اليوم خفت مرره قاست لي الضغط الممرضه 4 مرات 3 مرات كان مرتفع وريحت شوي ورجع مادري اش رفعه




ام اياد💕💕 انتم السابقون ونحن اللاحقون حتى انا موعدي الاسبىوع الجاي ان شاء الله مع الطلق والله لايحوجنا لهم ولا لطلقهم يارب

بنات من الصبح ما حسّيت بحركة ابدا 😶😶😶
توني استوعب !!!


طمنوني بالله

تو الحين فضيت وبكتبلكم تفاصيل وﻻدتي طبعا بكريه قولو ماشاء الله
هذا ياطويلات العمر اول ضايق صدري لان بنتي مانزلت للحوض خصوصا اني بكريه وكرفت نفسي بالمشي كثيررر المهم يوم الجمعه الي فات خلصت 39اسبوع وباليل على الساعه 2ليلة السبت كنت احس بتعب بس خفيف قلت يمكن طلوق كاذبه زي العاده المهم حصل توت قلت عشان نحرض على الوﻻده عاد يوم جت الساعه 4جاني وجع بس محتمل ويروح ويجي زوجي راح الفجر يشتري ذبيحة رمضان من الحراجماجاء على باله اولد يحسب زي العاده طلوق كاذبه المهم على الساعه 6كلمته قلت تعبااانه قال جايك جايب الذبيحه ابوالشباب ومصدق نقطع ونرتب قلت مقدر حيل تعبانه ودني المستشفى رفض قال يلعبون فيك عنده خبره من الكلام الي يسمعه جاء زوجي الله يجزاه خير وحما زيت زيتون وحط حبت البركه وقعد يدهن ظهري وبطني وكان الطلق شديد كل 5دقايق وبعدها تحممت وعلى المستشفى بطريق زوجي يستضرف ويقول مو وﻻده وزي العاده عاد انا تنرفزت بس هو تحملني وقام يحاول ينكت اعطيه فيس على السريع تسليكي المهم يوم وصلنا على 9 الصباح يوم السبت قال زوجي خلينا نروح لعيادتك الدكتوره حقتك موجوده اخاف يلعبو بك الطوارئ صار وجهي كذاقلت بروح الطوارئ ماقتنع راح لقى دكتورتي ماخذه اجازه وطلعنا للطوارئ وحطولي جهاز الطلق وبين كل طلقه وطلقه وقت قصير المهم زوجي يراقب الجهاز اقوى شي وصل 99 عاد اقعد اتلوا مثل الحيه من الوجع واتئوه وصرخت شوي بس زوجي يصبرني وبنفس الوقت مايبي الرجال يسمعون صوتي المهم بعد ربع ساعه من التخطيط جت الدكتوره تبي تكشف وشافتني بس اصارخ ططلعت الرجال كلهم كانو عند حريمهم وكشفت وصارخت وسمع صوتي زوجي وهو برا قالت 4سانتي استانست حيل بس كنت تعبانه قالت دخلوها الوﻻده دخلوني وحطوني على سرير كل الكلام ذا مانزل مني وﻻ شي بس بعد كشف الدكتوره نزل شويت مويا مع دم المهم بعد ساعه كشفو قالو 6 سانتي بس ماوجعني الكشف بالعكس ودي يدخلون يدهم ويسحبونهاوفكو موية الراس وقعدت اطلبهم مسكن محد يرد وابكي عند كل طلقه بس حاولت اطبق طريقت التنفس قد ماقدر شوي حطولي كمام ومغذي وحطو ابر مسكنه بفخذي وبالمغذي بس بدون فايده على 11وربع كشفو قالو 8 انبسطت انه فتح بسرعه لان يقولو البكريه تطول بس ماشاء الله علي كله من الزيت وحبت البركه شوي صرخت صرخه هزت المستشفى كله على طول نزلوني ودخلوني غرفت الوﻻده ورفعو رجولي على السرير وجت الدكتوره وقال ممتازه اشوف الراس ونا مدري وين الله حاطني شوي قالت ادفعي كن معك امساك ودفع شوي قصو وحس زودو القص والممرضه تدف من بطني ودفعتين ثلاثه طلع الراس وسحبته الدكتوره وه خلصت ووروني اياها بسرعه قالو بنت طبعت وقت الدفع دفيت الممرضات وصارخ عليهن وبغيت افك المغذي وشوشتي طايرهبعدها بشوي نزلت المشيمه بعد ماحركت بطني الدكتوره وبدت تخييط ماحسيت بس حسيت بيد الدكتوره وجي ادف يده وضربت يدي بقوه وقالت خلاص بءء انا صبرت عليك كثير ونا اخاف وسكت وخيطت ويوم خلصت دق زوجي وطقيتها سوالف معه
الحين بنتي عندي بس مزكمه ياقلبي حطيت لها قطرق وان شاء الله تخف
وانا جيت المستشفى 9وولدت 11ونص وسلامتكم خلاص تعبت من الكتابه






نسخت قصتي بتجمع الجديد عشان الي ماقرا يقرا
التوقيع

ميرال.. جزاااك الله خيرا ع افتتاح التجمع السابع.. وان شاءالله تبشرينا بولااادتك.. مع ان شكلو ولدك عاجبه الجو ف بطنك الله يسسهلك يارب ...


شيخة.. مماشاءالله ع اكششنك مريح والحمدلله الله ربي سهل الولادة لك ويحفظلك مايا ياارب..


نبض .. اتوقع طبيعي.. لكن لو تسوي تخطيط تتطمني احسن ..

أمين يا رب و لك بالمثل يا رب 💜
الحمدلله على سلامتك و كل شي ب اجره ي قلبي الحمدلله م يضيع شي عند رب العالمين 💕