جمان - متلونه- فعلاً مافيه مثل التحاميل فيها راحه ومفعول الله يحفظ اجنتنا يارب

ياخوات يعطيكم العافيه ...متى اول سونار او اشعه اخذتوها بعد النتيجة ...يعني كم بين الترجيع واول اشعه وهل هو سونار داخلي او خططططرر....؟؟؟

تكفووون قلقانه وشايله همم ..يارب تسهل علي وعليكم 

حبيبتي السونار سويتها انا اذكر بعد اسبوعين من التحليل وبالنسبه لي كان مهبلي وسالت الدكتور عنه قبل قال مافيه اي ضرر لانه فقط في المهبل مايوصل للرحم لان بالعاده عنق الرحم يكون مقفل وسويته وانا كنت خايفه منه اذا انتي قلقانه عادي انتظر للاسبوع السابع وسويه على البطن يبان النبض وكيس الجنين

لميس حبيبتي طمنينا عنك عسى امورك تمام

ياحبيبة قلبي الله يطمنك بكل خير ولا يصيبك بمكروه يارب ولا من تحبين


الحمدلله انا زي ماقلت لكم زاد الألم وصار لا يطاق الحمدلله ماذكرني الا بطلق الولاده من الظهر والعصعص شديد جدا وينزل ل الرجول والحمدلله ع كل حال كل ما مسحت او دخلت الحمام تكرمين حصلت اغشيه واشياء غريبه زي المخاط بس قويه سبحان الله كأنها غلاف لشيء او ماني عافه اوصف خفت كثير وزوجي ماعرف يتصرف معي بس يهاوش ويلوم الله يهديه


قريت الحمدلله ما تيسر لي وبكيت كثير لاني ماقدرت اوقف ولا انسدح شعور لا يوصف الحمدلله
الله لا يوريه مسلم يارب

المهم بكيت لين نمت المغرب من الدوخه لان كان من الفجر تضاعف الالم


ثم صحيت اخر الليل الحمدلله الألم أخف بس الإفرازت مستمره طبعا والأغشيه بس أقل

وأحس ظهري متفكك وافخاذي وكل جسمي كأني مسويه مجهود او شايله بلك او يعني شي عظيم مره مره متفككه واحس بآلام مزعجه بالظهر والارجل من التعب الحمدلله

كان هذا يوم الجمعه صعب جدا جدااا الله لا يعيده من شر يارب
ولا يوريكم اياه يارب



اليوم الصباح الحمدلله زي ماقلتو قلت اروح لاي احد اتطمن بعد الله واشوف البيبي بالسونار وأشوف اذا بتعطيني أبر او شي



والله كثير افكار جت في بالي بس الحمدلله ع كل حال





رحت ل الدكتوره وحولتني ع اخصائي اشعه
وقال لي فيه كيس عند عنق الرحم فيه بقايا جنين يعني صغير وبقاياه مو كامل
وفوقه مباشره سبحان الله الكيس الثاني وفيه جنين طيب ماشاءالله

يارب لك الحمد تطمنت ع نبضه مع اني خفت كثير لانه نزل عند عنق الرحم فوق الكيس الثاني ممكن من قوة الطلق او مدري الله اعلم ..


المهم يوم شافت الدكتوره قالت فعلا اللي صار لك هو اجهاض جزئي واللي نزل اشياء من الكيس الثاني ممكن من المشيمه او ما نعرف الله اعلم ...

ورفضت تصرف ابر تقول مثلها مثل التحاميل طبعا هي دكتوره نساء في مستوصف قريب مافيني اسافر للخبر ساعتين .. و اصريييت عليها وصرفت لي الابر الحمدلله مره بالاسبوع واخذتها لان مره مهدوده من التعب وخايفه ع الكيس الاول يارب تحفظه وتمم علي وعليكم يارب

لان تقول ممكن ينزل وينزل معه يارب تخيب ضنهم وتكتب لي كل خير ولكم يارب ...


هذا تقريبا بعض اللي صار والحمدلله ع كل حال
يارب لا تحرمنا الأجر


طبعا مازال البني مستمر بس اللي زي الاغشيه اخف الحمدلله
اذا زاد الم الظهر او المغص نزلت واذا خف خفت الحمدلله


الظهر والمغص مستمر بس اخف من قبل ومتفاوت الحمدلله رغم احس كأن بطني متورم يعني كانه زي الدوره يمغص ع مدري كيف غير الظهر والمه الحمدلله ع كل حال ...


طبعا الغثيان خف ماشاءالله وانا لسا لي 8 اسابيع و يومين خفت كثير ان الحمل صار له شي
بس يارب خير
اللي معاي زايد الصداااع بشكل الحمدلله





تكلمت كثير بس هذا اللي صار ويارب خير


والله يسعد كل من دعو لي حتى لو بالسر ... ولكم بالمثل


والله يسعدك ويفرحك بكل خير متلونه

ومس نونه وكل البنات الله ينولكم مرادكم جمييييعاااا