انا مثلك يازهره اللوتس انصدمت في وحده تقربلي مره في اخر حمل لي تبي تعرف كل شي وتقول اوه شكلك واضح بتجيبين بنت واذا ابتسمت خفيف قالت ايه شكله ولد طبعا ماعطيتها جووواب قالت علميني وتترجاني كل ماشافتني بعدين وضح من كلامي انه ولد قالت كنت حاسه سبحان الله
وكانت تقولي اذا ولد مايحتاج هديه واذا بنت ابشري !!!
قلت لها الله الغني مو محتاج لهديه بعدين قالت شفيك امزح معك قلت حتى انا امزح
حتى مره قالت لي وحده اذا ولد عادي حطيه قدام المكيف واذا بنت لا ابعدي المكيف عنها وش هالاسلوب الجاف سكت ماتكلمت لانها حرمه كبيره
ووواحد من اقاربي قال انا مابي يجيني اولاد ابي بنات بس وبنتين بعد بس مابي كثير قلتله بنت وولد حلو قال لا مابي اولاد مافيهم نفع ومالهم فايده قلت ليش انت مافيك نفع لاهلك قام سكت وتلعثم وغير السالفه مليون بالميه
وقبل كل شي هذا رزق غيرنا يتمنى ضنا يحضنه
الحمدلله ياااارب على كل نعمه انعمتنا اياها
سامحوني طولت بس قلت بقول الي بخاطري ذكرتوني بهالمواقف
انا مثلك يازهره اللوتس انصدمت في وحده تقربلي مره في اخر حمل لي تبي تعرف كل شي وتقول اوه شكلك واضح...
استودعكم الله 🌹