حنين طفله :

وانتهت رحله وهن على وهن الحمدلله رب العالمين ولدت بعد معاناه مع الطلق الصناعي 15 ساعه رحت موعدي ودخلوني ع طول تنويم رسلت زوجي يجيب اغراضي من 8 الصبح ماخلصت الا 12 ونص الليل الساعه 5 العصر اخذت ابره الظهر والله فرق ونعمه من الله الطلق الصناعي حطولي تحاميل وابره كاني مشبوكه لكنبه انفض نفض وسوولي تحريض وكشف وربي هونها بس بنات ادعو لولدي تقطع قلبي طلع من بطني مايتنفس ولا يبكي سرت اصرخ اقول شفيه الا تجمعو الدكاتره ونادو ممرضات وانا ابكي اعطوني منوم عشان شافوني انهرت سووله انعاش ورجع تنفس كان لونه ازرق وذحين بالعنايه المركزه مع اكسجين وتحاليل ولا خلوني اشوفه قالو تعب من الدفع تعلمو الدفع ظين البكريه جلست ساعه ونص احاول ادفع ماعرفت وتعب ولدي سكره الله يقومك بالسلامه امجاد وام ندى الف مبروك عقبال الباقيات دعواتكم وراجععه بكامل الاكشن بس ارتاح واطمن ع ولدي

وانتهت رحله وهن على وهن الحمدلله رب العالمين ولدت بعد معاناه مع الطلق الصناعي 15 ساعه رحت موعدي...

حنين طفله :

الله يسلمكم جميعا لا سكر انا في فقيه بس خلوني اطول لان الدكتوره حضرتها ما جان وقالولي وقفي دفع خلاص استنيها والالم يصرع حسبي الله عليهم اكثر من ربع ساعه والراس بيخرج وماسكته مدام الفهد المشكله تقولي بوشش بوشش اقولها انا ادفع بس ينقطع نفسي وكان يقرب تحت ويرجع يطلع فوق حتى راسه جاي طويل الله يسمع منكم ويطمن قلبب ويخليلكم ماعطاكم يارب يلا سكره قولي ل بنتك الدلوعه تطلع الله يقومك بالسلامه انتي وكللللل بنات التجمع ولا تشوفون الي شفته يارب اهون ولاده

الله يسلمكم جميعا لا سكر انا في فقيه بس خلوني اطول لان الدكتوره حضرتها ما جان وقالولي وقفي دفع...

امجآد :

الله يبارك فيكم يابنات وعقبال نفرح بالجميع ونقرأ تباشيرهم 💜💜💜 جيتكم بحكاية ولادتي دامني على المسكنات والحمدلله مصحصحه قلت اكتب لكم ❤ طبعاً اغلبكم عارف وضعي واني لي اربع ايام الدم ينزل معي ويرجعوني الطواريء بدون كشف ، يوم الجمعه زوجي المصون اللي ماشاءالله حيل حاس فيني ومقدرني 😂 مسوي عزيمه لاصحابه وقال دبري عمرك روحي لأي وحده من جاراتك لين يخلص العشاء ماني فاضيلك واذا جتك الولاده خليها توديك للمستشفى 🌚😂😂 المهم من صباح الجمعه تنزل معي شوية مويه وكنت شاكه انها افرازات مو مويه بس كانت شفافه ثم صارت صفراء ثم بدأت تميل للبني ، ورحت عند جارتي قالولي وجهك وجه وحده ولّاده مافيها كلام المهم تعشينا و اموري كلها تمام بس انفشلت منهن كل شوي رايحه الحمام واحس البلل يزيد ولما جاني زوجي بعد عشاهم اخذني ؛ نشبت في حلقه قلت موديني موديني للمستشفى الله لا يعوقنا ب شر وفعلاً رحنا والحمدلله ربي سخرلي ميدوايف حنونه كشفت علي قالت الرحم مفتوح و معك طلق والمويه جالسه تنزل بس مايكفون للولاده ارجعي للبيت واذا حسيتي بشيء تعالي او حنا نتصل عليكم بكره نعطيك طلق صناعي ورحت للبيت الفجر ماقدرت انام جلست عالتلفزيون وبالي مشغول وقمت استغفر وادعي الله انه يسهلها واكلت رطب سبحان الله بدأت الاوجاع تجيني فجأه اول شي اسهال قوووي ثم اوجاع زي الدوره < الكلام هذا تسعه الصباح شوي الا صدفه المستشفى يتصلون علينا يقولو تعالي لازم نولدك ورحتلهم وانا حيل تعبانه حتى تفشلت بالعماره قدام الرجال حسيت من طريقة مشيتي اكسر الخاطر 😭😭 وصلنا المستشفى وكشفو علي لقو الرحم مفتوح اربعه سانتي 😍 شوي الا وصل سته سانتي بعد ساعتين وصل تسعه سااانتي ياربي لك الحمممد حتى هم مستغربين يقولون اول مره تجي بكريه يفتح معها الرحم بالسرعه هذي حمدت الله وشكرته ودعيتلكم ولكل من دعالي عرفت انها دعوه من شخص نيته صافيه وربي استجابها .. طبعاً عطوني ابرة ظهر و غاز مسكن و الحمدلله ما صرت احس بأي شيء لكن وقت الدفع النونو رافع راسه فوق يطالع لبطني مو يناظر تحت فهمتوني؟ مايقدر يطلع جو وقعوني على انهم يحاولون يعدلون وضعيته ويشفطونه او يسوون لي قيصري 💔 خفت كثير وبكيت يعني بعد عشره سانتي أتحول عمليه؟ والله صعبه بس الحمدلله دخلنا غرفة العمليات و بسرعه تعدلت وضعيته مع السحب قالولي بوش بوووش 😭😭 وبسرعه طلع حبيبي ماعذبني ابداً والاطباء على راسي و الممرضات يمسحون على راسي ويحاولون يسولفون معي وقت الشفط عشان ما اركز .. والحنيّه تقوطر من عيونهم حسيت هم المسلمين مو حنا والله 💔 والحمدلله حمداً تستطيب به النعم ؛ نصيحتي يابنات 1 ابرة الظهر ثم ابببببرة الظهر لا تفوتكم ربي راحمنا فيها ولا تسمعون الاشاعات عنها ؛ 2 الرطب كولو منه على جوع وكثرو. ؛ انا ماتركت شيء ما اكلته بس كنت اكل الرطب وبطني مليانه يعني مو اكون جوعانه يبقى هذا سبب من الاسباب والدعاء والاستغفار يسوون العجب العجاب .. الله يوفقكم كنتو لي اكثر من خوات واعذروني على الاطاله ❤❤..

الله يبارك فيكم يابنات وعقبال نفرح بالجميع ونقرأ تباشيرهم 💜💜💜 جيتكم بحكاية ولادتي دامني على...

سكرة بنوتات :

قلتوها بنتي دلوعه مب راضيه تطلع هاه وش تشورون علي ؟ ادخل يدي واسحبها بالقوه؟ 😜😜 ولا اتحمل دلعها

قلتوها بنتي دلوعه مب راضيه تطلع هاه وش تشورون علي ؟ ادخل يدي واسحبها بالقوه؟ 😜😜 ولا اتحمل دلعها