التشقير و الصبغ ما يضر لكن انا انتظر لحد الرابع بعدها اصبغ و اشقر .. لان الجنين تقريبا يكتمل نهائي على الاسبوع 12 و باقي الوقت في الحمل مجرد يزيد حجمه و تتحسن بعض الوضائف لكن سبحان الله يكتمل فانا احب اصبغ و اشقر بعدها ..الاسبوع اللي طاف صبغت شعري لكن طلبت صبغة بدون امونيا .. كنت الاسبوع 16 و بعد كم يوم بشقر حواجبي .. و الله الحافظ ..
كل المصارد تقول ان الصبغة ما منها ضرر و الحمد لله اعرف ناس من اول الحمل تصبغ كل شهر ( البياض و احكامه :) ) و الحمد عيالهم مافيهم الا العافية ..
الجماع في الغالب مسموح بعد الثالث .. لما تتركين المثبتات ان شاء الله و المشيمة تكون قوية و يعتمد عليها .




هههه طلعتي منهم ..انا عارفة ان اللي اجهضت ودها تسوي اللي تقدر عليه . و انا جربت الاجهاض .. لكن صدقيني اغلب سبب الاجهاض ما يكون له علاقة بالحركة .. في الغالب 99٪ من الاجهاضات تكون لاسباب ثانية .. ضعف في الحمل او ضعف في النطقة او تشوه في الجنين او مشكلة مناعة في الام .. يعني نادر ما كانت الحركة سبب الاجهاض .. الا اللي بتروح تلعب في الملاهي :) لكن الحركة الطبيعية اليومية .. مالاها علاقة ..
حتى الناس اللي يصير معاهم انفصال في الجنين يوصونهم الدكاتره بالراحة لكن كل الابحاث قالت انه ما في علاقة بين الراحة و علاج الانفصال في الجنين ..
لكن في النهاية هي قناعات و كل واحد يسوي اللي يحتاجه و يشوفه صح .. و مب معناته ان عندي عيال اني ما احس فيج .. و انا من اول حمل لي كانت هذي قناعتي و نظريتي .. و حتى دكتوري يأيدني بالهشي هو ما يؤمن بمسألة الراحة الزايدة .. حتى اجازة من شغلي ما يعطي ..
و انا بقولج لما ما كان عندي عيال كان الناس يسألون .. لما صار عندي واحد قالولي متى بخاوينه بالثاني ... لما جبت الثاني قالوايبيلج بنت .. بعد الولدين .. فالناس ماراح تسكت و لا ترحم .. لا تحسين ان المسألة بتنتهي لو جبتي واحد .. و اللي مسكينه تجيب عيال ورا بعض قالوا اشفيها ما توقف .. يعني في كل الاحوال بتلاقين كلام الناس .. المسألة ان ما تهتمين بكلام الناس .. و تكونين على قناعة ان هالناس ما تنفع و لا تضر .. و لا كلامها ينفع و يضر ..
على الشهر الرابع ان شاء الله لما تفوقين من الوحم :angry: ابدي سمكره .. انا توني اشوف الدنيا و بادية اصلح المآسي اللي صارت في الاربع شهور اللي راحت ..
الجماع بيصير مسموح بعد الثالث ان شاء الله لما المشيمة تشتغل ..:)

الله يتمم عليج الحمل .

بنااات الله يسعدكم يوم قريت عن التجمع الدموي واروح اشوف صورة السونار اللي عندي سويته وانا لي سته اسابيع واربعه ايام المهم شفت جنب الجنين دائرة اصغر منه بيضاء ممكن يكون هو التجمع الدموي لاني ماسألت الدكتورة عن شي الللي عملت لي السونار قالت الحمد لله تمام وضعك لكنهم اعطوني موعد بعد ثلاث اسابيع الله يسسسسسسسعدكم طمنوني

ردا على حديث القلوب :)

انا الشهور الاولى من الوحم كنت من الكنبة للسرير و من السرير للكنبة و خذت اجازة من شغلي لان الوحم كان في قمته و كان رمضان .. الله يآجرنا ... الوحم في رمضان عذااااااب استغفر الله ... الحمد لله من الاسبوع ال١٢ بدأ يخف الوحم شوي .. و من الاسبوع اللي طاف اقدر اقول ان تقريبا الوحم راح .. ما عدا احيانا لما اثقل في الاكل و الا شي ..
المفروض ان الفصل الثاني من الحمل ( الشهر ٤ و ٥ و٦ ) افضل الاشهر من حيث النشاط و الطاقة .. و احس اني احسن الحمد لله .. و حاليا بديت احس بحركة الطفل اللي يرزق الجميع يارب و كل محروم .. فنفسيتي افضل و بديت استوعب اني حامل صج ..
و بس

تسلمين حبيبتي حديث القلوب ع دعوتك الجميله الله يسمع منك يااقلبي وارتاااح



كود حبيبتي ،،، الله يعلم مااقصدك انتي بالكلام انا عارفه انك حاسه فينا ويظل لكل انسانا قناعات حتى لو شاف الشي بعينه مايقدر يغير اللي براسه ،،بداية حملي كنت اشتغل ع خفييف وكان الغثيان بسيط كنت اطبخ عالاقل وانا بصرااحه احس الطبخ ماافيه اي مجهود بالذات اذا كنتي مرتاحه طول اليوم هالساعه اللي بتوقفيها مابتضر ،،، بس لما شفت اللي شفته مااحب اذكره استغفرالله كان يوم كئيييب عيوني تورمت ،،، اتخيلوا زوجي يأكلني غصب وانا دووعي تنزل احس اللقمه غصه في حلقي ماتنبلع ،،،صرت ارتاح وزوجي ربي لايحرمني منه قايم بكل شي بطيب نفس وان شالله راح الكثير مابقى الا القليل انتظر الاسبوع ١٢ ع ناااار عشان اتحرر شوي

ماعليه قلت قصة حياتي بس انا مااحب التجمع نايم احبه نشيط ولازم نتكلم عن يومياتنا


قطرات نافعه ،،، لاتوسوسين لو كان تجمع دموي قالك الدكتور وثانيا التجمع الدموي يكون لونه اسود مو نقطه بيضه يكون مشابه لكيس الجنين ،

الله يتممم حملكم على خير وعقبالي يارب وكل محرومة