أحن إليك ! :

هلا والله وهاد وجهة نظرك وأحترمها لكن ياحبيبتي أنا من وجهة نظري إن الملف هنا لتبادل الهموم والفضفضة والنصيحة لبعض وكل واحد فيه الي مكفيه ! مو ناقصين نكد وزعل ومراضاة ! وياليته على شي يسوى !! شفت رومنسية يوم تضايقتت من حذف وتعديل ردودها كانت تمر بوقت عصيب وكلنا عذرناها وتمسكنا فيها لين رجعت .. لكن تجيك وحدة من باب الطاقة كذا طنت في راسها وقالت بترككم ! بسلامتها إن قعدت ع العين والراس وإن راحت الله يحفظها ! والله لو فيه سبب إن أكون أول من ينشب لها لين يطيح الي براسها وترجع ! كلنا نمر بنفس الأزمة ـ ويمكن نكون أشد من بعض راعين هالحركات ـ وكلنا تجينا الدورة وكلنا أحيانا نكتب ردود وتروح في الصفحات ومحد يرد عليها وماقد زعلنا ولاجا بخاطرنا ولاشي ! والله لايجيب الزعل والنكد .. دمعه :) مدري ليش تحبين تصرحين دائما إنك تسبحين عكس التيار :) وبعدين شسالفة الزوجات الأوليات ؟؟ وش مقعدك عندهم ؟؟؟

هلا والله وهاد وجهة نظرك وأحترمها لكن ياحبيبتي أنا من وجهة نظري إن الملف هنا لتبادل الهموم...

أحن إليك ! :

تعانق السحاب مع إني مافهمت كلامك زين لكن بأجاوب على فهمي تقولين الي تركوا الملف من الزوجات والأهالي تركوه عشان كلامنا عن التفتيش ؟؟!! على أي أساس قلتِ هالكلام ؟! ومن الي ترك الملف عشان كذا ؟! يعني متفشلين أحد يدري عن الي صاير ؟!! إذا هذا قصدك فصراحة منطقك غريب وتفكيرهم أغرب !! أتحمل على نفسي الإهانة والذل عشان محد يدري ! لاوالله أسوي الي أقدر عليه والي ماأقدر عليه عشان أرفع هالشي عن نفسي لأني انسانة ربي خلقني معززة مكرمة ماأرضى على نفسي الامتهان والذل أبدا حتى وإن كنت ولابد أقدم بعض التنازلات مثل إن الناس تدري مثلا ! وماتحسفت والله أبدا أبدا على كلامي في بداية افتتاح الملف عن التفتيش بالعكس فرحت يوم دريت إن كلامي ممكن يوصل لأصحاب الشأن والإنسان مايدري منين يجي الفرج ! والله لو تحسن أمر التفتيش إن أعتبر نص همي راح ومابقى إلا طلعة زوجي وبس ..! يمكن الي ماقد جربوا الزيارات الخاصة لهم تحفظ على كلامنا لأنهم ماحسوا بإحساسنا ،، لكن أعتقد في مثل هذا الموضوع مايحتاج إن الواحد يجرب عشان يشعر بفداحة الموضوع ! يكفي إنك تتخيلين أحد يجي يقول لك نزلي لبسك الداخلي !! والشهادة لله ماقد صارت لي أبدا لكن صارت قدامي وصارت لناس أعرفهم وماأضمن على نفسي يوم أكون فيه بنفس موقفهم !! أعراض هذي مو لعبة !!!

تعانق السحاب مع إني مافهمت كلامك زين لكن بأجاوب على فهمي تقولين الي تركوا الملف من الزوجات...