السلام عليكم ورحمة الله وبركاته
كيف حالكم اخواتي في الله
انا صار لي فتره طويله مادخلت قسم الحمل والولاده صج مشتاقه لكم كثير بس مع هذا متابعتكم من بعيد الله يوفقكم في الدنيا والاخره ويرزقني ويرزقكم ويرزق كل وحده محرومهبالذريه الصالحه ويعوضني ربي كل خير
بدخل بالموضوع علي طول
انا صار لي 19سنه متزوجة من ولد عمي قصتنا حلوه فيها من الاحداث الي قربتني من الله اكثر واكثر لما عرفت ان زوجي وحبيبي عقيم ولااعلم ماهي الخيره اللي اختارها ربي لي سبحانه وتعالي اذا قال لشئي كن فيكون ولكن حاسنه الظن بالله انه راح يعوضني خير ان شاءالله عاجل
اول سنه
من زواجي مثل اي فتاه صغيره واكرر صغيره بكل شيئ علي البركه والعفويه عشت حياتي طبيعي من الوناسه والدلع ولازم تحوشنا اكيد مشاكل بداية الزواج بس سبحانه مشي المركب
بعد السنه
بديت اسمع ماحملتي بس ماشاءالله علي من يومي كنت اقول الله يكتب الي في الخيره
فقال زوجي لازم نحلل اول ماطري علي بالي انه انا الي فيني شئي فقلت لازم حبيبي تو الناس تري قال لازم نشوف ونرتاح المهم مع الوقت والتحليل والضغط النفسي من حوالي والنظرات يارب تعوضني خير وسبحان الله كنت خايفه لدرجه ماتتصورونها مع الوقت طلعت نتيجيتي موجوبه سليمه واستانس حبيبي لاتزعلون مني اخواتي في الله اني اقول حبيبي لانه فعلا هوحبيبي وكل شئي في هذي الدنيا الله يكفينا شرها يارب
المهم جاء دور ه بالتحاليل ومع الوقت طلعت النتيجه
الحمدالله من قبل ومن بعد
الحمدالله في السراء والضراء
الحمدالله في السر والعلانيه
طلع عقيم يارب صبرااااااا جميل والله المستعان
كانت ليله ولا كل الليالي عندي انا غير كانت صعبه بس عجبني وكبر بعيني قال ورقتج يابنت عمي ياحبيبتي جاهزه انا عقيم صفر حيونات منويه مافيه امل بس قلتله الامل بالله كبيروماارف اشلون سبحان الله قررت علي طول ومن بعد فتره استخرت قررت اني اقعد عنده واشنتريه بكل اموال الدنيا وقلتها له انا شريتك وقعدت ولا ندمانه ان شاءالله
بعد مرور خمس سنين
رحنا رحلة علاج الي لندن ونفس الكلام الي قالوه لنا في الكويت مالكم علاج وامل بس انا املي بالله كبير وكبير وكبير
وبعد مرور عشر سنين
امدحوا لنا الاردن وراح بروحه ونفس الكلام عقيم
وبعد اكثر من عشر سنين
رحلتنا مع الاعشاب لي قريب والحمدلله علي كل شئ نفس الشئ التحاليل صفر
طبعا نسيت اقول اهلي يحاتوني ومالومهم الصراحه كلموني واضغطوووا علي اقول انا ابيه لاتحاولون والله مالومهم واخواني لايغرج صغرج عاطفتج قلت عارفه كل شئي والتنازل عن الامومه شئي صعب بس انا استخرت والله يعوضني كل خير
حبيت افضفض شوي ونساعد بعض في دواء اوعلاج ودكتور واودعوه حلوه منكم وان تدعون لي ان الله يشفيني ويشفي كل مريض
ملاحظه اذا في تجمع ثاني ماعندي خبر عنه سووووا دمج للموضوع ماعندي مشكله ا
احبكم في الله
بنت النشاما @bnt_alnshama
عضوة فعالة
يلزم عليك تسجيل الدخول أولًا لكتابة تعليق.
بنت النشاما
•
الله يعوضج خير حبيبتي ويرزقج الله الذريه الطيبه عاجل وليس اجل اوصي نفسي واوصيج بالاستغفار
الله يرزقكم ويعوض صبركم وكل شي ربي كاتبه خيره لك وله الحمد لله من قبل ومن بعدالله يرزقكم ويعوض صبركم وكل شي ربي كاتبه خيره لك وله الحمد لله من قبل ومن بعد
الله يجزاج كل خير حبيتي وينولج الي بالج يارب
worda
•
ياقلبي خلي زوجك يجرب زراعه الخلايا الجذعيه بالاردن وان شاءالله بيستفيد
اهم شي التوكل على الله وحده الذي لا اله الا هو
اهم شي التوكل على الله وحده الذي لا اله الا هو
worda :
ياقلبي خلي زوجك يجرب زراعه الخلايا الجذعيه بالاردن وان شاءالله بيستفيد اهم شي التوكل على الله وحده الذي لا اله الا هوياقلبي خلي زوجك يجرب زراعه الخلايا الجذعيه بالاردن وان شاءالله بيستفيد اهم شي التوكل على الله...
الله يجزاج كل خير يااااارب زوجي راح عند الدكتور الكيلاني الي بالاردن واخذ من الخصيه فماطلع شيئ عقم ممكن توضحين اكثر شنووو الخلاليا الجذعيه واكوووون شاكره لج
الصفحة الأخيرة