شوشو العز :

ماشاء الله الحمدالله السلامة الله يزيده من عندة وان شاء الله هانت الأمور وتشوفينة ع طوووول عندك.

ماشاء الله الحمدالله السلامة الله يزيده من عندة وان شاء الله هانت الأمور وتشوفينة ع طوووول عندك.

ام اصيل الحجازيه :

الحمدلله يارب ان رح يشيلو الاشعه من طفلك وكمان الحمدلله اتعدل نسبة السكر ودرجه الحراره اللهم لك الحمد ومرا كويس طهرتيه عشان هما يهتمو فيه وتستغلي دي الفرصه دام متواجد بالمستشفى لانك بالفعل رح تحتاسي بعدين لان الختان يبغالو عنايه يوميه 😢💔 وسلامتك من الحساسيه وبخصوص الاجازه الحمدلله نعمه اسبوووع 😔 وان شاء جامعتك يقتنعو بالاسابيع المتبقيه بخصوص زوجك ياحرام 😂 منجد المسكين ببالو شي بس مع الضغوط الوحده تفسر الشي بشكل تاني الله يسخرو لكي ويخليكم لبعض ويحفظلكم الامور الصغير ويطلع من الحضانه بصحه وعافيه

الحمدلله يارب ان رح يشيلو الاشعه من طفلك وكمان الحمدلله اتعدل نسبة السكر ودرجه الحراره...

ام اصيل الحجازيه :

دحين ليا 3 ايام امشي يوميا 40 دقيقه والحمدلله بس والله اني قرفت من الممشى لان فيها طلعه وباليوم الثاني رجولي تعورني دحين حاسه بألم وشد والمشكله فهمت زوجي اني ماابغى الممشى نفسي امشي بمكان مستوي بدون طلعه عشان رجولي ماتعورني بس مو متفهم وضعي يقولي الممشى احلى وفيها ناس تتفرجي وتمشي ماتحسي وهو كمان مستغل المشي معايا وعاجبو الوضع لان وقف النادي من شهر باامر من الدكتور لان رجلو فيها مشكله لعب بالكوره وطاح عليها ف دحين عاجبو الحال وهو يمشي بسسس ماابغى الممشى كرهتها بسبب الطلعه استغفرالله بسس وكمان بنفس الممشى في جهتين مستويه و واسعه قلتلو خلاص نروح ونجي فيها لين تجي40 دقيقه بس برضو مو عاجبو هو يمشي ويكمل لين فوق وبعدين ينزل 😔 ...... برجع اكلمو اليوم ويارب يقتنع ويشوفلي اي مكان امشي فيه غير الممشى او يرضى يمشي بالمكان المستوي

دحين ليا 3 ايام امشي يوميا 40 دقيقه والحمدلله بس والله اني قرفت من الممشى لان فيها طلعه وباليوم...

ام اياااد22 :

ساندرا كذا اغلب المواليد ينامو مع الرضاعه الطبيعي كذا تحسي ان حليبك منوم😂😂 معلومة حلوه اول مرا اعرفها ان الرضاعه مدتها ثلث ساعه واوقف

ساندرا كذا اغلب المواليد ينامو مع الرضاعه الطبيعي كذا تحسي ان حليبك منوم😂😂 معلومة حلوه اول مرا...

@ام وسام@ :

