أم عيون أنا كلمت عيادة بجدة وقالت لي فل بدي ب2000 وإذا دفعتي مقدم ثلاث جلسات 1600 وقالت مافي بنج إلا للمنطقة الحساسة فقط للجسم مافي وأجهزتهم جنتل ليز وجنتل ياق وأنا لوني حنطي وش رايك إذا كان مافي بنج للجسم ورأيك بالجهاز ؟ ومحتاره بشغله صدري وظهري شعرهم وبري أخاف أروح لهم وأدفع ثلاث جلسات مقدم وبعد ماتشوفني تقولي ماينفع أشيلهم لك ساعديني بحل تكفين أنتي والبنات وهل السعر 1600 مناسب ولو بكمل الجلسة الرابعة والخامسة راح يحسبون لي سعر الجلسة ب1600 أو 2000

وتكفين أم عيون لاهنتي كلميني عن الجنتل ليز والجنتل ياق وش الفرق بينهم

السلام عليكم

اقصرووا الشر ............وربي الاخت ام عيون مااااقصرت الله يجزاااها كل خير لو تبي تسوووي دعايه على قولتكم كااان سوووت

موضووع وتمدح فيه المركز وريحت راسها ...........بس أهل العقول برااااااااااااااااحه

وأسال الله ان يجزااااه كل خير...ويمتعها بالصحه والسعااااااااده


ابي اطرح تجربتي ..........للفائده

انا من تبوك ..رحت لمستوصف عكاااظ عند الدكتوووره (خديجه) وسألتها عن نوع جهاازها اللي هو (جنتل ليزر) سألتها عن سعر فل

بدي قالت 6000 ريال طبعا وسألتها عن الوجه قالت اذ الشنب والذقن 250 والوجه كامل بالرقبه 500

قلت ابي الوجه كاااامل مع الساقين والفخووذ قالت 2900 ريال توكلت على الله وقلت تم اهم شي اتخلص من الشعر لاني وربي

تعذبت منه لانها سميك وطويل

شالته لي النيرس تونسيه رجولي في اقل من نصف ساااعه بدون بنج ووجهي الدكتوره خديجه في عشر دقايق

وبعد مارجعت البيت ...احسها استعجلت علي مررره لاني اخذ على رجووولي بالشمع ساعه ونصف

وهي اخذت ...يمكن عشرين دقيقه الى نصف ساعه وجلست اتحسس على رجولي في اماكن فيها شعر واماكن لا

فسؤااااااااالي لحبيبتنا ام عيوووووون ؟؟؟

*هي ماذكرت لي رتوووش ابد بس اعطتني موووعد للجلسه 2 بعد ثلاثه شهووور وبعد بفلووووووووس الله العالم كم بتاااخذ علي

*احسها نصبت علي ايش تنصحيني فيه انتظر النتيجه ...........من الجلسه الاولى ولا اروح لها بكره

*وهل بحصل نتيجه مرضيه من اول جلسه ابيه على الاقل يخف شووي

وتحيااااااااااااتي لقلبك الطيب وسعة صدرك يالغلا

ريلاكس ريلاكس ام عيون
شفيك قلبي
ترى مايتشنج ويدعي ويتحسب الا اللي في بطنة ريح
وش اللي يارب تنحرقين بالليزر وكش عليك ياوعة ههههه حسيت اننا بصف رابع جيم ؟؟؟
وش فيك ياقلبي حنا نتناقش
خليك واثقة من نفسك؟
شفيك تدافعين كنه مركز ابوك
تبينا نسمعلك ونسلكللك يعني؟
بصراحة الحين تأكدت انك فعلاً من ضمن الطاقم الجميل
شوفي قلبي
اول شيء تقولين ليش شاكين اني تبع ابانمي

1- لك موضوع هنا وحيد عشان الليزر فقط. وكذلك لك موضوع بالمنتدى الثاني نفس الشيء عن الليزر. الله وأكبر ماعندك اهتمامات في هالدنيا الا الليزر؟ماعندك استشارات؟ ماتفتحين مواضيع؟ ماتريدين ع المواضيع ؟؟ يعني بإختصار واضح جداً انك مسجلة بالمنتديات عشان التسويق لليزر عند ابانمي

2- اتحدى القى مشاركة وحدة لك شكرتي فيها بأي مركز بالرياض شكر لو ربع شكرك لأبانمي ؟ ملايين المراكز بالرياض فيها ليزر وتقولين مجربتها كللللللللللللللها كخة ؟ وابانمي هو الوحيد الحلو واللي يجنن واللي وه يازينة؟
واللي مو مصدقني يرجع لمشاركاتها هنا وبالمنتدى الثاني , , لها الدرجة هالمركز نازل من السما يعني؟؟؟ شوية مخ يابنات

