ماهي طبيعة عملك
أنا اعمل كاتبة إدارة
وكم عدد ساعات الدوام
بالنسبة لأيام الاثنين والثلاثاء والأربعاء والخميس نظام حصتين
من 08:30 إلى 13:00
ومن 15:00 إلى 18:00
وبحكم بيتي بعيد شوي عن العمل فأنا طول اليوم بالمكتب
الجمعة والسبت حصة صباحية فقط
من 08:30 إلى 13:00
وهل توقيتكم نفس توقيتنا في السعودية
لا توقيتنا ينقص ساعتين عن السعودية

حبيباتي أنا مرهقه من عشاء البارح وصاحيه من بدري علشان أبو الشباب مسافر اليوم والآن رايحه أصلي العصر وأحاول أريح شويه لو ساعه رأسي مصدع وإذا أرتحت بطل وأسلم عليكم لأني بروح في الليل لأمي يالله مع السلامه ياحلوات(( بيرو )) سألتي عن جو المدينه حار جاف نهار معتدل ليلا وأيضا ليست أجواء ثابته في الليل أحيان حار وأحيانا معتدل وعليل بعد 12ليلا عموما المدينه بركه وتهبل بكل شبر فيها وإذا بتجي المدينه ياهلا وغلا نسوي لك تكيف مركزي متنقل

هلا بيرو
مشكروه على سؤالك واهتمامك
صحتي ان شاء الله بخير مع اني قلقانه من الم في بطني والدوره متاخره عليه
مدري اش سووا لي في ذي العمليه لخبطولي كل شئ الله يكافيهم

اهلييييييييييين يا بنات ،،،جيت اطمنكم علينا!!تراه يتوقعوا راح يمر علينا إعصار "فيت" !!راح يضرب بعض المناطق بشكل مباشر ،وهذي تم إخلاء الناس منها ،،وفيه مناطق راح تتأثر بشكل أقل منها المناطق الشمالية و الجنوبية ،،، الحين الجو عندنا حلو يعني سحب خفيفه والجو ابرررد من العادة طبعا انا من مسقط ،،بس خايفه يا بنات لأن بكره الصباح أكبر اولادي "شذى"راح تسافر مع اخوالها لبنان ،والجو يخووووف شوي ،،الله يحفظهم يا رب و يعودهم بخير و سلام و يحفظ جميع المسلمين يا رب
شذى صف تاسع ،وأول مره تسافر عني !!راح تكون رحلتهم اسبوع ،الله يحفظهم ،احس قلبي خايف :(
بيرو ،،سألتي عن صلاله ،انا ياحبيبتي ما من صلاله ،بس الحين عندهم امطار عشان الإعصار ،،طبعا احنا نفررح بالمطر لأنه شي نادر ،،،بس عساها تكون أمطار خير و رحمه يا رب

بيرووو بغيت اسألك عن العملية القيصرية نمبر "5" كيف كانت ؟! ولا مثلها مثل خواتها الأربع السابقات !!