بنات حابه اقول الكم قصه قالتها لي الدكتوره سهام في مستشفى سعد اتخيلوا بنات قالتها لي في زيارتين من شدة ماهي الدكتوره متعجبه وطبعا من كثر الزحمه اللي عليها ماركزت انها عادتهالي ثانيه


المهم تقولي جاتني مريضه تقول دكتوره سويت اطفال انابيب ٩ مراات ومجمد ١١ مره وماصار لي ولا مره حمل مع ان غالبا يرجعوا لي من الدرجه الاولى ليش؟؟

تقول الدكتوره انا ماتخيلت ان فيه وحده بيوصل معها الامل لهدرجه ٢٠ مره ؟؟ تعب ...... انتظار ..... امل وفي الاخير مافي حمل !!!!! سبحان الله
تقول سالتها انتي تسوي فحص للاجنه قبل الترجيع ؟؟ قالت لا ايش هو هالفحص قالت مو شرط يكون الجنين انقساماته من الدرجه الاولى وتكون عدد الكروموسومات مضبووطه ممكن تكون زايده او ناقصه

قالت نتكل ع الله ونسوي هالفحص في العمليه الجايه
سوت العمليه وسحبوا منها ٢٠ بويضه تلقحت منها ١٥

تقول الدكتوره جا وقت فحص الاجنه
تقول كان معها ١٠ اجنه من الدرجه الاولى والبقيه من الدرجه الثانيه والثالثه لما فحصنا البويضات المخصبه ظهر ان جميييييعها كانت فيها مشكله في عدد الكروموسومات وهنا مستحييل بنرجعها
تقول الدكتوره بس لاحظت ان فيه بويضه كانت من الدرجه الثالثه عدد الكروموسومات مضبوطه لكن جدار البويضه متكسر تقول انا خبرتها بالموضوع وقلت الها تتكنسل العمليه وحرام تكملي وتدفعي وهو مافي الا هالبويضه والامل فيها ضعييف

تقول الدكتوره شوفي ايمانها بالله قالت دكتوره انا خسرت خلاص وهذي البويضه مابتضرني لو رجعتها ودعيت ان الله يبارك فيها

رجعوا لها البويضه المخصبه من الدرجه الثالثه ذات جدار متكسر وبعد اسبوعين تطلع نتيجتها حاااااااااااامل !!!!!!!!!!!!!!!! سبحان الله جات للدكتوره تبكي تقول اول مره احمل من ١٥ سنه هذي بحد ذاتها نعمه لو الحمل ماكمل
تكمل الدكتوره تقول وبعد اسبوعين جات لعندي عشان نشوف النبض لقيت ٢ من الاجنه بحااله جيده وفيهم نب وهي حاليا حامل بشهرها السااادس الله يتمم عليها ويفرح قلبها ويعطيها ع قد صبرها وايمانها وحسن ظنها

سبحان الله

والله يابنات الدكتوره مستغرربه تقولي حنا مافي يدنا شي اذا الله كاتب هو بيعطيش وبنكون حنا بس سعينا


انا تاثرت جدا بهالقصه خااصه اني اول مره اشوف دكتور يتكلم باستغرااااب من شي توه صااير ومو مستوعبه الدكتور نفسه سبحانه اذا اراد شيئا ان يقول له كن فيكون

ريف 
ماشاء الله الله يبارك لها مؤثررررره
وسبحان الله من قدر لها تحمل
ياريت كتبتيها بتجمع الحقن اللي لسى ماحلو

الله يعنيج هي فترة عصيبة و تعدي ان شاء الله .. ما اقدر اقولج لا تخافين و لا تتوترين لكن وكلي امرج لله و الله يعطيج كل خير :pinklove:


يا سلام على الخبرة :biggthump


و الله العلم عند الله هي ارزاق .. الله يعوضج خير يارب ..




سبحان الله .. شوفي ربي اشلون كريم :)
على فكرة انا قريت عن وايد حالات اجانب في منتديات اجنبية .. تكون كل مرة ترجع الاجنة من الدرجة الاولى و ما يصير حمل و بعد ما تسوي فحص الاجنة تكتشف ان الاجنة من الدرجة الاولى ما تكون سليمة و الاجنة اللي من الدرجة الثالثة و الرابعة اهي السليمة و تحمل ..
لان يا بنات تقييم الاجنة يعتمد على تقدير المختبر لانقسامات الاجنة .. و مب شرط الاجنةاللي انقساماتها متساوية تكون سليمة..
و بالنسبة للتكسر انا اجنتي كانت كلها فيها تكسر هالمرة و حملت الحمد لله ..
بس فعلا قصة تبعث على التفاؤل ما شاء الله ..

مساء الخير ع الجميع امس اخذت اشاعه وقالت الدكتوره انتي بالاسبوع 12عشر خلصتي شهرين وبيدخل الثالث!!!! معقووول مو المفروض تقولي انتي بتخلصين الثالث انا في حيرررره 
بنات بالضبط كم يكون لي؟؟!

الله يطمن بالك يا reeif وحبيبتي code مالي غيركم كل اسبوع بحكي ما بدي اخاف خلص بتطلعلي شغله تشغل بالي وبروح الدكتور قبل موعدي الحمد لله على كل حال موعدي الصبح ان شاء الله بس ارجع بطمنكم معي الله يطمني على البيبي يارب ويحفظه لي فهو خير حفيظ  وشكرا لردودكم حبيباتي  وأختي احساس دافئ احسني الظن بالله وكتري استغفار صباحا ومساء وكل وقت وحافظي على صلاة الفجر  وشوفي كيف ربي رح يكرمك وما تنسي القرآن والصدقة  غير ربي يستجيب ورحمة ربي وسعت كل شيئ