بنوتات اسمعوني كويس نصيحه
انا دايم اقول ابي مكياج خفيف مابي مكياج والوان وخرابيط المهم حضرت زواج بالعيد لوحده من قريباتي المهم حاطه خفيف طبعا لما دخلت اسلم عليها بالغرفه انصدمت ماكانها حاطه شي وربي كانها نفسها البنت اللي تنطط معنا بلاستراحه ماكانها عروس انا سكت
ولما انزفت مع لاضاءه كانت باهته جدا والكل مستغرب مالها طلت عروس ابدا
طبعا مسويه مكياج نانسي عجرم احسه حق اطفال مو حق عروس طبعا البنت حلووووووه ماشالله وبيضا ويوم زواجها للاسف طلعت عاديه واقل من عاديه وربي انقهرت عليها لان ماعندها اخوات ونصحوها صديقاتها بالمكياج الخفيف
وامس كنا بزوارتها ماره كانت ندمانه وتقول حتى بالصور مابين مكياجي وحتى المصوره شطوره معدله فتوشوب عليها بس عشان يبين ومع هذا طالع يفشل
وزوجها بالفندق تخيلو قالها ليه ماتزينتي لي زي يوم الملكه !!!
لان يابنات مع الخوف والتوتر المكياج يسيح
ونفس الكوفيره مسويه لامها ولخالاتها وربي انهم هم كانهم العرايس وطالعين يجننون وتقول انا اصريت عليها الا مكياج خفيف
تقول عوضتها بحفلة الصباحيه ورحت مشغل وسويت مكياج لبناني برزت ملامحي والكل قالها اليوم احلى من امس <<< تحطيم
فنصيحه لاتاخذون بشور احد ابدا
وركزي انو لازم تكون طلتك غييييييير لانك ملكة الحفل مايكون مكياجك نفسه وانتي حاضره زواج عادي
وانا ماقولكم حطو الوان وخرابيط بالعكس كثرة المكياج تبشع البنت وتعدم ملامحها بس الوسط حلو وحطي ببالك انو فيه تصوير وفيه زفه وفيه اضاءه اعملي حساب هالشي
يعني انا مثلا احب المكياج الناعم بس مستحيل استغني عن الكحل لاسود داخل العين
روحي قبل زواجك واعملي بروفا وسوي نص الوجه مكياج خفيف والنص مكياج متوسط وشوفي الطله اللي بتعجبك
المكياج الفرنسي حلو بس للاسف مايناسب عروس الا اذا كانت ماتبي تنزف او زوجها بالبيت ومختصر
عندي صور حلوه لمكياج العروس لكن ماعرف انزلها من لايباد على المنتدى
انا خربطت بالكلام ادري بس لاني كنت زيكم والحمدالله قاعده اتعلم من الزواجات لاني سابقا ماكنت احضر زواجات ابدا
بنوتات اسمعوني كويس نصيحه
انا دايم اقول ابي مكياج خفيف مابي مكياج والوان وخرابيط المهم حضرت...
ربي يوفقكم وييسر الامور ويسهلها علي وعليكم
بنات جدة ابغا محل لــ الاكسسورات تكون فخمه للملكــــــــــــه