ام اياااد22 :

تاريخ ميلاد حياتي بنوتتي تاريخها مميز🙄 اصلا ماكنت منتبهه للتاريخ بس اختي قالت لي

تاريخ ميلاد حياتي بنوتتي تاريخها مميز🙄 اصلا ماكنت منتبهه للتاريخ بس اختي قالت لي

ام اياااد22 :

مبرووووووك للي ولدو بعدي اللي باركو لي الله يسعدكم يارب والله فرحت بردودكم قراتها كلها مع اني تعبانه ودايخه فيني نوم والحمدلله الحين خرجت ورحت بيت اهلي مع بنوتتي دار الاركان.. ميرال انا لي اسبوع مفتوح 3 ومعاي طلق وماولدت ادعو الحين برمضان قبل الفطور وكمان بعد الفجر وباذن الله يجيكم طلق طبيعي جوانا ياقلبي فكري باايجابيه صح تعبتي بس كان ناتج تعب العمليه بيبي صغير يستاهل ذا التعب انا العام نفس شعورك وعمليه وتعب وماعندي بيبي مو بس كذا خسرت انبوب حسيت نفسي ناقصه عن باقي الحريم وفوق ذا الم العمليه لايطاق ولما امشي بااسياب المستشفى الحريم يباركون لي ويسالوني اش جبت لما اقولهم اجهاض يحزنون ويدعو لي والحمدلله ربي عوضني مشاعرك طبيعيه واغلب البكريات يجيهم اكتئاب بعد الولاده حتى اللي تولد طبيعي اما سؤالك متى تقومي خلاص من الحين حاولي تعتمدي على نفسك والنوم نامي على جنب بس ارفعي رجولك على مخدة وخليها بين رجولك المخدة ومخده على جنب المهم جربي وضع ترتاحي فيه لو ساعه او ساعتين وكلها فترة وتصير ذكريات

مبرووووووك للي ولدو بعدي اللي باركو لي الله يسعدكم يارب والله فرحت بردودكم قراتها كلها مع اني...

ألوااان الحياة :

ونصيحة لكم حبيباتي عشان وجع الظهر بعد الولادة لاتناموا على جنب أبدا .. ببنتي البكر نمت على جنب اول يوم وقمة الالم واحس ظهري وفقراتي مفككه . شاففتني شغالة أمي اندونوسية وطوالي صاحت وقالت لاتنامي على جنبك ابدا . نامي على ظهرك شهر .عشان عظامك ترجع ويلم ظهرك صح وبرضه عشان الدم ينزل بسرعه وتطهري بسرعه وتقول همه في بلدهم كذا . وفعلا يابنات والله العظيم نمت على ظهري شهر وكنت احط مخدات بشكل مايل بحيث اكون نايمه ومن عند رقبتي وظهري أعلى . وتحملت شهر كذا والحمدلله يارب والله العظيم ارتحت ورجع ظهري طبيعي . وبولادتي الثانيه نفس الشي خصوصا والحمدلله . وانصحكم بالماش لازم تدخلوه مع الاكل وقت التفاس لانه فعلا يجبر العظم بسرعه ويقويك سويه شوربه او مع اي شي بس لازم منه . وحب الرشاد برضه ممتاز . هذي والله نصيحتي لكم ولنفسي لان بعد الولاده آلام الظهر حاجه ثانيه .

ونصيحة لكم حبيباتي عشان وجع الظهر بعد الولادة لاتناموا على جنب أبدا .. ببنتي البكر نمت على جنب...

ريتا مالكي :

النفسية زفت زفت 😞 حاسةرح اعوشر ومالي خلق لشي اوجاع بكل جسمي وحوضي وتحجر يقطع النفس وفوقها لعية نفس العن من الوحام يااااا رب الفرج

النفسية زفت زفت 😞 حاسةرح اعوشر ومالي خلق لشي اوجاع بكل جسمي وحوضي وتحجر يقطع النفس وفوقها لعية...

