شيرااز :

السلام عليكم يسعدلي اوقاتكم بكل خير كل اللي باركو لي ربي يبارك فيكم ويسعدكم يارب ويهون ع كل الحوامل الحمدلله والشكر لك يارب ع قد ماقول هالكلمه مستحيل اوصل لشكر وحمد ربي للحين مو مصدقه ان خلاص ولدت احسه كانه حلم بس للحين ماصحيت منه طبعا اكشني زي مانتو عارفين نزلت علي السداده من الساعه4 ونص الفجر وكانت نقطه دم بس وبعدها نزلت من جديد وكانت كميه اكبر وشوي شوي كنت احس بمغص لكن يستمر ثواني ويروح الساعه10 تقريبا نزلت كمان وبعدها بدا ظهري يالمني شوي شوي واكلت اناناس ع امل يلين الرحم الساعه5 العصر روحت لمستشفى قريب وسوت كشف قالت مفتوح 1 ونص والمغص معي يزيد شوي شوي طلعت من المستشفى وزوجي جاب لي عصير طبيعي مانجو الساعه 7 المغرب روحت للمستشفى اللي بولد فيه وسويت الكشف وقالت مفتوح 2 بس صراحه تحطمت كل هالوقت واخرتها بس 2 توقعت يوصل 4 او ع الاقل 3 ونص 💔 المهم قالت اذا زاد الالم معك وصار حامي تعالي خرجت من المستشفى ع اذان العشاء وروحت عند وحده اعرفها الله يجزاها بالخير تقرب لزوجي الطلق معي كل شوي يزيد وابغي امشي بس ماني قادره كنت جوعانه ع لحم بطني وماشربت الا العصير في العصر وفي نفس الوقت اخاف اشرب او اكل وبالنهايه تكون عمليه المهم ع الساعه9 تقريبا اللي تقرب لزوجي قالت خذي حتيته شميها وبديت اشمها وبعدها صار الطلق حاااار حتي التنفس ماصار ينفع او بالاصح ماقدر اتنفس زين وقت الطلق وبس ابكي وانادي امي يارب انك تحفظها لي ع الساعه10 ونص كنت ارجف ارتجف رجفه بكل اللغات ان شاء الله فهمتو😀من الجوع زوجي جاب مشاوي اكلت شووويه والحمدلله بديت امشي شوي شوي واذا جا الطلق ارجع انسدح واذا راح امشي ع الساعه11 وربع كنت دااااايخه وتعبانه ابغي انام وارتاح بس حسيت بشي ينزل مني بالبدايه بطنش بس قلت خليني اروح اشوف وشفت نازله كميه دم كبيرره💔 المهم طيران ع المستشفى ودخلت قسم الطوارئ وكان واضح علي اني حاله طارئه وواصله حدي اللي تقرب لزوجي الله يسعدها بالدارين بتدخلني ع الدكتوره بس كانو بنتين قبلي يقولون حنا قبلكم مع ان واضح عليهم ماهم مستعجلين وانا كنت اتلوى ع نفسي من الالم والممرضات عادي ولا كأن يشوفون شي المفروض انهم دخلوني المهم جلست ربع ساعه بالانتظار وبعدين جا دوري ودخلت اخذت عشر دقايق الدكتوره ع بال ماتخلص اللي بيدها 😒يعني اخذت تقريبا 20 دقيقه وممكن اكثر وانا بالانتظار المهم قاست الدكتوره الرحم وقالت خلاص ولاده شافت راس الجنين وقالت المويه نازله قلت لها لا مانزلت قالت نازله ماهي موجوده المويه بسم الله متي نزلت ماحسيت بشي للحين ع قد ماتذكر يوم الولاده ماحسيت بالمويه وهي تنزل😨 المهم اخذوني لقسم الولاده ونحنا بالمصعد حسيت بالم فضييييع وربي بحياتي ماصارخت زي ماصارخت بالمصعد شوي يوجع يوجع 💔 وصلت لغرفه الولاده وانا اقول بنفسي الصراخ ماينفع استغفري وادعي وصرت اقول اللهم لاسهل الا ماجعلته سهلا وانت تجعل الحزن اذا ماشئت سهلا واردده طووول الوقت لاتنسونه ي بنات قولوه دايم تجهزو الممرضات والدكتوره وقالت اذا حسيتي بشي يدفع ادفعي واذا وقف وقفي وخذي نفس حسيت بدفع وصرت ادفع وللاسف استسلمت دفعي كان ضعيييف جدا وكان مع صرخه وهذا غللللط قالو لي الصراخ بياخد طاقتك ماينفعك وجات ممرضه تعصر بطني من فوق والمهم جات الدفعه الثانيه سميت بالله غمضت عيوني اخذت نفس عميييق وركزت ع المنطقه نفسها وصرت ادفع باقوى ماعندي كررت هالموضوع 3 مرات واخر مره الحمدلله طلع اياد يالله شعور مايوصف 😭😭😭 يارب انك لاتحرم اي انثئ من هاللحظه ركبو لي مغذيه وفيها طلق عشان المشيمه طوووولت ع بال مانزلت يمكن اخذت فوق السبع دقايق وجات الممرضه ضغطت ع بطني والحمدلله نزلت وبعدها جاتني رجفه مو قادره اتحكم بنفسي بدت الخياطه وكنت احس بكل غرزه وكل ماقلت لهم حطو مخدر قالو حطينا بالمغذيه طيب والالم اللي احس فيه بس ع قد ماكان متعععب يوم الولاده ع قد فرحتك لمن تشوفين ولدك وهو خارج لهذي الدنيا صحيح اني للحين كل مانام اتذكر يوم الولاده وتفاصيلها بس لمن اشوف ولدي بحظني احسها تهون وربي❤

السلام عليكم يسعدلي اوقاتكم بكل خير كل اللي باركو لي ربي يبارك فيكم ويسعدكم يارب ويهون ع كل...