بنات وش التحاليل اللي لازم نسويها بالشهور الاول
والعمليه الثالثه ان شاء الله تكون باول التاسع ولا كيف
افيدنا يا الجليله

سلام ياحلوات
انا جديده في الموضوع
وحبيت الجمعه هنا مرررررره
وان شاء الله استفيد منكم واقدر افيدكم





اول شي انا حامل في الشهر الخامس وان شاء الله تكون ولادتي قيصري لان ولاداتي اللي قبل ( مرتين ) قيصري
طبعا كل ولاده لها ظروف خاصة بيها , مو عشان الحوض صغير

تاني شي ما اعرف شي عن تخدير القصدره وماعمري سمعت عنه , ايش فايدته؟
تالت شي انا اخااااااااااااف من التخدير النصفي مرررررره , خليني نايمه طول العمليه احسن ^_^
رابع شي اخت (ذكرى) مافي تحاليل معينه بس ممكن الدكتوره تطلب تحليل دم عشان تعرف نسبة الحديد والكالسيوم بس , وعلى موعد الولاده لازم تكون بداية التاسع مايخلوكي تدخلي فيه كتير




ويارب يعطي كل حامل ساعة السلامه
والذريه الصالحه
:26:

السلام عليكم صبايا ...


الله يسهل على كل وحده فينا يارب ويكتب لها الخير وين ماكان ~

بالنسبه لي ولدت اربع مرات طبيعي والخامس ولاده قيصريه ,, الحين انا حامل وببداية الخامس ~

ابي اسالكم هل ولادتي الجايه ممكن تكون طبيعي او قيصري ؟

انا ودي تكون قيصري افتك من الم الطلق وش رايكم تنصحوني بالعمليه ؟

متردده من هالموضوع كثير ..

وانا مع البنات انو التنويم النصفي يخوووووووف ,, ماأتخيل نفسي بطني مشقوق وانا اطالع واسمع خصوصا اني افهم انجليزي ,,

احسها صعبه مرررره ..

عمليتي كانت كبس تقريبا قبل 8 اشهر بس .. وماكان فيه اي مضاعفات الا الم بالصدر ناحية القلب مدري وش منه .. هل احد صار له هالشئ ؟

ادري ثقلت بالاسئله .. بس لاني توني ظازه بهالموضوع ..

واعتبروني وحده منكم وفيكم من اليوم ورايح ..

على فكره انا صارفة لي الدكتورة حبوب كالسيوم وحمض الفوليك وجواسبرين (( اسبرين الاطفال)) وحبوب فيتامينات اسمها ماتيرنال ..

الفيتامينات هذي جدا ممتازه .. كل وحده تسال دكتورتها اذا تقدر تاخذها او لا لانها جد مغذيه وتغني عن حبوب الحديد ..

وهذا شكل الفيتامينات ..

التاجره الصغيره .. الله يسهل لك ان شاء الله ..
ام الاشبال السته .. انا اشوفها حلوه مع انهم سبوها لي بكثره وخوفوني.. بس كم دكتوره قالو لي الحكومي احسن
بالقيصريه وتوكلت على الله .. الله يسهل لك ان شاء الله ..
الجليله .. عمليتي كبس واللي معي بالغرفه كلهم كبس مدري عن الغراء والليزر .. بس الدكتوره قالت لي
الكبس ظاهري علشان الجرح يتماسك والا الجرح مسكر يمكن ليزر او غراء ومعه كبس مدري .. الله يسهل أمرك
ان شاء الله ..
أم هاشم ..الله يسلمك ويخليك ..والنصفي كثير ما اقتنعو فيه .. كل قريباتي اللي مجربين قيصري قالو لي
منتي صاحيه وشكلك سكرانه وقتها مع انهم خبرة قيصريات .. الله يسهل أمرك ان شاء الله ..
R.S.A .. ههههه كلنا خوافين .. انا اكبر خوافه بالعالم .. يوم يدخلوني بالغرفه كنهم شابكيني بخط 220
ويضحكون يقولون خايفه اقولهم لا برد .. وهو صدق برد مووت مع خووف هههههه .. الله يسهل امرك الى التاسع
قلبيها براسك .

وكل وحده ابخص بنفسها نصفي والا كامل كله يهون عند القصدره :icon33:

الله يسهل عليييكم .. مع السلامه ..