مشكورة النصوحة على فتح الملف
وبأقولكم تجربتي وأتمنى تستفيدوا منها
أنا سويت 3 عمليات أطفال أنابيب...وكلها البرنامج او النظام القصير
الاولى في مستشفى الحرس الوطني بالرياض
والثانية والثالثة في الحبيب عند زينب أبو طالب
وهذا أنا ولله الحمد حامل من العملية الثالثة ...بنهاية الشهر الثالث يارب يتمم علي وعلى كل الحوامل ويرزق الجميع
بين كل عملية والثانية 3دورات شهرية فقط
يعني سويت الاولى وفشلت بنزول الدورة في وقتها...هذه الدورة الأولى
بعدين جات الدورة الثانية...وماسويت شي
بعدين جات الدورة الثالثة ...وسويت العملية فيها
ونصيحة لكل وحده تفشل معها العملية تعيدها على طول ..في الدورة الثالثة إن كان نظامها السابق هو النظام القصير
وتقدر تعيدها في الدورة الثانية إذا كانت متبعه النظام الطويل
لأن الرحم يتهيأ أكثر للحمل...وهذا اللي حسيت فيه بعد فشل العملية الثانية
لأن الدورة الثانية اللي نزلت بعد فشل العملية الثانية كانت غريبة...قليلة في عدد أيامها...والتبويض فيها جاء مبكر.وكنت طوال تلك الفترة
مابين فشل العملية الثانية وحتى بداية دورة العملية الثالثة والناجحة..كنت احس بشي غريب برحمي نغزات وأحيانا ثقل
وحوست في النت فقريت إن هالدورة الغريبة يسمونها دورة تدور الحمل...الرحم مهيأ لإستقبال الحمل
\
\
مشكلتي تكمن في زوجي هو من أهل الصفر...لازم عمل خزعة
كلفتنا العملية مابين فتح الملف والادوية والسونار والمنشطات والسحب والترجيع وعملية الخزعة....حوالي 12 ألف وشوي
ولما عدنا العملية عندهم سووا لنا خصم 15 بالمية من قيمة عملية السحب
هم يبدؤون معك على طول بالعملية سواءا تلقيح صناعي أو أطفال انابيب...
مايهتمون بتحاليل الدم أبدا...
الدكتورة زينب مثل ماقالوا البنات...ماشاء الله عليها تحسين إنها فاهمة شغلها..رغم قلة كلامها
وعيبها الوحيد..إنها ماتعترف بحبوب الاسبرين..ماتوصفها للمراجعات عندها...لكن أنا إستخدمتها من وراها ومازلت
ايضا ماتكثر المثيتات
قالت لي أستخدم حبتين تحاميل سايكلوجيست باليوم فقط...لكن انا كنت استخدم 3 حبات باليوم...ثنتين مهبلية مثل ماقالت ووحده من راسي خليتها شرجيه على شان أتجنب الإمساك
واوصفت لي 3 حبات دوفاستون باليوم في حالة نزول دم بعد الترجيع...والحمد لله مانزل شي
المهم لما سويت تحليل حمل وطلعت ولله الحمد حامل...أخذت موعد عندها في منتصف الاسبوع السادس
قالت أبدا بـ دوفاستون 3 حبات باليوم واخذ علبة تحاميل السايكلوجيست واخذ وحده باليوم لين تنتهي العلبة واوقفها
والحين مستمرة على الدوفاستون فقط والاسبرين وحمض الفوليك
بالنسبة للأعراض...ماحسيت بشي معين... يدل على حملي سوى التحليل فقط
لكن اللي لفت إنتباهي...إني حسيت بأعراض الدورة قبل 8 أيام من موعدها...والطبيعي إني أحس باعراض الدورة قبل 6 أيام من موعدها...وهذا صار في اليوم السادس من الترجيع
لكن الاعراض خفيفة جدا وليست مستمرة جاتني في الايام اللي بعدها
وفي اليوم السابع او الثامن ..جاتني نغزة قوية اسفل البطن على جنب إستمرت ثواني
النغزة هذه تختلف عن النغزات في أول أيام الترجيع...النغزات الاولى هي لأن المبايض ترجع لحجمها الطبيعي بعد المنشطات
وفي اليوم التاسع من الترجيع كان فيه الم بالبطن خفيف جدا لكنه متواصل
ونصيحة لاتركزون على الاعراض لأنها تختلف وأشغلوا وقتكم بقراءة القرآن والاستغفار وقيام الليل والدعاء والصدقة وبالذات على أولي القربى
وكنت أصلي جالسة طوال فترة الترجيع حتى التحليل وبعد التحليل بإسبوع
أول أربع أيام راحة تامه...بعدين نشاط متوسط
بيتي دورين ...يعني غصبا عني أطلع وأنزل من الدرج...لكن بشويش ومرتين باليوم
وبس..وأي سؤال أنا حاضرة

\
\
بالنسبة لخنوسة أو الخنساء سابقا
فأعتقد بقوووووة بانها حامل...صحيح لم تصرح بشكل صريح
لكن لها مشاركات تلمح بشكل واضح بأنها حامل
حملها كان بصعوبة وكان مهدد بالإجهاض وهي التجربة السادسة لها
ربي يرزقها بشوفة ضناها وتربيته ولايحرمها بعد هالتعب...ويسهل عليها حملها...أعتقد راح الكثير وبقي القليل

الله يزرقك يانصوحة ويعوظك عن بناتك خير يارب قصتك أثرت فيني كثير والله يعلم اني كل ماتذكرتك دعيت لك
و مشكوره ياعسل على الاضافه

