فوفو تجنبي الاغاني
والله انا بعد مرات تجيني رغبة اسمع ومرات اقول حظهم البنات يسمعون ومو مصابين
وانا لو تشافيت وسمعت بمرض من جديد
ها شعور ملازمني ها الفترة ً
بس كله من الشيطان ً
لازم نقطع عنه كل السبل

اختي eida srgh
الدوا بداء مفعوله من اول اسبوع حسيت نوبات الهلع خفت كنت احس راسي وساوس متداخله ماتوقف حتى وانا نايمه وقفها العلاج حسيت اني قادره اسيطر على نفسي واي فكره عابره اقدر اطنشها شوي شوي لما اندمجت مع اللي حولي خف اختلال الانيه لكن اول اسبوعين من العلاج جاني وسواس بالدين ومن بعده تركت كل شي كنت اسويه من قراءة قرآن وصلاة الليل والسنن والاذكار يعني تركت كل شي ماعدا الصلاة المفروضه لاني كل ماجيت اقراء احس بوسواس فضيع والدعاء ماصرت اقدر ادعي بعد ماكنت ادعي في كل وقت وتركت حتى الدعاء كنت اروح رقيه واخذ العلاج بنفس الوقت حسيت بتحسن وحسيت بالسعاده حتى وانا احيانا احس باعراض اختلال الانيه وبرضه حسيت ان العلاج خلصني من الخجل او الرهاب مع اني ماكنت احس اني اعاني من مشكله قبل لكن صرت ما اتوتر او اخاف اذا بقابل احد يعني ساعدني كثير ولانه بعد يعالج الرهاب لكن احس اول 6شهور كان يعطي العلاج مفعول لين وصلت لحد معين ووقف ماعدت احس بجديد او تطور وبعد كنت اتعب كل شهر قبل العذر الشرعي لكن استمريت عليه سنه ونص لان هذا الكورس اللي قالت لي الدكتوره وبعدها كلمت الدكتوره اننا ناقلين منطقه ثانيه واخذت منها طريقة ايقاف الدواء بالتدريج والحمدلله وقفته بدون ما انتكس ولي الان 5سنوات تقريبا موقفه مريت قبل كم شهر بانتكاسه او اعراض جديده وحاولت لين تجاوزتها ومن بعدها رجعت للقران والرقيه والحمدلله على كل حال
وبالنسبه لتبلد انا مع اختلال الانيه فقدت احساسي بالامومه واحساسي بالحب وصرت اشوف اهلي والناس اللي اعرفهم غريبين عني وبعد العلاج زاد التبلد وللامبالاه لكن رغم هذا احس بالسعاده صحيح افكر وودي ترجع مشاعري لكن كنت عايشه حياتي واللامبالاه احرجتني كثير خصوصا مع زوجي لاني اهملته كثير وما اهتم لاي شي يخصه واحيانا لو يطيح واحد من اولادي احس اني متبلده وما اقوم بسرعه ماحس بالخوف عليهم لكن الان الحمدلله رجعت شوي المشاعر من بديت اسمع رقيه واحافظ على الاذكار

اختي راعية الهاشمي انا مثلك اشوف الناس تسمع ومبسوطه ومافيها شي واقول ليش انا بظل طول عمري اي خلل بسيط راح انتكس
مع اني قبل امرض من تزوجت تركت الاغاني نهائيا لكن الفتره اللي راحت قبل انتكس كنت اسمع خصوصا لما اكون بالمطبخ ابغى شي يسليني واغلب شي اسمع شعر مو اغاني ولما انتكست تركتها
وقبل يومين كنا مسافرين وسيارتنا جديده وانبسطت اني اقدر افتح البلوتوث حق جوالي واسمع المقاطع الي بالجوال فحملت كم اغنيه وشغلتها واحس اني من امس تعبانه مدري اذا هالشي له علاقه اولا

يابنات اتركوا الأغاني انتوا كذا تخلوا المس
يتقوى
تصدقون صار لي كم شهر مااشوف التلفزيون
اصلا مافقدته سبحان الله كنت شاغله نفسي
باشياء احبها ومع ذلك افقد التلفزيون لو ماسمعته


والآن عكس مع الرقيه كرهته وخليته ع القران


اختي eida srgh مو جميع المرضى ينصرعون
وممكن يخرج الخبيث بدون صرع
اذا تدرجتي بالرقيه يعني مثلا اذا كنتي توك
بداتي بالرقيه ماينفع تسمعي رقيه الحرق
لانك تأذين نفسك قبلهم
لازم التدرج بالعلاج الى ان يضعف ويخرج
بدون صرع او مواجهه




انا انتفضت عند الشيخ انتفاضه قوووويه
مو صرع لكن والله العظيم اني صرخت من الخوف
حسّيت كأن كهربه ماسكتني خفت من نفسي


يارب يشفينا جميع

جزاكي الله كل خير اختي فوفو وحفظلك عيالك و زوجك.واظبي على الرقية وسووورة البقرة تراها راح تنفعك من غير ماتحسي.تقبلي فائق احترامي و امتناني.