كل ست ساعات انسدحي وشوفي الراس لان ساعات يختلف ،، من كل قلبي ادعي لك ان الرأس تنزل الحوض وتولدي طبيعي ..
بس لازم تجربي كذا مرة عشان نحنا مو خبرة في ده الموضوع بس مع التكرار حتحسي انه في شيء مختلف ،، انا في الشهر السابع كنت احس بكورتين وحدة في الجنب الايمن والثانية الايسر وطلع وحدة منهم الراس ..
قبل ولادتي بكم يوم كنت عند الدكتورة وورتني كيف اعرف ان احس وبالفعل تحسي بشيء قاسي مكور تحت وساعات تحسي انك تبي الحمام ومافي شيء ينزل منك ..
بالنسبة للتطهير الله يجعله فيه الخير انه سويته هنا ،، اتباعا لسنة نبينا وحبيبنا محمد سويته ..
اممم شوفي اللي حصل معي بالتفصيل ..
عادة اليهود يطهروا من ثاني يوم .. وانا اول يوم ولادة جابوا لي ورقة اعبيها وكان فيها سؤال اذا ابغاهم يعملوا السيركم سيجين او لا ؟! حطيت علامة صح بمعنى نعم .. بعد اربع عشرين ساعة جو يسالوني يسوها في ثاني يوم بصراحة خوفت خصوصا انه كان مررة صغيرة ..
يوم التطهير يوم السابع جو فهموني كل اللي حيسووه وطبعا اغلب المعلومات كانت موجودة ف الملف حق رعاية البيبي ..
سوى العملية واستخدموا انسثيسا وكل ثلاث ساعات يحطوا مرهم يغطوا المنطقة بالمرهم ويلبسوه الدايبر ..
بالنسبة للتفاصيل انا زيك ما افهم فيها مشان هيك بسأل زوجي وارد لك ،، بالرغم كل ما سألته ليش كذا يقولي هو كذا 😁ما يعطيني اي تفاصيل 😡😡😡😡
اممم ويا ريت تحاولي يكون الدكتور حق التطهير يهودي واذا فيه مسلم خير وبركة ..
وبالفعل احس وهو صغير احس سنة مررة صعب خصوصا انه ممكن يكون بدا يمشي ويحبي فحيتعب كثير وحيتعبك اكثر ،، بس اسأل الله العظيم رب العرش العظيم ان يسهل لك موضوع التطهير ويكتب لك الله كل ما فيه خير لدينه ودنياه ..
بسالك انتي سبق وطلبتي لبنتك سوشيل سكيورتي نمبر ولا لا ؟!
وجهاز البمب ( سحب الحليب ) اش الشركات الي تغطيها شركة التأمين اذا عندك خلفيه. ؟
وجزيتي خيرا ❤😘
كل ست ساعات انسدحي وشوفي الراس لان ساعات يختلف ،، من كل قلبي ادعي لك ان الرأس تنزل الحوض وتولدي...
والله ي ميرال الواحد يحاول يتبع السنة قد ما يقدر ..
وقت ولادتي اول ما خرج البيبي زوجي طلب انه يبغا ضروري لطقوس دينية ،، اخذه واذن واقام في اذنه ( الاذان و الاقامة ) ..
يقولي كلهم وقفوا عن الشغل في العملية وساروا يتفرجوا في زوجي والبيبي ،، ولما خلص كلهم صفقوا ( ما يدروا اش الطبخة بس لازم يحسسوكي بانجاز )
والحمد لله ما تدري قد ايه كنت شايلة هم الاذان والاقامة انها ما تسير في وقتها والحمد لله ربي ييسر الامور
وعقبالك ي عسل 😘❤