تجمع الحقن المجهري والأنابيب والتلقيح الصناعي في سليمان الحبيب بالرياض والقصيم

فوفو الفرفوشه • 13 سنة

كل عام انتم بخير
بنات من افضل طبيب بالحبيب
انا جربت زينب احسها باارده مره
ولا تهتم بالمريضه

مناير999 • 13 سنة

أضواااء رماااديه :

مرحبا بنات..مناير قلبي الحمد الله عيدنا كان تقليدي جدا يعني مافيه شي جديد.. رحنا بيت اهل زوجي بعد صلاة العيد..سلمنا عليهم وطلعنا نتمشى الرياض فاضيه والشوارع مفتوحه بس وليدي فديته جاه عيديات 500 ريال مره مبسوط وقال لي ماما بكره بوديك المطعم فديت قلبه.. مركز ذريه كم مره شفته بطريقي بس والله ماعرف مكانه بالضبط.. يالله عسى تكون تجربتك معهم زينه وكلنا نلحقك لذريه.. دموعه ماعليك من اللي يزعجك ورددي اللهم اكفنيه بما شئت.. فلفوله ان شاء الله اللي تحسينه علامة حمل تطمني.. سارونه قلبي حتى انا طفشانه وفقدت جو رمضان الله يعيده علينا.. ندااااااااااااااااااااااااااااااااااااااااااااء نور الدنيا طمنينا عليك.. معاقه وافتخر مشكوره على الدعوات الحلوه..بشري كيف الافرازات معك ان شاء الله وقفت؟..

مرحبا بنات..مناير قلبي الحمد الله عيدنا كان تقليدي جدا يعني مافيه شي جديد.. رحنا بيت اهل زوجي بعد...

اللهم اااااااااااااامين

الله يجزاك خير يالغاليه ويثبت حملك ويسهل ولادتك وتجيبي لنا احلى توأم

ماشاءالله الله يجعل ايااامك كلها اعيااااااااد وسعااااااااده يااااااارب

ويحفظ لك ولدك من كل شر ويرزقك بره وتشوفيه عريس
ويرزقك اخوه واخوات له

ومعك حق الشوارع فاضيه حتى انا استغربت لما رحنا العليا وطريق الملك فهد كنا شايلين هم الزحمه حصلناه فاضي استغربنا اول مره تصير

وذريه بكرا بروح لهم والله يكتب الخير كنت محتاره بينهم وبين الحبيب
بس المشكله من حظي الردي ان الدوره تشرف ايام العيد والدكاتر مجازين بس اروح ولعل وعسى احصل احد دوامهم بس ساعتين :44:

اخواتي معاقه واضواء احبكم من كل قلبي .::♥. .♥::.

ملاك الفهد 2 • 13 سنة

كل عام وانتم بخير والى الله اقرب تقبل الله طاعتكم

مناير999 • 13 سنة

اليوم شرفت الدوره والحمدلله على كل حاااااال

كلمت ذريه قالوا لي ايام العيد للطوارئ فقط والحالات الحرجه

وعطوني موعد مسائي السبت ينفع؟؟؟
قلت لها بتاخر قالت المنسقه لاعادي اذا اليوم جتك ينفع تبداي السبت
احس فيه تاخير وحجزت عند ناريمان الطريري مافيه غيرها هي وهدى ابو شامه بس اخترت ناريمان

بس صدمتني اسعارهم تقول المجهري مع الفحوصات والتحاليل شامل 16الف ...
كم الحبيب سعرهم شامل؟؟؟

النصوحه • 13 سنة

مناير999 :

اليوم شرفت الدوره والحمدلله على كل حاااااال كلمت ذريه قالوا لي ايام العيد للطوارئ فقط والحالات الحرجه وعطوني موعد مسائي السبت ينفع؟؟؟ قلت لها بتاخر قالت المنسقه لاعادي اذا اليوم جتك ينفع تبداي السبت احس فيه تاخير وحجزت عند ناريمان الطريري مافيه غيرها هي وهدى ابو شامه بس اخترت ناريمان بس صدمتني اسعارهم تقول المجهري مع الفحوصات والتحاليل شامل 16الف ... كم الحبيب سعرهم شامل؟؟؟

اليوم شرفت الدوره والحمدلله على كل حاااااال كلمت ذريه قالوا لي ايام العيد للطوارئ فقط...

وانتي بخير يالغاليه ويارب مايجي العيد الجاي الا والثلاثة بحضنك وهم بصحة وعافيه يارب العالمين..