3- بنفس الوقت ثلاث ارباع مشاركاتها كلها فيها ابانمي , يعني اذا احد سالها ان شاء الله بموضوع خارجي ماله علاقة بإسم المراكز , لازم تحط ابانمي في وسط الكلام؟؟ واضحة ياعمري وووووووووووواضحة

3- اي بنت تدخل تطري اي مركز تثور ثائرتك تحشين فيه وتسبين فيه ؟؟ سب مب طبيعي تقل انك انتي صاحبة مركز ابانمي خخخخخخخ , واللي مو مصدقني يتصفح هالموضوع زين

4- حبيبتي ليه ماتقولين للبنات يابنات ياحلوات ترى ثلاث ارباع المراكز فيها فتونا وكللل المركز فيها جنتل وفيه مراكز جابت اجهزة حديثة احدث من الدويتو الطرطنقي هاللي انتي مطيرته للسماء؟ ليه ماتقولين لهم يشوفون وش نوعيه شعورهم وش يناسبها من جهاز وبعدين يدقون ع العيادات ويتاكدون ان هالجهاز عندهم او لأ؟ واذا عندهم يروحون وسوون تجربة او جلسة اذا عجبهم ياخذون بكج اذا ماعجبهم لا ياخذون ؟ ليه ماتنصحينهم هالنصيحة؟؟؟؟ اذا كني فعلاً مخلصة؟
اي بنت تسالك على طول تقولين لها روحي ابانمي , مساكين يسالونك بنات من اخر الرياض وجمبهم مستوصفات فيها كل الاجهزة وانتي لااااااااااااااااااااااااابانمي وبس , ليه مقطعه نفسك عليه لهالدرجة ؟؟؟؟ حبيبتي حنا مو دلوخ

5- معليش بأقتبس ردك هنا يوم تقولين

عمري مادورت الدلال والدلع وخدمه الخمس نجوم زيك وصابره ومحتسبه على انتظاري اذا تاخرت مادخلت بسبب وحده لها ثلاث ساعات او اكثر تسوي جلسه ومو راضيه تطلع او لها اكثر من ساعتين تسوي رتوش وجا موعدي وحضرتها ماتبي تطلع او تغيير موعدي اذا خرب الجهاز بسبب كثره الضغط عليه او اني ما احصل موعد رتوش غير الصبح في عز البرد او الظهر ايام الصيف الي فات (الحمد لله ان الجلسه الاساسيه احددها قبل شهر احصل موعد يناسبني) وصابره على غباء موظفات الاستقبال لاني اي شي ابيه اكلم الاداره وهم مايقصرون عملو معاي جميل ما انساه لهم طول العمر ومحد يقدر يلومني لو مدحتهم بلساني ليل نهار
يكفي انهم تعاطفو مع ظروفي الماديه وقسطو المبلغ ويوم اخذت البكج الثاني اعطوني بدل الجلسه المجانيه جلستين وحتى البروسملت سويت جلسه وحده وقالو لي لو ماستفدتي خذي فلوسك قلت ماعندي فلوس فسووها لي مجانا غير اني اخذت مع البكج مثل غيري تنظيف اسنان مجاني والتبييض ب300 ريال



