هذا قبل الصبح الله يسلمكم جاني طلق على ظهري وفخوذي وبطني وخذيت دش واختفى وقلت لكم اطقطق انه شكلي بصير مثل الراعي والذئب
وجاء المغرب امس قلت لزوجي بروح اسلم على امك
وحنا طالعين من بيتنا عندنا مطعم إلا فيه حفره ماشافه والله يابنات هذا اللي صار ضرب بي الحفره اعدت نفس اكشن بكري بس بشكل سلبي الصراحه كانت الحفره من جهتي
وصلنا بيت اهل زوجي إلا بدت الطلوق وأنا عندهم تخيلو 😭😭😭
ابي امشي قدامهم طبيعي عجزت 😔 واضح اللي خلااااص واصله
اول مارجعت لبيتي إلا نازل علي دم
وبدأ طلق وتحجر مع بعض خلاص اللي احس وصلت حدي
وكنت انتظر ينتظم الطلق لكن للأسف ماانتظم شوي كل خمس دقايق شوي نص ساعه ماتوقعت ان فيه شي خطير
جاء الفجر يابنات إلا فقدت حركتها وصار بطني كنه حجر😔 واحاول احركها بدون فايده مالها اي حركه 😭 هنا قررت اروح للمستشفى وانا طلقي مو منتظم
اول ماوصلت قالو لي النبض ضعيف ومتبرزه ببطنك واحتمال نحولك عمليه قلت كيفكم اعملو اللي تبغون اهم شي تطلع سليمه
طبعا انا توي مكمله الاسبوع ٣٨ خذيت من ٣٩ يومين بس يعني بدري انها تتبرز ببطني
لكن امر الله والله ماادري وش السبب
وسبحان الله ماتوفقت بالكادر الطبي ابدا 😔💔 وبدون رحمه للأسف ماودي اخوض بالتفاصيل اضيق صدوركم لكن بالنهايه سحبو بنتي وانخلعت يدها وماتحركها للأسف عسى ربي يشافيها ويعافيها
وكله أمر الله والحمدلله خيره ومكتوب وشي له علاج ان شاء الله
عسى ربي يقومكم ياأحلى خوات بالسلامة 😭😭❤️ ويرزقكم كادر طبي عنده خبره ويرحم
طبعا استشرت خالي دكتور عظام قال لي انه متبرزه ببطنك مفروض عمليه علطول لأنه نبضها ضعيف وماتساعدك بالدفع واللي سووه انهم سحبوها بالغصب
وآخر شي احب اقول لكم لاتنسون نعول الحمام وانتم بكرامه نسيت آخذ معي نعول 😂😂 توهقت
هذا قبل الصبح الله يسلمكم جاني طلق على ظهري وفخوذي وبطني وخذيت دش واختفى وقلت لكم اطقطق انه شكلي...
حطو لي كمادات ثلج. والله وقف الدم
بس تعذبت جلست خمسين يوم عجزت اطهر. بس ينزل دم وفرازات بني صرت اتوضاء بكل صلاة وصلي
ولا طهرني الا المانع وبعد المانع نزلت نزيييييف جلست اسبوعين تقولين ذابحه شات تحتي من كثر الدم البس محارم كبار السن من قوتها فضيع الحمدلله ذكرا تنذكر ولاتنعاد على احد يارب