مشكوره اختي زمززم علي سؤالك الله لايخليني منك ولامن اخواتي المتفانيات

غاليتي الله يهدينا جميعا الحمدلله علىسلامة عمتك
الحمدلله على سلامة فجوره الله يرجعها بيتها سالمه
الله يبشرك بالجنه يازوزو مثلما بشرتينا عن فجوره
والف شكر على مجهوداتك الرائعه في السؤال عن الجميع ومتابعتك المستمره

هلاوالله وغلا (((زمزززم-نسيم)))
لاشكر على واجب وبالنسبه لفجر عندها مشكله في المسالك البوليه وإحتباس البول عندها الحالب الايمن مسدود وسولها عمليه بالمنظار عبر مجرى البول بس متعبه شويه الله هونها عليها ويهون الباقي عليها يااارب

بالنسبه لاسئلة الله يهدينا جميعا
جواب السؤال الاول
والله كلام غاليتنا زوزو عين العقل كل ولد حسب شخصيته مثلاًعندي ولد عصبي بس يحب الخرجات والعزايم ومحبوب من الجميع واصحابه كثير يبغى له وحده زي مايقول هوه جميله ورشيقه وماهره في الطبخ واستقبال الضيوف والثاني وسط مو عصبي كثير بس يحب الجمال مع الذكاء فقلي عن عائلة واحد من اصحابه يقول ان عائلته كلهم اذكياء ماشاء الله دكاتره ومهندسين فذهبت اليهم وجدتهم ناس اخلاقهم رائعه والام عسل قلت لولدي اناشفتها بس الراي لك وشافها وعجبته وتيسرت اموره في كل شي الله يرضى عليهم والبنت بعد الملكه اصبحت مثل بنتي الله يسعدها
اما الاوسط فهو طيب وفرفوش الله يسعده اختار بنت عمه من صغره وكان بيننا كلام من زمان وتم الموضوع
الان والملكه بعد العيدان شاء الله فكل واحد حسب اختياره هو وليس انا الله يوفقهم

اما جواب السؤال الثاني عن كيف اكسب ود ام زوجي الله يرحمها ماتت من مده قصيره جدا
صراحه امي من يوم تزوجت قالت لي هذي عمتك تعبت قبلك وربت في زمن صعب انتي الخارجه وهي الداخله انتبهي
والله اني كنت اعاملها احسن معاملهزي امي بالضبط لكنها لم ترضى عني سنيين طويله حاولت وحاولت واستمريت ولا زعلت ولاعمري شكيت الا لربي ان الله يهديها لان ولدها كان شايف وعارف كل شي بس هذي امه حتى بناتها كانوا يقولون هي لما تجي عندنا تقول انا ماارتاح الا عند زمزززم بس قدامي تسوي الهوايل الله يرحمها ويسامحها وبعد فتره تعبت كثير واصبحت تقول جيبوا لي زمززم ولاتأكل ولاتشرب الا من يدي حتى الحمام الله يعزكم تقول مايدخل معايه الا انتي وكنت فر حانه بذلك ان ربي ارضاها عني بعد هذي السنين وحتى بناتها يقولون اخيرا ياامي اقتنعتي بزمزم كانت عند بنتها الكبيره ومرضت بنتها واخذتها عندي وكنت انام عندها تحت سريرها والله اني كنت فرحانه ان ربي يسر لي عمل الخير والله اني لما اقوم في الليل اطالع فيه والبسهها تأخذ يدي وتبوسها الله يرحمها صراحه كنت احس بنشاط
غريب في جسمي مع انها ماكانت تنام في الليل وفي النهار تنام والزوار ماينقطعون عنها بناتها واحفادها في اي وقت وماتت عندي وعلى يديني قبلتها للقبله وناديت ولدها وماهي الا ثواني وطلعت روحها بكل سهوله الله يرحمها كانت صايمه قايمه ورحت معاها المغسله وعندما بدات تغسلها المغسله قالت ماشاء الله نظيفه ولاتحتاج الا لغسيل عادي لاني كنت قبلها باليله حنيت شعرها ويدينها وقلمت اظافرها وفي الصباح حممتها وغيرت ملابسهاوعطرتها وفطرتها وكذلك تغدت وانتقلت الى رحمة الله وانا اشكر الله اني قمت بواجبي معهاورضيت عني اخيرا رحمها الله رحمة واسعه ماتت وهي في عمر المئه تقريباوبس طولت عليكم اعذروني

ماشاء الله ماشاء الله عليك يازمززم الله لايحرمك الاجر وفيتي وكفيتي الله يصلح لك نيتك وذريتك ياااااااااااااااااااااااااااااااااااااارب لاتخافي الله يسخر لك
حريم عيالك ويقر عينك بسلامتهم جميعايااااااااااااااااااااااااااااااااااااااارب