عشرينية ي قلبي الله ييسر لك وتولدي قبل التنويم يآرب
وترى كل حمل وله ظروفه في أطفال يسرين في ولادتهم وأطفال عسرين سبحان الله
أهم شيء توكلي على الله وخذي بالأسباب وخليك ع الدوافي سواء مشروبات أو حتى لما تتروشي والله يسهلك يـآاااربَّ ،،

بنات احتاج مشورة عالسريع 😓 عطوني حل تكفوون
امي تبي تسافر للرياض صار لها فترة تقول تبي تسوي بطاقة الضمان وعندها مراجعات واخواني الله يهديهم يماطلون ويتحججون بالشغل بس هم يقدرون يودونها وواحد منهم فاضي ماعنده دوام ولا شي بس هي ماتطلب منهم تقول خابرتهم مامنهم فايدة بس لو ضغطت عليهم ودوها ،، هي أحياناً تروح مع اختي الكبيرة وولدها واحيانا معي وزوجي بس مو كثير بحكم ان سيارتنا زحمة وخابرة زوجي عصبي وماتبي تروح معنا تروح مع اختي تفلها اكثر معهم ،،،،>> شرحت لكم الموضوع عشان تفهمون الوضع
الزبدة صار لها فترة تقول لأختي منتب مسافرين للرياض عندي اشغال والعيال لاهين،، ومرة سافرنا قبل شهرين مراجعة وقالت ليتني دريت انكم بتروحون اروح معكم وقلت ما قلتي لي شي ما دريت عنك ،، طيب وين المشكلة ؟ المشكلة ي بنات زوجي ما يحب يودي احد معه سفر حتى أخواته الكبار يعطيهم بالوجه يقول مشغول مانيب فاضي وراي مراجعات وإشغال رجالكم وعيالكم موجودين ،، وكم مرة اذا جينا نسافر يقول لاتقولين لأحد لا اهلك ولا اهلي عجزان من خلق الله ودني وجبني وارتبط فيهم نبي نخلص أشغالنا ونرجع وراي دوام 😣 فأنا اضطر اسكت ونروح فجاة عشان محد يحرجني وانا خابرة زوجي يا اما بيكنسل السفرة يا اما بيوديهم وينكد علي ويفشلني وماراح يوديني مشاويري وبيقعد منفس طول السفرة ... والحين هو جاء وقال ي الله متى نروح لان لازم نرجع الاثنين الجاي عندي دوام قلت اجل من بكرة نمشي عندي اشغال ومشاوير كثيرة قال اوكي تجهزي بكرة والبنات بنوديهم بيت امك 😣 يعني ما يمديني أخبي عشان ماتزعل امي ولو ودينا البنات بتدري ،، وانا قلت لا نخلي البنات بالبيت وتجي عندهم اختي قال ليش قلت احسن اهلي عندهم عمال وترميم ومشغولين لانه لو شم ريحة ان في احد يبي يروح كنسل السفرة عشان ما يتنقد فيهم وانا اللي بروح فيها 😩 ي ربي محتارة مدري شسوي حتى لو رحنا وامي ماتدري بتزعل بتقول ما علمتيني اروح معكم وامي الله يهديها ماتعذر ابد وانا وراي مليوووون الف شغلة ابي اتلاحق عمري ما اقول ع الله يوديني ذالرجال وإذا رحنا لحالنا يروق ويقضي أشغالي وحتى لو عَصّب بكيفه بيني وبينه مامعنا احد ينقد ويضغط علي وش فيه كذا وش فيه قال وش فيه ماوداك 😣😩 يعني بنكون تحت المجهر ،، هو دايما يقول امك ع عيني و ع راسي بس ليش ما تامر ع اخوانك يودونها هذا هم كل اسبوع والثاني مسافرين بحريمهم قلت مهب مقصرين بس دواماتهم تربطهم وانا اكذب بس خابرة امي ماتطلب منهم شي 😣 الحين قولولي وش أسوي اعلمه ان امي تبي تروح عشان يكون جاهز نفسياً لو امي طلبت منه والا ما اعلمه عشان مايكنسل السفرة واخليه تحت الامر الواقع يتفاجأ 😣 والا اخلي بناتي بالبيت ونسافر واتحمل زعل امي وتهزيئها 😞 والا وش أسوي