السلام عليكم ورحمة الله
النصوحه
ماشاء الله مبدعه كعادتك وعندي اقتراااح صغنون اذا تبين والا بلاه >> نزلي تحت اسم كل وحده عدد المحاولات عند الدكتور ثم
حطي جنب اسم اللي حملت وولدت نجحت
واللي حملت واجهضت اجهاض
واللي لسه حامل حطي حااامل
واللي فشلت فشلت

مشكلة الحبيب الوحيده انهم مايطالبونك بأي تحاليل وبصراحه هذا اسوأ شي لاني لما فشلت عمليتي الاولى قلت لدكتورتي بسوي تحاليل اجسام مضاده وكروموسومات عشان اعرف سبب الاجهاض وقال ماله داعي وقلت باخذ اسبيرين قبل العمليه الثانيه وبرضه قالت ماله اي داااعي وحتى الفوليك قالت اذا بدينا العلاج تاخذينه ونفس الشي لما راجعت عند الدكتور توفيق قال نفس الكلام ماله داعي انتي بس مره اجهضتي ومره فشلت يعني كم مره المفروض تفشل واجهض عشان يقررون لي التحاليل بس الدكتور توفيق يعطي اسبيرين ~ طيب واللي وضعها المادي سيء كيف يخلون الوحده تعيد العمليه كذا مره وتتخسر بدون مايعرفون الاسباب؟ والله حرام اعرف بنات مايقدرون يسوونها غير مره ف السنه اوالسنتين بعد يعني نصيحه اللي بتسوي عندهم ولها ملف ف مستشفى حكومي او لها تأمين تسوي كل الفحصوصات وتاخذها وهي رايحه لهم لانها غاليه التحاليل
أنا هالمره لما حملت ونزل علي دم وطبعا صرت اراجع عند دكتور ف مدينتي قال لازم تسوين تحليل اجسام مضاده وكانت الصدمه طلع عندي اجسام مضاده والحين اخذ ابر هيبارين يعني لوماحللت كان صار اجهاض لاقدر الله بعد وبدون مااعرف الاسباب  

مرحباً بنااااات كيفكم ياحلوين

وينك غاطسة يانصوحة أنا صرت زعيمتكم اكثر وحدة سوت عندهم أنا بصير نائبتك بالتجمع يانصوحة
لي تعقيب عل كلام ذكريات ان العملية تكون بعد العملية بدورتين تكون نسبة نجاحها اكبر بقدرة الله وهذا صار لي بعمليتي اللي حملت فيها ببنتي سويتها بعد شهرين من فشل الاول عكس باقي محاولاتي تصير المدة سبع او ثمان شهور

اسمحوا لي يابنات اذا قصرت معكم بس تعرفون برمضان سبحان الله الوقت ضيق..واشكر كل البنات اللي دايم متواجدين ويردون على استفسارات البنات وبدون ذكر اسماء ربي يبارك فيكم ويرزقكم من واسع فضله..
وغير ان مافيه وقت عالم حواء صاير ممل دايم يعلق واكتب رد وش طوله وبالآخر ماينرسل :mad: مدري لي متى ياعالم حواء طفشنا




اللهم آمين..الله يرزقنا واياك الذرية الصالحه المحافى..للأسف ماجربته بس فيه وحده من البنات جربتها وتلقينها في تجمع بنات الأردن او الحوامل اللي مسوين حقن مجهري واسمها (انا مجنونه) بحاول اجيب لك الرابط او اسمها بالضبط وارجع ..وانا شخصيا انصحك بدكتور معين فضه مره شاطر وكثير من جاراتي وصحباتي من سكان الأردن انصحوني فيه



شكرا لمشاركتك..ماشاءالله تبارك الرحمن الله يخلي لك عيالك ويرزقك لهم بأخوان واخوات يارب



تصدقين مادري :) بس اكيد استشاري عقم واطفال انابيب..ياليت اللي تعرف تعلمنا..بالنسبة لزينب مارحت لها بس اعتقد سعوديه



الله يعوضك بالخلف الصالح..انا ماجربته غير في محاوله وحده ولكن صدقتي يوم تقولين مانشوفه الا يوم يكتب لنا المنشطات وبعد كذا ماعاد نشوفه الله يهديه احس لازم بعد الترجيع على الأقل يقابلنا ويعطينا معلومات اكثر عن الأجنة وانقسامتها وسبب عدم تلقيحهم الخ...والمثبتات انا لاحظت هالشي عنده هو اقل طبيب يوصف المثبتات بس اكيد فيه حكمة او شي بنفسه



الله يشفي ازواجنا ويرزقنا منهم بالذرية الصالحه المعافى ..اختي الأمل حالة زوجي قريبة من حالة زوجك يعني صحيح هو صفر ولكن ماشاءالله فيه حيوانات منوية في الخصية ولكن قليلة مررره والحمدلله على كل حال..بس ياقلبي لاتيأسين طالما انهم لقوا شي توكلي على الله وعيديها وانصحك يروح زوجك للدكتور حمود المطرفي في مركز ذرية كثير يمدحونه..والله يرزقنا واياك من واسع فضله



دحدوله ربي يبارك لك في نفسك وحملك ويتمم لك على خير وجزاك الله عنا كل خير ..



الله يشفي زوجك ويرزقك منه الذرية الصالحه المعافى ويارب يستفيد على العلاجات ..



يالبى قلبك اكيد مانستغنى وجودكم معنا مهم..الله لايحرمنا منكم..والله يرزقنا واياكم الذرية الصالحه المعافى