لااااااااااااااااا مع احترامي الشديد لك
هالرد اثبتلي انك فعلاً تبعهم
سبحان الله كللللللللللل الاخطاء مسقطتها على البنات ؟ ملاحظين ؟ الله وأكبر كل البلاء من المريضات والمركز يالبية؟
وتقولين صابرة ومحتسبة ؟ الله وأكبر؟ وليه ياعمري؟؟ جهاد في سبيل الله نصبر عليهم
لا لا ياماما
انا دافعة مبلغ وقدرة ممكن يوصل للعشرة الالاف , ابي خدمة خمس نجوم سبع نجوم بعد , ليه جاية اشحذهم انا, لا حبيبتي , هذي حقوقي اللي دفعت عليها دراهم, واذا انتي نفسك هينة عليك لهالدرجة , حنا غير حبيبتي ,
شكلك جربتي مستوصفات منفوحة وكبر في عينك ابانمي
حبيبتي لاتحاولين تلزقينها في البنات , مافيه شيء اسمه وحده لها ثلاث ساعات , عيوني هالكلام تقولينه للي ماجربوا الليزر , اما اللي طابخينة وعاجنينة , مايقنعهم هالحكي
حبيبتي المركز من حقارته ياخذ اسماء فوق اسماء ويحشر البنات حشر طمعاً بالفلوس وهو السبب في هالحوسة , وانا بنفسي شايفة قائمة البنات مع النيرس وشايفة شلون يحطون الانتظار , وبعدين كل بنت ماخذه فل بدي من حقها ساعتين كاملات ماحد يحاكيها فيهم كللللل المراكز ساعتين للفل بدي, واغلب البنات يطلعون قبل الساعتين , وشوفي ردود البنات هنا وفي الموضوع الثاني ,منهم اللي تطلع من الالم وماتكمل , ومنهم اللي خبرتها اي كلام والنيرس تمر بسرعة على جسها وتلعب عليها , حبيبتي هم ترى مب قاعدين يتفرجون على افلام في الجلسة , والنيرس اذا خلصت جزء ماحد يقدر يجبرها تعيد عليه , واذا قلتي شيء ورتك الشغل , اصلاً البنات يخافون من الحروق ومايبونها تعيد ؟؟؟؟
الا اذا البنت رافضة تطلع بتقعد مع نفسها مثلاً وماحد قاعد يشتغل عليها
حدث العاقل؟؟؟؟؟؟؟؟؟؟
بعدين حبيبتي تقولين اجهزتهم تخرب , كويس اعرفتي , ياماما ابانمي يشتري الاجهزة مستعملة , القعيطي البخيل , يكسب باليوم ملايين من ورى هالدعايات في المنتديات ويفتح من 8 اللى 12 حتى الجمعة شغالين وعجزان يجيب اجهزة جديدة؟؟؟؟؟
مبسوط علينا , يحسب الشعب كله مخفات
المستشفى وصخ , غرفة صغيرة حقت الليزر تفتقد للنظافة , وبرد , والبيبان بعضها خربانة وماتتسكر , الاضاءة ماتساعد ان الواحد يشوف الشعر كويس, والظاهر هم قاصدينها علشان تكثر الجلسات , ادخل بعد المريضة ريحة الغرفة قرف وحرق شعر , مستكثر يشتري معطرات جو من ابو ريالين ويلزم النيرس تعطر لغرفة بعد كل مريضة , والادهى والامر الرسبشن , حاطين انتظار الرجال عند الرسبشن
انا ذاك اليوم قاعدة اتفاوض مع الرسبشن على مناطق حساسة بجسمي زي البكيني واسفل الظهر , والتفت وراى واشوف الرجال كلهم عيونهم علي ؟؟
ليه ليه ؟؟؟ تراي دافعتلهم فلوس حبيبتي , يحط بارتشن عساه الفقر
وبعدين ياحياتي اذا خرب جهازهم ترى فيه شيء اسمه ندق نعتذر من الزبونة؟ مهب تعطل شغلها وتجي من اخر الدنيا وتحط مخدر وحالتها حالة وبالاخير ترجع بخفي حنين؟؟

الشيء الثاني , تقولين انهم تعاونوا معك وقصطوللك وعطوك جلستين مجانية اهاااااااااااا عرفنا السر
طيب كويس انك اعترفتي , انتي تمدحين وتسوقين وهم يعطونك جلسات مجانية ومري ايش ههههههه كان قلتي كذا من البداية ياعمر
الدعوة كذا واضحة لأن مافي وحده من ابانمي عوملت هالمعاملة ,, فيه احد منكم يابنات قصطولها المبلغ او عطوها جلسات مجانية ؟؟؟ اللي تقول ايه ترد علي ؟؟
وبعدين تقولين ابانمي زحمة ومدري ايش
خبري فيه فاضي مثل بيت الاشباح , وفجأة هووووووووب صار زحمة
والبركة فيك ياعمري شغالة على قدم وساق
عموماً ترى انا مايهمني تسوين دعاية ماتسوين سوي بيديك ورجليك , شيء راجع لذمتك وضميرك
بس حياتي سوي دعاية على شيء صدق , نبي شيء نشوفه بعيونا
وياليت دامك تقولين انك علاقات معهم وماشاء الله يعطونك جلسات مجانية
ياليت تقولين لهم على ملاحظاتنا , ترى نبيلهم الخير , خل يتعدلون ونصير اول زباينهم , ولا يسرقون فلوسنا ع الفاضي
اما مساعد المدير , فهمية ان السعوديات يعرفون انقليزي , وانه لايقعد يحش بالمريضات ويوصي الممرضة تقول حكي وتصرف وحنا نسمع على باله مانعرف انقليزي , وهو حتى الاكسنت حقه زي وجهه
انسان في منتهى الحقارة وانا صارلي معه موثق دنيئ
بس الغريب هالانسان اللي الكل يذمه حتى الرسبشن مايحبونه , انتي تقولين انه مسويلك عروض وجلسات مجانية
شيء غرررررررررررررررررريب

اسمعوا يابنات اذا تبون النصيحة المخلصة اللي من قلب
بدون ما اقولكم روحوا للمركز فلان وللمركز علان

