داانو1 وزهور الامل .. الحمدلله ع سلامتكم ومبرووك ماجاكم والله يحفظهم..




ام اصيل واشراقة انثى ..


ماشاءالله ع تجهزاتكم وترتيبكم .. الله يكتب لكم الساعة الطيبة والولادة السهلة...


ام مشاري ..
اميرة ياسمين غادة
والله يجيب البنوته بالسلامة...






وباقي الحلوووات الله يسهل علينا وعليكم وييسرلنا ولكم الولادة السهلة ياارب..

ام اصيل ماشاء الله حلو سعر الاناناس عندكم ، انا قبل اسبوع ونص اخذته من الدانوب ب 15 ريال وامس اخذته من الخضري ب 13 ريال ، وف الاسبوع وحده تكفيني ،،


اشراقه الله يسعدك افديتني انا اهم شيء عندي مايتقطع الهيلاهوب ويكون ينفع للحر والبرد والي حطيتي صورته حلو للمناسبات زي العيد او افراح وكدا بس ابغى شيء عملي ويطول ف شكلي حجرب حق مذركير ان شاء الله ،،


دانو & زهور الامل
الف مبروووووك والحمدلله ع سلامتكم وسلامة نونانتكم ربي يحفظهم ويخليهم لكم ❤❤،،

اخباري انا من الساعه 12 ونص الظهر وانا ف المستشفى استنى دوري يجي عشاني دي المره جيت مراجعه مو بموعد بالموعد انتظر حول الساعتين ودحين ليا 6 ساعات انتظر ، خلصت سندوتشاتي ودخلت الحمام الين ماقولت بس ومشيت وكله سويته ولسى ماجا دوري عشان المواعيد يدخلوهم اول وبعد كل 3 مواعيد وحده مراجعه وانا كان ثالث اسم مراجعه وغير انه الدكتوره تروح تولد كل شويا ف بجد مره تعبت وخلاص ماعاد بجيهم الا ع وقت الولاده ان شاء الله ،،


يمكن كمان ساعتين وادخل 😢حيصير 8 ساعات انتظار كله بس عشان بشوف نتيجة تحليل الدم والمسحه حق الاسبوع الي فات 💔..


وبنتي الله يهديها ويصلحها جننتني شويا وحضربها 😒،، بس ماسكه نفسي عشان لاتفك الصوت وسط الناس ..


الله يعين ويسهل

ام وسام الي جربته ف بنتي الحلبه وكثرت الرضاعه تكثر الحليب والسوايل ،


بس قريت كمان انه زيت جوز الهند بيخلي حليب الام دسم ،


ف حجرب ان شاء الله زيت جوز الهند بس لو طلعلي حبوب ف بشرتي لاقدر الله ماراح استخدمه

قهر كتبت رد طويل وراح واختفى