بنتظر .....الله يطمنك ياااارب ويفرج عنك ويبعد الشر عنك ياقلبي



دبي----سلامتك حبيبتي ماتشوفين شر ياقلبي بس زي ماقلتي هذا هو الحمل كله تعب وشكااوي الله يعدينا الشر ويفرح قلوبنا يااارب.


بنت السعوديه طمنينا عنك حبيبتي



كود وبقية البنات وينكم مختفيات

بنات تكفوون طمنوني هل ممكن يستمر الحمل والدم ينزل بكثرة وانا اخذ كل انواع المثبتات من ابر وتحاميل وحبوب. .
طول حملي والدم مستمر وبين كل يومين نزيف دم احمررر..
والله قبل شوي تكرمون الحمام كله دم..

الله يثبت حملش ياقلبي ويطمنك انا حالتي نفسك بالضبط بس اتوقع لابد توقفين الاسبرين يزيييد من النزف


الله يطمنا ويفرحنا باطفالنا ياااااارب ويثبت هالحمل بخير وسلامه

هههه سويتي مثل ولدي كل كم يوم يسأل البيبي اشكبر صار .. اقوله نقطة .. اخر شي عصب قال كله نقطة نقطة متى يكبر و ما قام يسألني ;)

على حسب الجدول اللي عندي الاسبوع التاسع كامل جزء من الشهر الثاني .. الاسبوع العاشر يبدأ الشهر الثالث .


لا انتي مسبقه بكم يوم .. انا الخميس الجاي ان شاء الله اكمل الاسبوع 17 اليوم كملت ال16 بس تقريبا مع بعض :a_smil08:


مالج الا الاستخارة يا عمري و الله يكتب اللي فيه الخير .. بس ما احس المنظار يأثر على الجنين لانه بيكون بعيد عنه و انا جربت المنظار في الحمل خارج الرحم اذكر سوالي اربع فتحات صغار و المنظار بسيط مب متعب كلش اللهم ان ينفخون شوي غار في البطن لتسهيل الرؤية فالغاز يألم البطن شوي و يرتفع يألم الاكتاف شوي كم يوم بس حتى اني سافرت بعدها باربع او خمس ايام دبي سياحة
.. لكن ما ادري عن مسألة البنج في الحمل !

الله يسلمج كنتي على بالي اقول ما بينت ..الله يعينج على الالتهابات في الحمل كريهه و ما تترك الواحد بسهولة .. في حملي في ولدي جاني التهاب و خذت مضاد و المضاد سببلي فطريات و من الشهر الثاني لين الخامس و انا اتعالج .. وحدة انصحتني قالت اشربي شراب شعير (بيره) فيه بنكهات يخفف الالتهابات و فعلا ساعدني وايد وفيه نكهات حلوة ما تحسين بطعم الشعير..
و ما تشوفين شر .



سألت عنج العافية و الله الدوام و ضغط الشغل كنت من النوع اللي ما انام الظهر..... مع الحمل لازم انام الظهر و بالليل من الساعة11 انا منتهية ابي انام :40:

حاسة فيج انا اول اسبوع يمر في حملي ما يكون فيه دم وانا في الاسبوع ال16 من اول حملي و انا عندي دم و كنت اخذ اقصى جرعة ممكنة مثبتات ..هي فترة و ان شاء الله تعدي .. حتى في حملي اللي قبل كان عندي نزيف لحد الثالث .. !بعدفترة راح تتعودين ..حتى زوجي كان كل يوم يسألني وقف الدم و الا لا .. بعدها ما قام يسأل ;) يأس هههه .. و الحمد لله على كل حال .. اللي كان مطمني الجهاز اللي قلت لكم عنه اللي اسمع فيه نبض البيبي .. و دكتوري كان متفهم يخليني اصور التراساوند كل فترة ..و الحمد لله فترةو عدت الله يعينج ما اقول انها سهلة لكن ان شاء الله تمر و تنسينها

الله يعطيك العافيه حبيبتي كود ... بصراحه تعب مع الحمل دوام ومعاك نزيف لكن الله يساعدك حبيبتي ويمم لك ع خيير

انا للحين كله اجازات وان شالله امشي عالاقل لين اوصل الرابع كلمت المديره عن الاستثنائي بس تقول لابد بديله ومارضت تقدم لي بس مو هامني الشغل تتيسر ان شالله اذا ربي يسر حملي ان شالله


انتي تعطينا جرة تفاااااؤل هنا بالتجمع ونظرتك للامور ايجابيه ردودك مرييحه الله يخليك لنا ياارب ويخلي لي عيالك