غنج
يعني بتبدين تشريين قرفه ؟
كاس باليوم ياقلبي لاتكثرين
انا في بنتي الصغيره اول مادخلت التاسع يومياً قبل النوم كاسة شاي قرفه
مع تمر مع اني اصلا انا مااقطع التمر ابد حتى يومني بنت اخذه معي للمدرسه قسم احبببببه ادمان
المهم اكمل لك
كل يوم اشرب كاسة شاي قرفه مع تميرات دبس اويلاه ع طعمهن
اموت ع الشيء الحالي والسكر كني حصان
اخر يوم بالتاسع رحت لدكتورتي موعد
لاحظي موعد مو اعراض ولاده
قالت ليش جايه ليش مارحتي للطواري
قلت لها انا عندي موعد مافيني الا العافيه
قالت وييييين موعد اقول عنق الرحم عندك طري جدا جدا روحي لا اطيح بنتك بين رجولك
والله طلعت منها اربعه سم
وصلت المشفى ربع ساعه الا ولدت مباشره
كانت طلوقي بالسياره سريعه وحاره
يااخي هالدكتوره تفهم احببببببها موت
عاد الحين المفروض اشرب قرفه بس قالت لي اني مهدده بولاده مبكره
قلت خلك ياوليدي ببطني
ابيه يكبر و ياخذ مناعه احسن له و لي
وان خلص التاسع وماولدنا نشرب قرفه
بس هي عموما عطتني مهله عشر ايام
قالت مستحيل تطولين عن هالعشر ايام
و منعتني من القرفه و الجماع و المشي و الدرج مع ان بيتي ثلاث ادوار
كله في سبيل يقعد البييي اطول مده بالرحم احسن له
يوووووه يابنات
ماادري يومني كبرت و جاء احر حمل صرت اخاف
اول اروح المستشفى اولد و ماافتح فمي بكلمه
ولااحد يدري عني
كل ماكبرت الحرمه كل ماتعب جسمها من الحمل اكثر واكثر والله
فقر دم و سهر و كرف
الله يسكن امهاتنا الجنه من اوسع ابوابها

سماااا ليش انتي في اي مدينه ؟؟؟
اذا جيتي الرياض و تبين شيء من الضمان كلميني اقدر اساعدك ياقلبي

ام رهف...
الحمدلله على خروج تاليا وان شاءالله مع الايام يزيد وزنها


ساندرا
الحمدلله على خروج هتان الله يحفظه لك يارب


قلبو
اذا متعبك ضيق التنفس روحي الطوارى افضل


نبض سمبتمبر
ماراح تولدي غير بيومك لاتلعبي بنفسك واذا قدرتي اجلي حجز السفر




خزامى
انتي توك ماخلصتي التاسع ليه مستعجلين وطلق صناعي


ميرال
انا كنت الحمدلله خفيفه ذا الاسبوع ثقلت واكثر شي مطفشني ضغط قوي اسفل بطني




جنان
حلوه الهديه


ام التونا
الاسبوع اللي فات لاول مرا احني شعري يمكن اخر مرا قبل10 سنين احب الصبغات اكثر والحين حنيت عشان اهجد بعد الولاده مااصبغ شعري اتقطع من الصبغات🙄


سما
ماشاءالله روعه الكنب


اميرة
ايه عادي سافري


ام اصيل
بشري عن تيمو
احسهم مبالغين ولاعاجبتهم الهرجة انو مطول عندهم
واذا على المكروب اساليهم تجيبونه لهم وقت المضاد الحيوي ياخذ جرعته هناك ويرجع معاك البيت
او اطلبي تقرير منهم وروحي لحكومي وشوفي