اللي شعرها ثقيل تسوي بالجنتل فقط ولا ترى بتضيع فلوسها ع الفاضي واذا كانت بيضاء بتصير النتيجة توب
واللي شعرها خفيف تسوي بالفتونا ولا ترى بيكثر الشعر وبرضو بتروح فلوسها ع الفاضي
واللي عندها شعر كذا وكذا يعني ثقيل وخفيف تسوي بالفتونا, لأن الشعر الثقيل بيستفيد من الليزر بكل الاحوال
والخفيف انسب شيء له الفتونا
ترى الدويتو خرااااط ووسيلة لسحب الفلوس فقط , وربي يشهد علي ان عائشة اللي في ابانمي هي اللي نصحتني بهالنصيحة وهي عندهم الجهاز , وشعري مشكل شيء ثقيل تقل مزرعة بسيقاني
وشيء خفيف كنه شنب بيديني , ولعلمكم انا بيضا
وادري ان ام عيون بتحرش عليها بس ميخالف اهم شيء مايصير ضحايا لهالدعاية
ولعلمكم بعد فيه اجهزة احدث من الدويتو نازله الحين بس هالدويتو لقى من يسويله دعاية لأنه عند ابانمي اللي مرضي عليه خخخخ
المهم
اذا حددتي انتي وش تبين
دقي على المستشفيات اللي جمبك واساليها الجهاز اللي تبينه عندهم او لأ
اذا هو عندهم روحي لهم بحكم انهم الأقرب تختصرين الوقت والجهد لأن الجلسات يبيلها التزام
وبنفس الوقت يمكن تحصلين عروض
والله اذكر قد دقيت على عيادة الجلسة فل بدي عندهم ب 1200
مستوعبين
بس جهازهم الجنتل وانا مايناسبني الجنتل
يعني ابحثي ودقي , وشوفي جريدة الوسيلة , وسجلي بموقع عروض اللي بالنت يجنن يجيبلك كل العروض
المهم
اذا رحتي اول جلسة جربيها عجبك الشغل قوليلهم انا باخذ البكج بادفع وقت الرتوش
وكللللللل العيادات ترضى بهالشيء
واذا جيتي تسوين للرتوش ادفعيلهم فلوس البكج كامل وقولي ابيه
وترى كلللللللللللللللللللللللل العيادات الحين تدفعين ثلاث جلسات والرابعة مجاناً
وكللللللللللل العيادات عندهم رتوش
وعلى فكرة كل ماكان المستوصف فاضي كل ماكان في مصلحتك , النيرس تصير رايقة ويالله من فضلك تدقق بالشعر وتروق عليك
وترى كلللللللل اجهزة الليزر مثل بعض , يعني لاتحسبين ان الفتونا عند ابانمي يختلف عن الفتونا عند غيره
لا يابنات شوي مخ الله يعافيكم, ويكون في علمكم اجهزة ابانمي مقرقعة وكل شوي خربانة ويبيلها صيانة , وكل شوي جايبن احد يصلحها , شكلها مشترينها من الحراج حق الاجانب خخخخ
المهم
بالنسبة للدرجات
انتي خليها تشتغل عليك واعتبري الالم هو مقياس الدرجة المناسبة لك
يعني اذا صار الالم محتمل هذي هي الدرجة اللي تناسبك
اذا صار الالم مهب محتمل معناته بيصير حرق
اذا صار مافيه الم مرة معناته هي مخفضة الدرجة قوليلها ترفعها شوي
وترى اذا صار فيه حرق بسيط ترى عادي لا تتروعون , حطوا ميبو , ويخف مع الايام وسووا سكراب بعد خمس ايام وكل يوم ترطيب
شكل الحرق مثل النمش الصغير
وفيه شيء مهم
ترى فيه عيادات عندهم الفل بدي يشمل البطن والظهر والصدر والرقبة , مهب زي ابانمي الحرامية
اللي مخترعين هالمصطلح المتخلف , فل بدي , بس بدون بطن وظهر ورقبة وصدر ؟ مخفات عندهم حنا ؟؟
هالحين هذا فل بدي؟؟ حسبي الله عليهم خربوا بقية المراكز علينا
هذي نصيحتي لكم من قلب , بدون ما اسوي دعايات , وبدون ما اصفصف لكم كلام نسخ ولصق من المنتديات , وادخلكم بمتاهات
هذا الكلام اللي عن تجربة , واللي ماتصدقني تروح للاستشاري اللي عنده ذمة وضمير ومتخصص بالليزر اللي هو السدحان وبيأكد كلامي
انا دارية ان فيه بعض الدلوخ الله يسامحهم مع الخيل ياشقراء بيرددون ورى ام عيون
لكن هذي نصيحة لوجه الله , والذكية اللي الله معطيها مخ بتعرف تفرق
وعقبال ماتلللللللللللللللقون لق على قولة بكيزة هانم او بكيزة الدرملي