الحمد لله على سلامة كل حاجه

والحمد لله رجعنا من الحج يوم الجمعه بعد العشاء وكانت حجه ولا اروع ولا أسهل لا تعب فيها ولا شيء يكدر الخاطر

كانت حملتنا وفود الحرمين من الطايف بصراحه ما قصروا بكل شيء الأكل الشرب النظافه كل شيء متوفر وبزيادة

حركنا من الطايف يوم السبت بعد ما صلينا العشا بالباصات كانت مجموعه كبييييره بس إللي أخرنا التفتيش بعد الميقات جلسنا من الساعه تسعه ونص إلى الساعه وحده وربع زحمه فضيييييييييييييعه

ورحنا على الحرم وصلينا الفجر وبعدين طفنا طواف القدوم وسعي الحج وعلى الساعه تسع الصباح وصلنا المخيم ما شاء الله عليهم كل شيء بترتيب وكل شيء متوفر

وثاني يوم فالصباح حركنا على عرفات وكان مخيم متكااااامل ما ينقصه شيء الله يجزاهم كل خير وسمعنا الخطبه وجلسنا إلى بعد ما غربت الشمس ورحنا على مزدلفه بكل سهووووله وما كان فيه مخيم فرشولنا بالأرض وأعطونا وجبات وفرشات للنوم ونمنا فيها قليييل إتباع للسنه وباقي الوقت جلسنا نذكر الله ونقرا قرآن

وبعد صلاة الفجر رحنا على منى ورمينا العقبه الكبرى وكانت الجمرات مرررررررره قريييييييييييبه من المخيم بس خطوات ونوصل للجمرات بدون أي تعب والحمد لله وبعدين رجعنا على المخيم وأحلينا الإحرام ولبسنا وكانو مسوين بعض أجواء للعيد من أكلات للفطور وهدايا وندوات

وفيه بعضهم تعجل على يوم الخميس وأغلبهم تعبو وعانو من المطر والزحام أما حنا ما إتعجلنا بما إنها أول حجه أبغاها كاااامله بكل أيامها... والمطر كان رووووووووووووووووعه إحساس راااااااااااااااائع والبنات إللي معانا كانو ما شاء الله عليهم مثل الأخوات والمشرفات عليها قمة الأخلاق والوجه البشوش والخادمات يخدموك أربع وعشرين ساعه

طولت عليكم بس كان ذا إختصار لأروع ستة أيام عشتها بحياتي وفيه باااااقي يااااااكثره

وللملاحظات إللي لاحظتها راح أكتب عنها مره ثانه ولي عوده بإذن الله

الحمد لله حجينا الله يتقبل منا ومنكم صالح الاعمال

آميييييييييييييييييين الله يجزاك خير وييسر لك الحج

الحمد لله اللي يسر لنا حجناا هذا العام

6 ايام مرت علي افضل ايام عمري .. نسيت فيها الاهل والولد والعيد وفرحته معهم ....
حسيت بشعور غريب اني قريبه من الله بالدعاء والذكر......... رجعت لبيتي في ضيق مايعلم فيه الا الله ...

يارب تتقبل مني ومن كل حاج .... ولاتحرمناا القرب منك يارب .. اللهم ارزقني بحجة في الاعوام القادمه

غير الحمله اللي معنااااااااا لو اتكلم ماراح اوفيهم حقهم ... يكفي الداعيات اللي نبهوني على اشياء والله ثم والله كنت غافله عنهااااااااا
الله يجزاهم عنا الف خير يارب ... وتيسر لهم امورهم ...

اللهم اجعلني من حفظت كتابك الكريم ......

السلام عليكم عودا حميدا باذن الله

تقبل الله منا ومنكم صالح الاعمال . بالنسبة لي فرحة عظيمة لاني اول مرة احج والله مناسك الحج لاتوصف تنسي اولادك ومشاكلك

وهمومك وتنشغلي بذكر الله وصلنا الحرم صباحا يوم السابع وبعدنا ذهبنا الى المخيم بمنى مكثنى حلق ذكر الله يجزي خير الاخوات

الله يوجرهم يارب ليلة التاسع من ذي الحجة توجهنا الى عرفة ويالها من مشاعر الله يتقبل منا وللمسلمين جميعا ومنها الى مزدلفة

ويوم العيد رمي العقبة الكبرى والتقصير والهدي وطواف الافاظة وبعدها المكوث بالخيم مع الرمي الجمرات ثلاث ايام متتالية

والحمد لله الامور متيسرة الا المشي مرة تعبنا لان مخيمنا بعيد وشدة الزحام لكن الحمد لله على اجر ان شاء الله

ويوم الجمعة طفنا طواف الوداع ونسال الله القبول والغفران امين

شكرا موصول لصاحبة الموضوع جزاك الله الجنة ذكريات حلوة ايام الحج لاتنسى