها اذا جفت افركوها بحركات دائرية بتنظف الجسم وتفتحه استخدموها مره أو مرتين فالاسبوع
وبالنسبة للوجه حطوها ماسك لاتفركونه
ولاتنسون ترطبون جسمكم بزيت الجلسرين واللوز والليمون مره أو مرتين فالاسبوع قبل النوم
مكونات سهله وتستاهل نتيجتها ذكرتني فيها ام أصيل
،،،،
هنا ردود اقتبستها للخلطه الي كتبتها عشرينيه لكن ماكتبت من مين للاسف !
وممكن قبل خلطة السدر تسوي تقشير للجسم
هذي الخلطه عجيبه
تشيل الحبوب والاثار وتفتح البشره بس طبعااا مع الاستمرار
كنت استخدمها قبل الحمل واستخدم قبلها تقشير للبشره والجسم
البشره بكريم كاب
اما للجسم كنت استخدم كاب مع ملح الحليب مخلوطه مع اي سنفره للجسم
وبعده استخدم الخلطه حقت السدر شفت نتايج حلوه لكن الحين مع التعب تركتها بس باذن الله ناويه ارجع لها
،،،
وهنا تعليق ثاني للخلطه من احدى العضوات
اخلطي السدر مع حليب بودره بس السدر يكون اكثر ومع مويا وخليه قناع ع جسمك ووجهك وكل اماكن الحبوب انا الحمدلله ناسبني ف حبوب الجسم اما الوجهه بس خففها لكن ماراحت المشكله من 8 سنوات ..
،،،،،،،،،،،،،،،
مشاركه من العضوه جنان الورد
خلطه للجسم
الخلطه ( فازلين كبير العادي + كركم الجسم اخلطيهم مع بعض تقريباً 5 ملاعق كبيره من الكركم ) السر هنا ي بنات بالكركم لازززم الأصلي
انا اشتريت مرا من عطار عبدالله عمر اثق فيهم بس صراحه ماعجبتني لاني كنت دايم اخذ من محل عطار عادي عندنا بنفس الحي وفعلاً تفرررق يعني انتبهو لازم تكون الاصليه
اتركي الخلطه ساعتين ع جسمك وبنفس الوقت زيتي شعرك استفيدي من الوقت
2/ اي صابون او صابونيه عندك استخدميها بعد الخلطه
3/ سنفرة كاب جددددداً خطيررره ماستغني عنها ابداً
بعد السنفره رطبي جسمك لاززم والا مابتستفيدي شيء
انا استخدم كريم بالمرز مو الزبده لا الكريم
وكمان مسويه مرطب يتكون من ( الفازلين الوردي مع جلسرين سايل وزيت لوز مرّ خلطتهم مع بعض ورجعتهم للعلبه ) تقريباً فنجان من كل زيت
انا ان شاء الله من ادخل الثامن ببدأ فيها 3 مرات بالاسبوع وبالاربعين كمان ان شاء الله ع خير

