تجمع الحوامل بتوأم ..... تفضلوا

الغاليه99 • 14 سنة

وإذا رحمت فأنت أم أو أبَ هذان في الدنيا هما الرحماءُ
والديك باب من ابواب الجنه احرصي على برهم ولاتنسي من مات منهم انقطع عملهم الا منك اكثري من الدعاء والصدقه لهم :26:

SHAINY STAR • 14 سنة

COPY&PASTE :

صباحو ياحلوين.. سوري ناطه عليكم من صباح الله خير بس وش اسوي فزيت من النوم بسبة الم في جنبي اليسار شي فضيع ماادري هو صدري ضاغط على بطني والا العكس المهم انه هذيك الجهه.. وقلت اتصبر لين موعدي يوم الاثنين واشوف. بنات انتم كل مارحتوا للدكتور تسوون الترا ساوند او لا؟ انا خوفتني وحده تقول مو زين كل مرة بس للامانه هي ماتدري انهم توأم. وكمان متى بدأت الاجنه تتحرك لانه انا بالخامس ومابعدت حسيت بحركتهم اخر سؤال,, احد منكم جاه بواسير مع الحمل ؟ انا مو متأكدة للحين بس شاكه والالم مافيه الحمدلله بس هو البروز الخفيف اللي حاسه فيه. ((قرفت اهلكم على هالصبح بس الشكوى لله ماصدقت القى احد مثل وضعي ))

صباحو ياحلوين.. سوري ناطه عليكم من صباح الله خير بس وش اسوي فزيت من النوم بسبة الم في جنبي...

سلام للجميع:26:

امس رحت موعدي الاسبوعي والحمد لله كل شئ كويس وقلتله اني جبت ادوية الطلق من لندن وقالي ابدأ فيها الاسبوع الجاي واكسر الحبه وآخذها كل 6 ساعات وتحليل السكر بسويه ب22 اسبوع بدون مااشرب العصير بس اجيهم على الريق واروح البيت افطر بعدها بساعتين ارجع اسوي تحليل ثاني

سمسمه..
وحشتنا مشاركاتك عن الجلابيات شوفي حبيبتي سعرهم 200 وشئ او 300 وشئ ماأذكر بالضبط بس مره مرتبه ماتعطينها هذا السعر وانا تقريبا لفيت كل السوق احلى مافيه هالمحل ركزي معاي مااعرف اوصف انا اجيه من الؤلؤة مول قبال المول محلات جلابيات ومحل ابو ريالين هو المحل الثاني بعد ابو ريالين يكون على زاويه اعتقد اسمه كشخه والمحل الي جمبه كمان شوفيه احيان الاقي فيه وبس ماراح تلفين كثير وان رحتي علميني وش رايك

اميرة الحلا..
مبروك واهلا وسهلا بالنسبه للولاده الدكتور هو الي يحدد فيه ناس تولد طبيعي بس الاكثر قيصريه وهي الاسلم واذا انتي خايفه تكون ولاداتك عمليه الثاني ترى ممكن طبيعي والعمليه ابدا ماتخوف خصوصا اذا بنج نصفي واحتاطي من الجماع وصعود الدرج بكثرة وخليك قد ماتقدرين مرتاحه ومنسدحه وانصحك تقرين الملف السابق عشان تستفيدين والادويه انا آخذ حديد وفوليك آسيد واسيرين ومثبتات

ام غدغودة..
هلا انا الحمد لله كويسه ايه كذا شاركي على طول ونورينا

alknooz • 14 سنة

ضايعه بالحارة1 :

هذا التعليق محذوف

السلام عليكم ورحمة الله وبركاته
كيفكم ام غدغوده كل الغلا شايني ستار كراميل اموله سمسومه
ام سعودي ونانسي مازلنا بانتضار اخباركم طمنونا عنكم
كيفكم يا حلوااات شخباركم

سوري لي يومين ما شاركت معكم ولا لي عذر غير اني مالي مزاج وهذا شيء طبيعي للكروشات وخاصه الي كرشتها دبل وثلاثة دبلات الله يعين
--------------------------------------------------

كوبي وبست
بالنسبه للسونار مثل ما قالوا البنات بكل مراجعه سونار عادي هذا الي حاصل الله يعين

بالنسبه للبواسير هي تجي من الامساك انتي انتبهي منه وكلي الياف كثير واذا ما نفع اخذي دوا من دكتورك له وان شاء الله مافيه الا العافيه ولا تفكرين كثير

-----------------------------
سمسومه كيفك يا غاليه

بالنسبه للصوره بصراحه هذا تصوري لك الله يساعدك يارب يوقومك بالسلامه انتي وبيبياتك
-------------------------------
اميرة الحلااا
حياك الله بينا تسفرين وتنورين
بالنسبه للولاده لا تسألين عنها للحين ما ولدنا الله يسهل علينا وعليك
والادويه كل وحده على حسب حالتها
-------------------------------------
ضايعه بالحاره
هلا بك والف مبرووك الحمل
وبالنسبه للتحليل الهرموني على حسب وقت التحليل يعني وقت الدوره او قبل او بعدها يعني باي اسبوع

تحياتي وهلا بك

توتــ2009ــي • 14 سنة

الله يسهل علينا وعليكم يارب

متى عرفتوا انكم حوامل بتوأم في اي اسبوع يبان

انا الحين في الاسبوع الخامس يبين ولا لا

لسا مارحت لدكتورة

أم غدغودة • 14 سنة

السلام عليكم ..

كيفكم عساكم بخير إن شاء الله .

شايني ستار .. النور نورك يالغاليه .

الكنوز .. والله الحال من بعضه في المزاج والكسل .

باتشي كراميل .. قياس عنق الرحم بالأشعة من فوق بس لازم تكون المثانة مليانه على الآخر ،، والقياس لمن يكون فوق 2,5 سم مايحتاج ربط .

أنا رحت لموعدي اليوم وكتب لي الدكتور على ابرة الرئة 3 جرعات كل 8 ساعات وأخذها يوم الخميس .. بس أنا استغربت أنها 3 جرعات على حسب ما أسمع أنها جرعتين . وقالي مفعولها عشرة أيام ولو ماحصلت ولادة بيعطيني اياها مرة ثانية .
وسألته متى يتوقع الولادة قالي في الثامن وماحدد أوله ولانصه ولا أخره بس أنا حسيت من كلامه أنه أول الثامن .
وسألته عن التخدير النصفي وقالي أنه يأيد النصفي عن الكامل .. وأنا والله محتارة أختار نصفي ولا كامل وخايفه بأستخير إن شاء الله وأشوف ؟ بس أنتم وش رأيكم يالي مقرر لكم قيصري ؟ ومين ناويه على النصفي من الحين ؟

كل الغلا .. أنتي كم جرعة أخذتي ابرة الرئة ؟

أم سعودي ،،، شوكولاته ساخنة ،،، حاولوا طمنونا عنكم بأسرع وقت ..

نانسي ... الله يقومك بالسلامة ولايضيع لك تعب وترجعين وأنتي سالمة غانمة يارب العالمين .