أنا أحلى أمنية لي تحققت وهي إني أحج السنه هذه الحمدلله كما ينبغي لجلال وجهه وعظيم سلطانه أنا رحت بحملة الراجحي الخيرية بصراحة قمة الروعه الله يجزاهم كل خير لي عودة إن شاء الله

رفع

أنا دخلت بجمعيه حتى أقدر أحج وزوجي عليه ديون وسجل بحملة الراجحي من شهر 8 ولما كنت أقرأ بالنت عن حملة الراجحي إنه زحمه وعدد الحجاج عشرة اللآف سبحان الله رحت أنا وزوجي حملة البيان ويوم سألت عن سعر الحمله للشخص 3800 وفرحت قلت قادره على المبلغ وبعد أسبوع اتصلت خلاص بأحجز قال لي فووول يعني مكتفيين نزلت دموعي وقلت خلاص مالي إلا حملة الراجحي قلت أهم شيء إني أحج وطلعنا يوم الخميس العصر وبعد صلاة العشاء تعشينا في أحد المطاعم عل حسساب الحملة وصلنا الميقات وأحرمنا وصلنا مكه بداية العصر وطفنا وسعينا ورجعنا للباصات ورحنا على منى ويوم دخلت حيوا فينا ودخلت المخيم كان استقبالهم روعه ولكن انصدمت المخيم كبير والأعداد هائلة شوي ببكي واتذكرت اني بنعمة وحمدت الله إني بحج وسكتت وفرشت فرشتي ونمت وقبل الفجر يفتح المايك من عند الرجال يصحي لصلاة الليل قبل الفجر بنصف ساعه وصحينا وبعدها صلاة الفجر والساعة 7 الكل يصحى لوجبة الفطور ( بيض مسلوق - زيتون - عدس جبنه - مربى - حلاوة طحنيه وشاي وقهوه ونسكافيه ) والساعة 9 ونصف حلقة تحفيظ قرآن الحمد لله حفظت سورة السجده والساعة 11 محاضره وبعدها نصلي الظهر ونتغدا الغدا ( رز ودجاج لبن زبادي وفواكه ) وبعد الظهر محاضره وبعها نصلي العصر ومحاضرة ونصلي المغرب وحلقة ذكر وهكذا تتخلها اعما ل اليوم يعني الداعيه تقول لك في هذا اليوم ايش الأعمال إلي تسويها يعني شلون تصلي الصلوات في منى صلاة الظهر والعصر والعشاء واليوم الثامن من االعشاء استعدينا للذهاب لعرفات وأعطونا من عندهم أكياس مثل الشنطة تحطي أغراضك فيها وطلعنا طبعا قبلها معطينا محاضرة عن يوم عرفه وفضله ويوم ركبنا الباصات وصلنا لعرفات نمنا كان فيه فرش ومكيفات وصلينا الظهر والعصر قصرا وجمعا وسمعنا الخطبه من مسجد نمره وبعدها جاء عند الرجال الشيخ إبراهيم الدويش وخطب فينا محاظرة الكل بكى فيها يوم رائع ما اعظمه من يوم وبعدها جاء الغدا والله ماشاء الله الداعيات والقائمين على خدمة الحجاج من عائلة الراجحي قمة الأدب والاخلاق والتعامل والله لو بفلوس يمكن ماتحصلين هذه الخدمه ماشاء الله وبعدها الكل منزوي لوحده يدعوا الله سبحانه وتعالى وبعدها خرجنا لمزدلفه وأخذنا فرشنا معانا ويوم جينا مزدلفه فرشنا وجلسنا وقدموا لنا وجبة العشاء بكرتون من مويه وعصير وبسكوت وجمعنا سبع جمرات من مزدلفه ورجعنا الساعه الواحده فجرا لمنى ورحنا نرمي جمرة العقبة واليوم الثاني رمينا والله ماحسيت بطول المسافه سبحان الله مع روعة نزول الامطار وصوت الرعد كان فيه حفل في العيد ومسابقات ثقافيه ودينيه وهدايا وأناشيد بصراحه أحمد الله الي كتب لي حجه في حملة الراجحي هذا بالإضافة إنهم وزعوا أذكار ومصاحف وتفسير للقرآن كانت وصية الداعيات لنا متابعة إذاعة القرآن الكريم وقناة الرحمه والمجد وتجديد التوبه وغسل القلب وحفظ اللسان من الغيبه والنميمه والله يتقبل منا ومنكم ويثبتنا على طاعته ويرزق من تتمنى الحج آمين

الحمدلله على سلامتكم

حج مبرور ، وسعي مشكوور


يارب انا السنة الجاية ،، الله يكتب لي حجة السنة القادمة

قرة عيوني

حمستيني للحج مع هالحملة ، ماشاءالله عشت جو معك ،

كم الأسعار الله يرضى عليك ؟