مرحبا بنات

شخباركم عساكم بخير


باتشي

تسلمين يالغلا على الفيديو ... صراحه شي مؤثر

سبحان الله احسن الخالقين


.
.

وبالنسبه لي .. الحمدلله اموري تمام والحمدلله

بس الثقل والتعب لاعب فيني لعب ... ماقدر اتنفس زين ولا اقعد زين .. الله كريم

.
.


وانا الحين بجاوب على الاسئله الي انطرحت

واتمنى البنات يتفاعلون عشان نغير جو شو


س3هل كان حملك طبيعي او بمنشطات او عمليه ؟وهل هاذا اول حمل ؟

حملي طبيعي ماشاء الله والحمدلله .. وهذا ثاني حمل

س4احكي لنا عن وحمك وماذا أحببتي وماذا كرهتي ؟

كان وحامي متعب .. وضعف التعب الي جاني في بكري
وكرهت راوئح العطورات .. وكرهت ريحة زوجي .. وكرهت كل انواع اللحوم <<< صرت نباتيه خخخخ
وصرت عايشه على شوربة ماجي بالشعيريه والاندومي وبس

س7هل تمارسين حياتك طبيعيه ؟والا حابسه نفسك ؟

والله نص ونص .. يعني طلعاتي خفت وايد .. وصرت اغلب الوقت في البيت .. لكن ما يمنع اني اطلع بين فتره وفتره لبيت جدتي انسدح هناك واغير جو .. لان الصراحه حبسة البيت تجيب الاكتآب

س8ماهو اكثر شي تغير فيك بعد حملك ؟

صرت عصبيه ومزاجيه .. والتغيرات الخارجيه طبعا وزني زايد بشكل يخوف .. الله يستر

س9اش تتمنى بنات او اولاد ؟ووش الاسماء االلي بتسمينها ان شاءالله ؟

اتمنى بنات ... وطبعا اهم شي الصحة والعافيه

س10كيف تقضين وقتك من اول اليوم الى اخره ؟وكم عدد ساعات نومك؟

اغلب الوقت منسدحه ..
وساعات نومي زادت والله.. يعني عالاقل 9 ساعات

س11ماهي الممنوعات اللي امتنعتي عنها في حملك ؟

الغازيات والشاي والقهوه .. قللتهم بقدر الامكان

س12كيف ابو الشباب معك حاس فيك والا مطنش؟

والله على حسب .. الله يسخرهم لنا ويهديهم يارب

س13ماهو المستشفى الذي تراجعين فيه ؟؟ووين بتولدين ان شاء الله ؟

اراجع في مستشفى خاص وحكومي
وناويه اولد في الحكومي بإذن الله .. لان خبرتهم احسن من الخاص بمليون مره

س14ماهو اكثر شي يقلقك في حملك ؟

طبعا في البدايه الخوف من التشوهات لا سمح الله
والحين خايفه من الولاده المبكره ومن التفافات الحبل السري ومن مشاكل تغذيه الجنين لا سمح الله .. هالاشياء كلها اوسوس فيها .. الله يجعل اجنتنا معافين ونجيبهم بصحه وسلامه

س15 هل سافرتي في حملك سواء طائره اوسياره؟

لا مع التعب والثقل مستحيل السفر

س16 متى ناويه ان شاء الله تجهزين للبيبي ؟

جهزت في الشهر الخامس والحمدلله .. احسن الوحده تكون اخف

س18هل يغلب على تفكيرك التفاؤل او التشاؤوم ؟

الحمدلله متفائله ومتوكله على ربي
والي ربي كاتبه بيصير ..

س19ماهي اسعد لحظه عشتيها في حملك ؟؟وماهي اسوء لحظه ؟

اسعد لحظه هي لما قالت لي انهم توأم ..
وكل ما اروح اكشف بالسونار تعتبر من اسعد اللحظات لما اشوف اجنتي ربي يحميهم ويخليلهم ..

س20دعوه تتمنين كل من يقرا اجاباتك يدعيها لك ؟؟

ان الله يحفظني انا وزوجي وابنائي من كل شر ومن كل عين .. ويقر عيني بشوفه اجنتي وهم بصحه وعافيه يارب ياكريم

سلام للجميع:26:



س1 كم لك سنه متزوجه ؟
لي 9 سنوات
س2هل عندك اطفال؟
عندي بنت
س3هل كان حملك طبيعي او بمنشطات او عمليه ؟وهل هاذا اول حمل ؟
بمنشطات وهذا الرابع
س4احكي لنا عن وحمك وماذا أحببتي وماذا كرهتي ؟
كرهت الحلى والحموضه ذبحتني
س5 هل تستخدمين مثبتات وماهي ؟
تحاميل وحبوب يوميه وابراسبوعيه طوال الحمل
س6هل عملتي عملية الربط ؟ووين عملتيه؟
ايه بمستشفى سعد بالخبر
س7هل تمارسين حياتك طبيعيه ؟والا حابسه نفسك ؟
والله حابسه نفسي(غوانتنامو) واهلي واهل زوجي مو بالمنطقة صرت اطلع على خفيف مرة بالاسبوع اومرتين من قريب بس
س8ماهو اكثر شي تغير فيك بعد حملك ؟
حساسه وعصبيه واحس اني دايما متوترة
س9اش تتمنى بنات او اولاد ؟ووش الاسماء االلي بتسمينها ان شاءالله ؟
ودي بنت وولد بنت عشان بنتي لحالها تكسر خاطري وولد عشان الناس والمجتمع ههههه والاسماء ماافكر فيها الحين
س10كيف تقضين وقتك من اول اليوم الى اخره ؟وكم عدد ساعات نومك؟
مع بنتي الله يصلحها تبيني طول الوقت معاها ولاانشغل عنها حتى لما اكلم بالتيليفون اهلي تقولي سكري والعبي معاي ,نومي 8 ساعات مع الارق والتفكير احس مخي مايوقف
س11ماهي الممنوعات اللي امتنعتي عنها في حملك ؟
كللللللل شئ ناسيه نفسي تماما وكل تفكيري بحملي مافي طلعات واسواق مافي طلعت درج عملت لي غرفة تحت مقصرة مع بنتي وزوجي وبيتي
س12كيف ابو الشباب معك حاس فيك والا مطنش؟
مرات ومرات
س13ماهو المستشفى الذي تراجعين فيه ؟؟ووين بتولدين ان شاء الله ؟
مستشفى سعد وان شاء الله بولد فيه جربت قبل كيف الحكومي بتوائمي الله يشفعلي فيهم
س14ماهو اكثر شي يقلقك في حملك ؟
الولاده المبكرة والخوف على صحتهم
س15 هل سافرتي في حملك سواء طائره اوسياره؟
سفر ويييييييين اقولك غوانتنامو هههههه
س16 متى ناويه ان شاء الله تجهزين للبيبي ؟
لما اعرف جنسهم يمكن بالخامس بس انا مو شايله هم تجهيزهم سهل كلها بربتوزات بيضاء ولفات لايام المستشفى والنفاس بس انا الي يبغالي تجهيزززز
س18هل يغلب على تفكيرك التفاؤل او التشاؤوم ؟
التفاؤل ان شاء الله وكل ماتجيني افكار سوداء اتعوذ من ابليس
س19ماهي اسعد لحظه عشتيها في حملك ؟؟وماهي اسوء لحظه ؟
اسعد لحظات لما اشوفهم كل اسبوع بالالتراساوند وادعي ربي ان يتم حملي واشوفهم بصحة وعافيه
س20دعوه تتمنين كل من يقرا اجاباتك يدعيها لك ؟؟
ان الله يتم حملي واقوم بالسلامه انا واطفالي وهم بكامل الصحه والعافية وان يحمينا من كل مكروه وان يجعلهم بارين وصالحين ويعيينا على تربيتهم

ما شاء الله لاقوة الا بالله
الله يتمم ويسهل عليكم يارب ويطمنكم على البيبهات

ضموني معاكم
توأم في 26 اسبوع..
مغتربة وماعندي شغالة
ولدي سنة و8 شهور
حاموت تعب وطفش
اسأل الله أن يطمئني عليهم..

السلام عليكم ورحمة الله وبركاته


هلا باشتي كراميل
مشكوره يا غاليه على المقطع وفعلا رهييييب سبحان الله الخالف

-------------------------------------


هلا بك ام غدغوده

ولا تغيبين مو مسموووح لك كيفك وكيف كرشتك وكيف وجع وروكك وتضخم الكلى معك؟؟ ان شاء الله امورك احسن

----------------------------
نممموله هلا بك

تدرين انا والله مثلك ذابحني الثقل بس تدرين اقنع نفسي ان هذا شيء بسيط والكل يقدر يتحمله ووو والله احس اني اصير افضل اوحي لنفسك انك خفيفه وبالنسبه لضيق التنفس حاولي ما تنامين الا على وسادتين او ثلاثه يعني هليك شوي مرتفعه والله من صرت اعمل كذا احس اني مرتااحه بالنوم
----------------------
ورد مديني
جزاك الله خير على دعواتك الطيبه

---------------------
لولا بتولا

هلا بك بينا وحياااك الله
والله يعينك يارب على الغربه هي لحالها تتعب وطفش
والله يطمنك يارب على توأمك