صباح الخير

أولا عمرة ميمونة عليكم
ثانيا خليتوني :icon33::icon33::icon33: من الصبح شوقتوني للعمرة وللكعبة الشريفة ربي يطعمني عودة قريبة إن شاء الله لأطهر بقعة بالدنيا ويزيد يحليها مقابلتكم
والله العظيم فرحت من كل قلبي وأنا أكتب ومش شايفة الكيبورد من الدمع في عيوني صحة ليكم ممكن تتقابلو إلا أنا وحييدة :(

عزيزتي نعومي تقبل الله منا ومنك صالح الاعمال
بس انا ونسوم ما اعتمرنا بس زوزو اعتمرت لانها جايه من المدينه
اسأل الله الكريم المجيب ان يكتب لك عمره قريبه واشوفك بجوار بيت الله وانتي بأتم الصحه والعافيه

آميييييييييييييييييييييين
يعيشك زمززم

يتشرف الطائف واهله بجيتكم يامرحبا تراحيب المطر والسيل
مرحبا هيل عداد السيل,مرحبا الف .......الف........مليون
تعالوا وانا اشتغلكم مرشده سياحيه اوديكم الهدا والنقبه الحمراءوحديقة الملك فهد وفيه كمان الشلال وفيه خيمة التسوق العالميه مشاركين فيها معظم دول العالم وكمان البعيجان ......هذي كلها تلاقينها اول ماتطلعون من جبل كرا
بعدين عندك القريه الخضراء في شارع الجيش عباره عن فلل ومسابح وملاهي وفيه قرية الشعله في الخط الدائري برضوه تقربيا زي القريه الخضراء,فيه كمان ملاهي الحكير في شهار امام مستشفى الصحه النفسيه وفيه حديقة الملك فيصل اعتقد في طريق الحويه او القيم
بلنسبه للاسواق عندك البرج قلب الطائف فيه كل شئ فندق خمس نجوم ومطاعم واماكن ترفيهيه وسوق متكامل ماركات وغيروه وفيه فرع لبنده
وعندك سوق الطائف الدولي كمان فيه محلات حلوه وماركات ,وشارع شهار (شارع التحليه حق الطائف) متوفر فيه مطاعم واسواق
سوق الطائف القديم الي هوه برحة القزاز مازال محافظ على شعبيته ومتوفر فيه العطارين والخياطين زمان اهل الطائف مايعرفون الا هوه
فيه كمان سوق العنقري برضوه يعتبر شعبي نوعا ما
نجي للمطاعم :الروشه في شهار بلنسبه لي التوب في الطائف وفيه الكببجي والرمانه في شهار برضوه
حلويات عندك مذاق الملكه والحياة وسابليه وبيروت وشوكلاته علشانك تحبينها شوكولاين وباتشي في شهار
هذا الي جاء على بالي الحين اذا فيه شئ بتسالين عنه اسالي والحساب يجمع موانا مرشده سياحيه وبعد انتهاء الرحله نتحاسب..........هههههههههه

زوزو وينك ياعمري اكيد تعبانه من العمره والمشوار
ارتاحي وبعدين طلي علينا