,,,,,,,,,,,,,,,

مشاركه من العضوه فوق الغيوم احلامي
بخصوص مغص البيبي
،،،
حبيت اضيف شي علاج المغص للبيبي فيه نقط اسمها ديسفلاتيل مره حلووووه وتريحيه للاحتياط اشتروها تنقطين اربع نقط في الرضاعه وتحطين عليها شوي مويه يدوب تملين الغطاء حق علبة المويه وترجينه لين تذوب ويرضعها البيبي عشان تضمنين انه اخذها كامله لان اذا نقطتي بفمه ماراح يستفيد منها كثير فابالرضاعه افضل
والحلو في هذي النقط ان جسم البيبي مايمتصها يدوب تذوب الغازات في بطنه وتطلع وانتوا بكرامه مع براز الطفل انا مجربتها مشاء الله في بناتي وهم صغار ونتيجتها فعلا مريحه وسريعه وبرضو لازم تكرعون للطفل عشان يتجشاء بعد كل رضعه ضروري عشان الغازات وفيه طريقه يرتاح فيها الطفل تنيمينه ع بطنه وتمسحين بشويش بيدك ع ظهره بيرتاح وفي نفس الوقت يتجشاء وتروح الغازات من بطنه وبالعافيه ع الكتاكيت يجون بالسلامه يارب
،،،،،،،،،،،،،،،
مشاركه مو عارفه من مين اتوقع من تجمع غير تجمعنا ^_^
بخصوص مغص البيبي
مغص النونو
اول شي لمغص البيبي استخدمي افناكول مررره ممتاز وصرفه الدكتور لبنتي وهي بالنفاس ومامنه
ضرر ان شاءالله لانه كله اعشاب
،،،،،،،،،،،،،،،
مشاركة من العضوه جنان الورد
علاج شمم الطفل يعني الالتهاب الي يجي بالسره واي نوع من الالتهابات عمومآ
تسمى شمم ..
طريقةة الخوا جوا من الوالده
كمون محلب
خوا جوا
عنزروت
تطحن جميع
رشاد حب يحمس
الطريقه :
يسخن زيت زيتون وتضعين المقادير المطحونه ع الزيت ثم تضعين الرشاد وتحركين لدقائق
يوضع بعلبه زجاجيه وتضعين عليه (مرّه ) مطحونه وحركيهم مع بعض قبل الاستعمال
يوضع ع انف الطفل مسحه وخلف الأذنين
واذا استشم الطفل حطي مسحه منه بالحفاضه
،،،،،،،،،،،،،،،
تجربة رنو بمرهم كويس للحساسيه
بمنطقه الحفاض
.استخدمت اليكاM الحمد لله في يومين جت نتيجته رهيييبه
،،،،،،،،،،،،،،،
طريقه الخوا جوا للشمم
مشاركه من عشرينيه
طريقة الخوا جوا
زيت زيتون تحطين فيه خوا جوا مثلا ملعقة صغيره خواا جوا مع كوب صغير زيت زيتون تحطينها على النار لين يتغير لون الزيت اخلطيه أو انقعيها الطريقتين صحيحه بيطلع لك أحمر صفية وحطيه في علبه النقع ليله كامله أفضل عندي لأن الطبخ يصير ريحة البيت سيئه
وبالنسبة للشمم بعد يجيب حرارة واغماء بعد في حالات شديده لكن الشمم علاقته بالجروح فقط
والجرح يصير مؤلم جدا و الجرح يمكن تفتح
المستشفيات يوصفون له مضاد وممتاز مع الخوا جوا
.
.
اذا الجرح ينبض بقوه ومنتفخ ووجهك بعد متورم هذا شمم (التهاب) الله يعينك خذي محلب مطحون مقدار ملعقه صغيره ومره مطحونه مقدار ملعقه وحطيهن في علبه مويا وخليها عند راسك اشربي منها
وخذي خوجوا سخني زيت زيتون وضيفي له الخواجوا ومعه كسره مره وشووووويه حلتيته وصفيه وادهني الجرح منه وشميه
سوي لك شاي حزا ممتاز للشمم ماادري اذا تعرفين الحزا اولا خذيه من العطار لونه اخضر فاتح وعباره عن اعواد واوراق
وقدامك العافيه حبيبتي

ننتظر عفوره تطمنا قالتلنا دخلت العمليات ولا عاد كتبت شي
دعواتكم لها ان الله يقومها بالسلامه هي والبيبي
...
وسنا القمر
قالت ان عمليتها اتحددت يوم الاحد يعني بعد كم يوم
ياريت تطمنا عنها
...
وسوسو بيدوو
مختفيه كماااان
...
وربي يسهل للجميع ننتظر الان مين الي تستفتح التجمع بالولاده

يعطيك العافيه و طولة العمر ام اصيل
و عسى يارب عفورة تطمننا عليها

ساندرا سؤال
كم وزن جون الان ؟
و هل وجوده بالحضانه بسبب الوزن او سبب ثاني ؟