ام رهف81 :

يووووه الله يعينك والله سراحة غثا😰😰ليش كذا الزحمة من 12 ونص الي 8 😕!!!! كثير والله و ياريتك لو خليتي بنتك مع اهلك تعب عليها،و زوجك طفش من الانتظار لانه طويل ،واكيد بكون معصب طول الوقت 😅اسأليني انا اذا تأخرنا ساعتين او ساعة عَصّب وقوم الدنيا وغريبة الرئة تكتمل في الاسبوع 38!!!انا بنتي ولدتها في الاسبوع 36 وكم يوم وكانت عادية بالنسبة للتنفس واستشاري الاطفال سمح لها تطلع معي ع طول و قال كل الأجهزة سليمة ووزنها كان قليل 2400 بس سمح لها بالخروج..

يووووه الله يعينك والله سراحة غثا😰😰ليش كذا الزحمة من 12 ونص الي 8 😕!!!! كثير والله و ياريتك لو...

ام اصيل الحجازيه :

جديدي رحت محل سبورتس ون بالنور مول واخدت جزمه من ماركه سكتشرز لانها مرا مريحه بالمشي حاليا معايا حقت اختي قلتلها ابغى امشي فيها وعجبتني مرا بالممشى خفيفه على الرجل وكااني ادعس على اسفنج مرا كويسه للمشي وقلت لزوجي انها مريحه ف اخدها ليا اليوم ،، اخدت لون كدا مموج وكان الاصدارالثالث والاصدار الثالث فيها مميزات اكتر انها مريحه اكترر ف بدلع فيها وانا امشي مع الحمل 😁 وقلت بستفيد منها كمان في اي مكان وطلعه او بالسفر سعرها 255 ريال دي صورتها ، ، ومن داخل لونها ازرق ومكتوب ( بلس )

جديدي رحت محل سبورتس ون بالنور مول واخدت جزمه من ماركه سكتشرز لانها مرا مريحه بالمشي حاليا معايا...

^Ro0oZ^ :

انا دايما اخذ موعد والموعد احجزه قبل شهر ونص او شهرين لو لقيت وف اي وقت القيه ع طول احجز ، بس دايما تسويلي التحليل بالموعد وبعد 5 ايام اجي ع المختبر ع طول واخذ نتيجة التحاليل واروح مستوصف جنب بيتي عشان اعرف ايش الكويس وايش الي مو كويس ، بس دي المره قولت بروح اخذ النتيجه مراجعه وماادفع شيء ب ماانه اخر مره ادخلها ان شاء الله وبعد كدا ماراح اجي للمستشفى الا ع الولاده ، ف اكلت ع راسي عشان بس اعرف النتيجه وربي انه حول الدقيقتين قعدت مع الدكتوره لانه ماسوتلي سونار بس ع كدا ع السريع وهيا شبه جالسه وع طول طلعت للغرفه الثانيه عندها مريضه ثانيه ، وف الاخير قولت يارتني روحت مستوصف وادفع 80 ريال كشفيه ولا اتلطع 8 ساعات عشان اعرف النتيجه 😒.. ولو ابغى موعد انتظر كمان شهر ونص عشان احصل موعد اكون قد ولدت وخلصت وانا لسى استنى احصل موعد 😭.

انا دايما اخذ موعد والموعد احجزه قبل شهر ونص او شهرين لو لقيت وف اي وقت القيه ع طول احجز ، بس...

^Ro0oZ^ :

بنتي ماعاد ترضى تروح عند اجدادها من يوم حملت صارت لاصقه فينا وتبكي بكاء كانه احد ذبحها لو حطيناها عندهم ف امي تقول شيلي بنتك دامها تبكي واهل زوجي برضوا ماراح يتحملوها تبكي وتصدع براسهم معنهم يدلعوها بس هي تغيرت من يوم حملت ولا اول عادي تروح عندهم ،، وزوجي عاد لو مايبغى يستنى يوديني مستوصف ويدفع، بس المستشفى ع التامين والتحاليل مكلفه بصراحه 😢، والرئه بصراحه ماادري استغربت من كلامها بس هما يحبوا الطفل يقعد ف الرحم اكثر عشان كويس له بس مو لازم يقعد 38 اسبوع ولا ماتكتمل الرئه الا يمكن لبعض الحالات مو الكل ، انا بكرا ان شاء الله حدخل الاسبوع ال 37 ونفسي اولد ع الاسبوع ال 39 معني قرفانه وتعبانه وثقلانه بس خلاص صبرت كثير وباقي القليل ان شاء الله واشوفها بالسلامه يارب .. والطفل عادي يطلع مع امه دام اعضائه كلها مكتمله وكويسه ، بس الوزن له دخل ف الترويش والعنايه بيه وكدا احس كل ماكان اصغر كان اصعب شويا ، وامي تقولي الطفل لمن يكون وزنه قليل مايدف نفسه وقت الدفع ومدري عن دي المعلومه بس بنتي انشفطت معني دفيت بس طولت ونبضها ضعف ف قصت وشفطت والحمدلله اهم شيء عندي انها تجي بخير ..

بنتي ماعاد ترضى تروح عند اجدادها من يوم حملت صارت لاصقه فينا وتبكي بكاء كانه احد ذبحها لو حطيناها...