ام اياااد22 :

اكشن الولاده💀 الرحم فاتح 2 من اسبوعين زي ماانتم عارفين والمشكلة ان الطلق بارد وانا طفشت كل يوم اتوقع اني اولد يوم الاحد سويت سونار ورحت لدكتورتي وقالت مفتوح 3 ونص بس المشكله في الطلق مع اني اتوجع بس تقول خفيف وقالت تعالي بكرة الصباح للطلق طبعا انا جهزت نفسي بالليل شقرت واستشورت شعري رتبت ملابس اولادي وكان مغص بس مو قوي والفجر كمان مغص بس مو الطلق الحقيقي كنت خلاص بنهار ماابغا صناعي ومااقدرمااروح الموعد😣دعيت بعد الفجر وطول وقتي استغفر واصلي على الرسول ونمت والحمدلله صحيت الساعه 8 الصباح على طلق اقوى من اللي قبل يجيني والساعه 9 ونص اتاكدت انو طلق طبيعي لانه مستمر قمت فطرت طبعا كنت صايمة😁 والساعه 10 الالم صار كل 3 دقايق😭 ورحت المستوصف وكشفت السستر وحطمتني تقول باقي مافيه ولاده😤 وادتني ابر ورجعت البيت في البيت الالم قوي كل دقيقتين المهم طبقت نصايح رولا قطامي فادتني كثير طبعا كنت امشي مرا اركع واذا تعبت جلست واحيان اهز وسطي استفدت ان البنت دخلت الحوض وماتعبت بالدفع🙃 ثاني شي حطيت رجولي بمويه حارة دهنت اسفل ظهري بزيت زيتون دافي وطبعا استغفر وادعي شملتكم بالدعاء وخصيت بالاسم ميرال ام خوخه دار الاركان والمعوشرات عموما🙊😁 وبعد صلاة الظهر رجعت لهم ثاني ركبت لي جهاز التخطيط وجات دكتورتي كشفت وقالت ماشاءالله ومارضيت تقول كم مفتوح 👊 وقالت دخل الراس الحوض💃🏼💃🏼 وخلتني عندها بعدها خلاص صرت مااقدر اتحمل صرخت فيهم وجاتني وقالت يالله نروح المستشفى اول ماوصلنا هناك ركبو المغذي وادوني حقنه ورحت للحمام ومارضيت اخرج من الالم ماابغا انام على السرير جلست اخابط في جدران الحمام واسب في نفسي لاني مااخذت ابرة الظهر والسستر تنادي تبغاني اطلع واقولها طيب واطنش وابكي بالاخير حسيت شي بعده سمعت انفجار بوووم🙆🏼وطشت مويه الراس ولونها اخضر😫 خفت واتعودت من ابليس وخرجت من الحمام🙄 وقلت لهم وعلى طول ودوني سرير الولاده وبدات بالدفع اكثر مرحله كانت مخوفتني سويت زي ماقالت ام اصيل اخذت نفس وحبسته وكل وجع يجيني ادفع مرتين بعدها اوقف وماسكة طرف السرير واكتم نفسي وادف على تحت الحمدلله ربي يسرها والدكتورة تشجعني وتقول شاطره ولما وسعت خرجت بنتي وانا خدروني المضاعفات اللي صارت المشيمة لزقت فقامت سحبتها الدكتورة بقوة ونزفت وهي خافت وعلى طول ادتني ابرة قابضه للرحم تقولي كانت مترددة تديني ياها او لا وخففت البنج صرت احس شوي بالخياط 😭😭 وخلوني 3 ساعات تحت الملاحظه يقيسو ضغطي ونبض القلب والاكسجين وكل ربع ساعه يشيكو على الدم اتعذبت من الكشف بعد الخياط يدخلو شاش ويضغطو بطني بقوة والحمدلله وقف ورجع رحمي ينقبض طبعا دكتورتي خلتني اروح المستشفى وانا مفتوحة 8 وعلى بال ماخلصنا اجراءات الدخول والكشف ورحت الحمام تقريبا ساعه جاني الدفع بالذات بعد الحقنه الشرجيه لانها قالت تساعدك يفتح بسرعه

اكشن الولاده💀 الرحم فاتح 2 من اسبوعين زي ماانتم عارفين والمشكلة ان الطلق بارد وانا طفشت كل يوم...