ماشاءالله عليكم الله يقويكم يارب
انا اخلاقي ماادري اشبها هاليومين والله مالي خلق اسوي شي
اليوم زوجي مسافر وباذن الله بستغل الوضع وانظف عميق
بوقت الجوال ساعتين للبيت افره فر باذن الله والمطبخ بخليه لما ولدي ينام لان مااحب ادخله وهو صاحي يزعجني بالبكا
يلا ان شاءالله اوافيكم بالاخبار الزينه

هلا والله بالحلوات الحمد لله اشتغلت غرفه أولادي عمييييق مع غرفتي والصاله
وان شاء الله عند المجلس والمدخل والحمام عميييق اليوم بإذن الله مع حااامام العاااايله

الحمدالله خلصت البيت كامل طبعا ترتيب سطحي مع تمسيح طاولات ومرايا لان ولدي الله يصلحه ويهديه وين مارحت وهو وراي ماقدرت اشتغل عميق
توه الي نام حبيبي بستغل الوضع وانظف المطبخ ودورات المياه
اشوفكم على خير

مكسله اليوم بس ناويه اقوم الحين ارتب المطبخ عميق

صبآح الخير عليكم ..
ما شاء الله لاقوة الا بالله سنعااااااااات ووتحمسون ربي يقويكم ويبارك فيكم ..

ماادري اذا تذكروني ؟.. انا دايم اطل عليكم واتابعكم أول بأول

محتآجة لكم بكذا سؤال وان شاء الله تفيدوني ..

انا هالأيآم شآنه حمله ع البيت كآمل عميق من وإلى .. ساكنه عند أهل زوجي زي ماتعرفون
والبيت يحتاج تنظيف واذا مانظفته انا مااحد راح ينظفه وانا تقريبا جآني اكتئاب وضيق من منظره الوسخ ..

بدأت بالمراوح نظفتها ورجعتهااااا بيضاء تلمع لو تشوفون كيف كانت الغبار مغطيهااااا ..
وبعدين بدأت بالمطبخ نظفت الجدرآن والسراميك ونظفت وراء الغاز والفرن ..

حابه اعرف اذا كان هناك خلطة اعملها لتنظيف الجدران يكون مفعولها واظح لأني نظفتها واكثر من مره
ولازال بعض الأماكن فيها بقع ماراحت ..
وللفواصل بين السراميك اعطوني شي يرجعها بيضاء وتفتح النفس .. قرأت عن البيكربونات اخلطهاااا
مع ماء دافي وتكون مثل العجينة وبفرشاة الأسنان ادعك ..

انهد حيلي بالتنظيف وباقي الصاله والممر الجدران والأرظيه وغرفتي آخر شي
لأنها نظيفه مايحتاج لها وقت كبير .. الله يقويني ويآكم ..