السلام عليكم ورحمة الله وبركاته. ... ألف مبرؤؤؤك التجمع الثاني ويارب يكون تجمع خير علينا ونسمع فيه احلا الأخبار ... ألف مبرؤؤك اميره وفواحه ويتربو بعزكم يارب .. وعقبال الكروشات بأسهل ولاده يارب .. أم أصيل الف الف شكر لك على جهودك وتعبك معانا وربي يجعله بموزاين حسناتك ياطيبة. . يابنات فاتني كثير وماعرف لة أحد سألني عن شيء .. بس انا اليوم راح احكيلكم اللي صار في ولادتي. .. بالتفصيل أن شاء الله وأي إستفسار انا حاضره.. كان تنويمي يوم السبت رحت على ألساعة 11 مساء .. لأنهم قالو أهم شيء قبل 12 .. وصلت المستشفى لقيتهم محضرين سريري وعليه اسمي وكل شيء اخذؤ الوزن والضغط والحرارة .. عطوني توست وعصير ومويه قالو كولي لأن 12 صيام .. ماقدر اوصف شعوري وانا رايحه كنت الحقيقه ميته رعب وخوف ونفس الوقت فرح أن رحلة الحمل راح تنتهي واشوف أبني. . بعد كذا جابولي محلول مغذی وجهاز ركبوه على بطني ربطوه .. بس تعبوني كان الجهاز يسجل النبض تمام والحركة مافي تسجيل .. فكانو الممرضات يمسكون بطني ويخضوه حتى يصحى من نومه ههههه والحمدلله صحي وسجلو الحركه وشالو الجهاز. . بعد كذا عطوني حقنه شرجيه بغيت اموت منها جابتلي إسهال والم لدرجه حسيت الطفل راح ينزل .. شوي كذا على 9 ركبو قسطرة بول ونزلوني ع العمليات يوم الأحد الصباح 9 وكنا أحس اني رايحه لقدر مجهول أعيش أو اموت ماني عارفه وكنت انتفض برد وخوف .. عملت تخدير نصفي كان الطاقم الطبي رائع من دكتور تخدير إلى طبية اللي ولدتني وممرضات التخدير .. كان دكتور التخدير كل شوي يقرب مني ويقول خلاص بدأو من أول ويطمني أن الأمور ماشيه تمام بس كنت أنا خايفه وانتفض لدرجة يدي ماتثبت مو قادرين يسجلون الضغط تمام .. كان قدام عيني ساعه اول ماحطو الستار كانت الساعه 9 ونص. . وسمعت صوت الطفل بعد فتره حسيتها طويله والله بس فرحت جدا .. شفتهم يوزنوه وينظفوه وجابوه عند وجهي وبسته ونزلت دموعي فرح والله .. ربي مايحرم أي إنسان هذي اللحظة الجميله . وبعدين شالوه وحسيت العمليه طولت الحقيقه عن العمليه الاخيره حقتي ودخل القلق قلبي . وسألت الممرضة جاني نزيف قالت لا حبيبتي لا تتوتري جالسين يقفلو .. شالو الستار كانت الساعه 10 ونص . يعني العمليه استمرت ساعه .. بعدها حطوني برا وكان كل شوي يجيني طبيب تخدير معاه قزاز ه كذا زي علبة القطره حق الأنف وكذا ويحطها على صدري ويقول اذا حسيتي اعطيني خبر ... وعلى هذا الحال إلى أن اطمئن عليا وجاتني حكه وقتها وقلتله قال لأن زودت جرعة البنج عشان العمليه لو طولت. . وعطاني إبرة سألت الحكه الحمدلله .. رحت غرفتي بعد 8 ساعات شالو قسطرة البول وطلبو اروح الحمام . وكانت هذي أصعب لحظه عندي والحمدلله عدت على خير .. وصرت أشجع نفسي وأقوم حتى اطيب بسرعه .. ... ضليت في المشفى من السبت إلى الأربعاء خرجت الحمدلله .. طبعا ماخرجوني إلى أن عطوني تحميله حتى اتبرز .. الله يكرمكم. . ... حبيت افيد البنات اللي ماشترو شفاء حليب .. انصحهم يشترون ميديلا هرموني اليدوي. . ماشاء الله حلو ويشفط كويس .. وأخيرا ربي يرزق الجميع بأسهل ولاده يارب العالمين. ... والحمدلله على عطايا رب العالمين .. أي سؤال انا حاضره وان شاء الله أكون معاكم إلى آخر وحده تولد ونطمئن عليها ..

السلام عليكم ورحمة الله وبركاته. ... ألف مبرؤؤؤك التجمع الثاني ويارب يكون تجمع خير علينا ...