قلب ينبض بالبراءة :

صباح الخير بنات دايم اقرا عن الحبيب انهم مايسوون تحاليل هرمونات ولا فحوصات يبدوون في الحقن المجهري على طوووول وأنهم عند فشل العملية مايبحثون سبب الفشل فهل هذا صحيح اللي فشلت عمليتها عندهم وعادتها هل لا حظتوا تغير في خطة العلاج ام نفسها الله يسعدكم جاوبوني

صباح الخير بنات دايم اقرا عن الحبيب انهم مايسوون تحاليل هرمونات ولا فحوصات يبدوون في الحقن...

"مداد الزعفران" :

السلام عليكم ورحمه الله انا من شهرين سويت عمليه عند الدكتور محمد البقنه وكانت بعد عدة عمليات فاشله ومن كثر ما سمعت الكل يمدح فيه حسيت انه راح يكون حملي على يدينه بعد الله حاولت اجمع للعمليه اكثر من سنه لأن ظروفي ما تسمح لي اعملها في الخاص واول ما كلمت حجزت موعد وعملي تحليلين بس والمشكله كانت من زوجي المهم انه قال نبدأ العمليه فورا من ملاحظاتي له انه سريع مره بس يعطي تعليمات العمليه بدون ما يعمل تحاليل شامله مثل الأجسام المضاده او اي تحليل ثاني للهرمونات وغير كذا ما عمل تحليل لزوجي مع اني قلت انه ضعفه شديد المهم انا ما شفته غير مرتين مره قابلني دكتور ثاني لأنه كان مشغول والعمليه كانت سريعه وما حسيت بشئ ولله الحمد بس ما اعطاني مثبتات كثيره بس تحميله سايكلوجست بالليل حبه وحده وحبتين دافستون وبس وبعد العمليه بأسبوع نزلت الدورة والله يعوضني خير يارب العمليه هذه كانت الثامنه والأولى في مستشفى الحبيب وانا متزوجه من اكثر من 15 سنه ... حاليا افكر اعيدها واحاول ادبر المبلغ لأني كبيره في العمر لكن محتاره ارجع اعيدها عندهم انا ما شفت عندهم الأ الأهتمام والنظافه والعمليه كانت مريحه بصراحه بدون الم ولاتعب لكن المثبتات قليله ومافي تعليمات او توجيهات وما ادري اغير الدكتور البقنه واروح للسوداني او زينب لأن العمليه هذه احتمال تكون اخر عمليه لي ما اقدر اضيق على عمري اكثر من كذا لأن العمليه مكلفه شيروا علي الله يعافيكم ولاتنسوني من دعاوتكم ان الله يرزقني بذريه صالحه تنسيني تعب وحرمان السنوات الفائته ...

السلام عليكم ورحمه الله انا من شهرين سويت عمليه عند الدكتور محمد البقنه وكانت بعد عدة عمليات...

أضواااء رماااديه :

حبيبتي الدكتور والادويه والمثبتات كلها مجرد اسباب والارزاق والاقدار بيد الكريم المنان وانتي اتبعي اللي يريحك ولا تيأسين من رحمه ربي وان شاء الله ماتجي السنه القادمه الا وضناك يحوس حولك :27: انا استغرب ان الدكتور ما سوى تحاليل وفحوصات ومنظار لأن دكتورتي قالت ان بعد 3 عمليات فاشله ضروري نشيك على الوضع ونسوي فحص شامل وبعدين نبلش بالكورس..؟؟ اذا دبرتي المبلغ يا وخيتي روحي للدكتور وقولي له انا سويت ثمان عمليات كلها مانجحت وابغاك تسويلي منظار وهو على فكره يكلف حوالي 4500 ريال شامله التحاليل والغرفه بمركز الحبيب وترى المنظار يغسلون الرحم من جوى وينظفونه ويخلونه يلق لق>>أمزح وان شاء الله تتيسر امورك وتكون التاسعه ناجحه وماتشوفين الدوره الابعد تسع اشهر في نفاسك وتجيبين توأم يفرحون قلبك وينسونك تعبك وهمومك ياااااااااارب

حبيبتي الدكتور والادويه والمثبتات كلها مجرد اسباب والارزاق والاقدار بيد الكريم المنان وانتي اتبعي...

النصوحه :

الله يرزقني واياكم الذرية الصالحه المعافى ويعوض صبرنا بالخلف الصالح يارب العالمين.. اذا ربي يسرها لك وناوية تعيدينها روحي عند توفيق او عند زينب..وطبعا استخيري قبل كل شي..وانا كنت ناوية اعيدها عنده بس عقب مافتحت الملف وسويت دراسه لحالات الفشل والنجاح قررت ماسويها عنده صحيح ان الرزق بيد رب العالمين ولكن الطبيب سبب وطريقة علاجه لها دور في نجاح العمليه او فشلها من بعد ارادة رب العالمين.. او اختي اذا حالة زوجك مره صعبة انصحك تروحين ذرية عند دكتور حمود المطرفي عشان زوجك وانتي روحي لحمد الصفيان او عبدالعزيز الشهراني..والله ييسر امورك واستخيري قبل اي قرار انا ماجربتهم غير مره وحده وماقدر افيدك بالموضوع اتمنى البنات يفيدونك..اما بالنسبة لتحاليل فعلا انا اول مره سويتها عندهم ماطلب مني ولاتحليل بس انا سويت تحاليلي قبل لااروح له.. وان جينا للصح ومتى المفروض نسوي التحاليل..المفروض تحليل fsh و Lh لازم نسويهم ثاني او ثالث يوم بالدوره وفيه هرمون الحليب البرولاكتين تقدرين تسوينه اي وقت بس الأفضل نسويه في اليوم 21 من الدورة وكذلك هرمون الغده اللي هو tsh هالمعلومات سمعتها من طبيب مصري الله يجزاه خير واستفدت منه كثير ولو لا الله ثم هذا الطبيب كنت انا نايمه بالعسل .. الله يجزاك خير الملف بدونك نايم..الله يرزقك من واسع فضله يارب..ويعوضك عن ولدك باللي افضل منه هلا وغلا فيك..يارب تستفيدين ويكون الملف وجه خير عليك وتبشرينا بحملك قريب..وعند مين ناوية تسوينها الله يعوضنا واياك يارب ولانحتاج لهم كنك بتقولين شي ومتردده :p اللهم آمين الله يرزقنا واياها وكل امة محمد يارب العالمين.. ودي اسوي المنظار بس مافي احد من الدكاتره طلبه مني ..

الله يرزقني واياكم الذرية الصالحه المعافى ويعوض صبرنا بالخلف الصالح يارب العالمين.. اذا ربي يسرها...