بنات مساكم الله بالخير عساكم طيبين الله يكومكم بالف سلامه وتشوفون اولادكم بالف خير انا اليوم رحت الظهر كله للمستشفى وشفت هاشم وكان وضعه للحين مستقر على الاجهزه وجهاز الرئه التنفس يعني والله هو مخدر عشان ما يتحرك ويمسك الانابيب وكل ما اناديه يفتح عيونه وتصير تتحرك ادور علي رغم انه ما يكدر يشوف زين للحين ويصير يحرك ايدينه ورجلينه والسستر اتكول هذا الولد ازعر يعني حرك الحمد لله بنات لا تنسوني بالدعاء الله يخليكم كل يوم يسووله سونار يشوفون الوصله سكرت الي بين الرئه والقلب وانا اشفط له حليب واجمد له يارب يارب يارب ارحمني يارب الله يفرح قلوبكم والله يعينكم على الي انتم فيه بنات وانا اكتبلكم الحين زوجي اتصل وطني وكال بدت الوصله اتسكر وهذا شي زين يارب يارب

نموله عزيزتي نصيحه من اختك اعطي اهميه للافرازات لانها كانت تنزل علي وسويت مسحه للمختبر 4 مرات وكانت ما في التهاب وبالاخير نزل دم مره علي لونه غامق قبل يوم من الولاده وطلعت القطبه ملتهبه والافرازات منها والتهاب صاير يجمع دم بعد انتبهي الله لا يكتبلك ما مررت به يارب يحميك ويحمي حملك لكن انتبهي انتبهي

الله يخليلك اياه يا زبيديه

كيف يعني تجمدي الحليب؟للاستعمال فيما بعد؟ينفع؟

ياعمري يالزبيديه الله يفرح قلبك بهاشم ويقومه بالسلامه ..

اي همسه اول شي امهات التوائم لازم اتجيبون شفاط حليب في ماركات كثيره ام التوائم 3 لازم كهربائي صغير في ماركتين زينات مديلى وايفنت من فلبس وبنات التوائم 2 يمكن كهربائي او يدوي حسب العضل الي بادينكم انا جبت بعد الولاده وكانت حاجتي بس يدوي يجي على شكل رضاعه بيها فوق شفاط لازم اتعقميهم بشكل جيد انا اول شي اغلي قدرين ماء نظيفات واطفيهم واحط بوحده منهم حبه التعقيم واذوبها واكون غاسله الرضاعه بماء وصابون واحطهم بعد ذلك بالماء المغلي الي بيه المعقم واسكر عليه لمده نص ساعه وبعدها اشيلهم واحطهم بالماء الثاني المغلي واخضهم بيه واشيلهم واتركهم ينشفون زين ولا تنشفوهم بكلينكس ابدا خطر على بيبي الخداج وبعدها اكون جايبه من الصيدليه اكياس خاصه لتخزين الحليب بالفريزر امسح صدري بشاشه مبلوله بالماء المغلي النظيف وابدي اشفط وامسح الثاني واشفط وعلى طول اكتب على الكيس الوقت واليوم واسمي واسم هاشم وافرغ الرضاعه فيه واسكره واحطه بالفريزر يجمد واجمعهم كل ثلاث ساعات اشفط بس تخافون بالبدايه يطلع قليل انا لحد الحين يطلع كل مره 2 سم بس بعدين راح يكثر وكل يوم ياخذ زوجي المجموعات الي جمعتهم ويحطهم بكيس فيه مكعبات ثلج والاكياس بينهم عشان ما يذوبو وهم يحطوهم بالفريزر عندهم ومعلومه الحليب هذا يبقى بالفريزر لاشهر وهذا حكتو السستر بالخداج بنات كل مره تشفطو بيها اتفرغو الحليب بالكيس ويتسكر ويتجمد ما يطلع من الفريزر وتحطو فوقه حليب ثاني لا كلمره كيس لوحده وطبعا انا معكم عشان تتعرفو على الي اتريدوه

شكرا يا همسه على الدعاء وشكرا لكوبي بيست الله يكومكم كلكم بالف سلامه