وانتي بخير ياعسل وينعاد علينا وعليك بصحة وعافيه وذرية تامة يارب

وانتي بخير حبيبة قلبي..اللهم آمين

وانتي بصحة وسلامة يارب

وانتي بخير والله يعيده علينا وعليك ومعنا عيالنا ..
اممممممم احنا بالعيد رسمي نجتمع عالغداء في بيت جدي ونقضي باقي اليوم كله عندهم وفترة العصر الى العشاء نسوي زيارات لعمة ابوي وعم ابوي ونرجع بعد العشاء لبيت جدي نتعشى وكل عيلة ترجع بيتها..وبس هالسنة اهل زوجي ماعندهم جمعة حريم بس رجال واليوم بروح اعيد عليهم ..

ياقلبي لاتشيلين هم ان شاءالله انك حامل بالنسبة لألم الدورة غالبا الكل يحس فيه سواء فيه حمل او لا ..والدم احيانا يكون علامة جيده وربي يتمم لك على خير وتبشرينا بحملك قادر ياكريم..وعلشان ترتاحين حللي اليوم وان شاءالله يبين معك

مناير ياقلبي للأسف ماعندي فكره عن موقعهم لأني اذا رحت للرياض من الفندق للمركز وعلى طريقنا الفيصليه بس ماروح لمكان وماأدل فيها شي..الله ييسر امورك ويرزقك الذرية الصالحه المعافى يارب

كل عام وانتي بخير وتقبل الله منا ومنك

الله يفرج همي وهمك ويرزقنا واياكم الذرية الصالحه المعافى ..
ماكان ودي اضيق صدوركم بالعيد بس بما انك حكيتي خليني افضفض لكم..:angry:
انا الحمدلله في عيلتي مافي احد يدقني بالكلام واغلبهم اذا مو كلهم متعاطفين معنا لأبعد درجة وبرضوا هالشي متعبني نفسيا..
بس اللي كدر خاطري جد..ان هالعيد ماشاءالله كان مليان مواليد وحوامل واغلبهم السنة اللي فاتت كانوا مابعد تزوجوا او دوبهم متزوجين ماشاءالله تبارك الرحمن..وكان المفروض لي اسبوعين من ولدت والمفروض اعيد ومعي بناتي..وهذا اللي كدر خاطري بالعيد كنت احس بحزن وغصة في قلبي مايعلم بها الا الله ..اسأل الله العلي العظيم ان يرحم ضعفنا وقلة حيلتنا وهواننا على الناس ويرزقنا الذرية الصالحه المعافى..ان شاءالله مايجي العيد الجاي الا واقرأ هالكلام واضحك وانا بيدي ولدي او بنتي وانتوا بعد ربي انك سميع قريب مجيب الدعاء

حسبي الله ونعم الوكيل ..الله يرد كيده في نحره يارب

:44: والله انك صادقه ماتتخيلين وشلون فراق رمضان يعز علي ويحرق قلبي كل سنة من يعلنون العيد تجيني ضيقه سبحان الله وماأفرح بعيد الفطر كثير وهذا غصبا عني جو رمضان غير

يارب تجي وتبشرنا ان تم الترجيع

بشرينا عنك كيفك ان شاءالله تمام؟الله يتمم لك على خير ويكون بنتك او ولدك اول فرحة بالتجمع يارب

الله يخلي لك اياه وان شاءالله العيد الجاي تلقين 1000 ريال لولدك وبنتك ان شاءالله

الله يرزقني واياك الذرية الصالحه المعافى وان شاءالله بنات القصيم يفيدونك

ياقلبي لو شفتي القائمة ماشاءالله دكتورة زينب عندها اعلى نسبة نجاح.. انا جربت بقنه برضوا ماأحسه مهتم كثير ودايم مستعجل..استخيري والله ييسر لك الخير

وانتي بخير والله يتقبل منا ومنك

الله يتمم لك على خير ويرزقنا واياك الذرية الصالحه المعافى ..انا يوم شفت مقابلة هدى ابو شامة مره ارتحت لها بس ماأدري اذا كانت تسوي حقن مجهري او لا..بس احس يوم السبت متأخر كثير يعني بيكون لك رابع يوم من الدورة مدري اذا راح يسوي لك البروتوكول الطويل..
بالنسبة للتكلفة اللي اعرفه ان العملية بس تكلف 10 آلاف وقالوا لي المنشطات تكلف 1150 تقريبا ..وسحب عينة من الزوج كلفتنا 2000 ريال.. بس انا ماسويت اي تحاليل عندهم والكشف 200 ريال ويسون لك تصوير يعني ماتوصل 16 ألف ريال
يمكن انتي قالوالك 16 الف باكج كامل يعني من إلى..