متلونه
من جد حيييل طول مو راضي يخلص
انا اشوف البنات يقولو 3 أسابيع و3 ايام استانست قلت هانت
بس 14 كثيير

جمان
هههههع اعجبتني ( الاعراض القاتله) ربي يسعدك
فعلا سبحان الله الوحم اصعب مرحلة في الحمل واعرف كثير يقولوا الطلق والولادة اهون من الوحم .

جمان ومتلونه باسألكم
الدكتور جاب لكم طاري الحديد والكالسيوم ؟؟ ايش قال بخصوصها؟
لاني مستغربه دخلت الخامس ولا اعطاني يقول تحاليلك سليمة ماتحتاجي ،، كفاية الماترنا
وسألني اذا اشرب حليب بشكل يومي قلت ايوه قال اجل ماله داعي كالسيوم !!! استغربت صراحة

بخصوص ملابس الحمل كنت شاريه ومقضيه في حملي السابق ولا لبستها وباقي عليها استكراتها سبحان الله ، وكنت دايم افتح الخزانة اناظرها واقول بيجي يوم وألبسك والحمدلله الايام هذي قاعده اكشخ فيها مع نفسي بحكم اني مااطلع من البيت 😄

مس نونه الحمدلله اهم شي تكشخين وتوسعين صدرك
والوحم احس خف هالايام مدري افرح ولا اخاف مره ما اقدر اكل ولا اشوف الاكل واحياناً عادي الوضع وهالايام صرت احط ليمون على الاكل عشان يغير طعمه والحمدلله يارب على كل حال بالنسبه للفيتامين ما اعطاني الا ماترنا وقريت مكوناته يحتوي على اغلب الفيتامينات ومدري ماسالته عن الكالسيوم والحمدلله سويت تحاليل يوم موعدي واخذت النتيجه كل شي سليم الحمدلله

جمان تذكرت موعدي اللي قبل كان في 13شهر عشره وسالته دخلت الثالث قال ايه بس ماقالي كم لي ولما سالته قال اذا كملتي 14اسبوع تدخلين الرابع حسبته يوافق 13هالشهر يعني تقريباً كل 13 من شهر ادخل شهر جديد وياررررب يتمم لنا بخير جميعاً اللهم ممممين

مرحبا امهات المستقبل


الله يسهل عليكم جميعا متلونه كم فترة الحمل بيني وبينك انا توي دخلت الثالث


الشهر الرابع تقريبا في الجدول 13 اسبوع 4 ايام بس الدكتور كاتب 14


انا احس الشهر الثاني طويل طلع الثالث اطول الله يثبت اجنتنا يارب

مس نونه
ههه من جد قاتله ربي يهون علينا بس
زوجي يقولي اذا ولدتي ان شاءالله بعد سنتين نعيد العمليه والحين بعد ماجربت الوحام اقوله مو سنتين انا محتاجه 5سنين عشان انسى تعب الوحم ومع الولاده يمكن توصل 10 هههه يقولي صدق متزوج بزر

باخر موعد صرف لي ماترنا قلت له ما تعطيني كالسيوم و حديد قال انتي تشربي حليب وتأكلي أجبان قلت مع الحمل لا مااقدر قال لا حاولي قطعه الجبنه الوحده تساوي 3 أكواب حليب وكمان قال انا ماافضل كل شي تاخذيه حبوب احسن لما تاخذيه من مصدر طبيعي
شكله مايصرفه لمريضاته
قال عموما اعمليه التحاليل و الموعد الجاي نشوف
الغريب ان كل الحوامل ياخذوه وكل الدكاتره يصرفوه لمريضاتهم الي تحتاج والي ماتحتاج


اي ياقلبي اكشخي لنفسك وصوري مراحل نمو الكرشه ذكريات