انتظري شوي على العمليه نصيحه
جربي القسط الهندي وحده بوحده وبتدعييين لي باْذن الله

ماشاءالله أسلوبك جميييل
وزوجي الحمدلله طبيعي بس الحركه شوي نازله لكن بحدود الطبيعي


باْذن الله برتب لي جدول حق ثلاث شهور ببيتي وبيني وبي ربي سبحانه
ماوراء المستشفيات الا التعب والالم النفسي

قصتي طويله لي خمس طعشر سنه متزوجه وماحملت طبعا انا زوجي عنده ولد من قبل من طليقته وكنت اول ماتزوجت مااهتميت بالحمل وبعد ماجلست اربع سنين رحت الدكتوره وكشفت قالت كل شي تمام بس عندك ضعف وعطتني كلوميد وقالت روحي ورحت ولا صار حمل وبعدها جلست فتره مريت بظروف صعبه مادياً ونفسياً وصارت لي بعض المشاكل ورحت لشقه جديده وتغيرت نفسيتي وجتني جدة زوجي وأخو زوجي وجابت معها عشبت المدينه قالت خذي منها واخذتها وبعدها بكم سنه وماحملت رحت لدكتور في الرياض وعطاني إبر وابره تفجيريه ولا صار حمل يقول فيك ضعف وماحملت ورحت لدكتوره هنديه في الرياض وأخذت علاجات وسويت تحاليل وأشعة صبغه وتنشيط وابره تفجيريه ولا فاد رحت لمصريه وسوت لي علاج نزل التكيس وسؤالي حقن مجهري حملت ونزل الاسبوع الثالث من الحمل كان حمل ضعيف نقلت السكن ورحت لدكتوره شاطره في مستوصف في المدينه الي يشتغل فيها زوجي وقتها تغيرت ظروفنا وصرنا احسن مادياً وقالت فيها تكيس وعطتني كلوميد وابره تفجيريه ولا صار حمل تركتها فتره ورحت بعدها رحت لدكتوره في الاْردن والسبب جاني نزيف ويوم رحت فدكتوره حولتني على دكتور العقم مااعرف اسمه لأكن زوجي استخار وماارتاح استخرت وماارتحت وجلست الين رجعنا للرياض وعشان عمتي اخت ابوي دكتوره بالحرس الوطني خلتني اروح للعيادات الخارجيه وبعدها الدكتوره قالت معك تكيس نزلي وزنك وعطتني كلوفاج لمدة سته شهور وحولتني على المستشفى الكبير ورحت انا وأختي وركض من غرفه لغرفه عشان الموافقه ورحت قالو تعالي على الموعد وكان وقت الموعد وفت ما سافرت ورجعت لرياض وقتها رحت للممرخه ألعبت علينا وكلت فلوسي على الفاضي وكذبت وخونتني اني ماعطيتها كل حسابها وانا معطيتها وأكثر بعد من حسابها وعيني وعينك تدعي علي تقول جعلك ماتفرحين بحملك قلت لأختي امشي وان قلتولي روحي للممرخه ماتلومون الا انفسكم بلا خزعبلات لان وقتها تقول فيك ضعف بالتبويض وقرينه رحت بعدها لمركز ذريه ودخلت على الدكتور حمد الصفيان معروف طبعا قال فيك بويضات بس كثيره مره وعندك زحمه وهاذا سبب التكيس بنات ماادري وش فيني من ادخل المركز احس بضيقه وبعطيك شي ينزل الدوره بعد العلاج نزلت الدوره وكل دوره نغير خطة العلاج اخر شي أخذت منشط وجاني فرط وخلاه للشهر الي بعده وزوجي كان يجي للرياض ويرجع لمكان شغله اخر شي سوى تنشيط وسحب مني البويضات كان عددها كثير بعدها كلموني عشان الترجيع ورحت ورجعولي البويضات لأكن مااتذكر العدد بالضبط ورجعت البيت وجلست تقريباً خمس طعشر يوم وحللت وكانت المفاجئة مافيه حمل العمليه فشلت وكنا وقتها في عيد الضحيه بكيت وبكو اهلي معي وبعد سنتين نقل زوجي لرياض وفكرت اكمل الدراسه وبالفعل رحت وكملت منازل أخذت ثاني وثالث ثنوي منازل تعرفت على بنات زي العسل وكونت لي صداقات وبعد ماخلصت قلت بكمل جامعه اول سنه زوجي جته دوره في الاْردن ورحت معاه لمدة اربع شهور ورجعت لرياض قلت بقدم الترم الثاني مافيه تسجيل السنه هاذي قدمت لأكن ماقبلت وقلت جعل في امر التأخير خيره وفي يوم جلست على المنتدى في رمضان اقرأ المواضيع الااسمع عن الدكتور بندر العبد الكريم في الحبيب الريان كلمت زوجي واستشرته قال خلاص خذي موعد كلمت قالت بعد رمضان دونت الموعد وكنت انتظر هاليوم ووقتها قلت فرصه أقوي صلتي بالله وألح بالدعاء واصلي التراويح وفي كل سجده أكرر ربي لاتذرني فردا وانت خير الوارثين اما مركز ذريه نسيته خلاص استنزاف فلوس وبس وجاء الموعد واستبشرت خير رحت انا وزوجي وأول شي سمع كل شي مننا انا وزوجي كامل السالفة قال هاذا تحليل سويه ورحت سويت التحليل وجددت الموعد بعد ماجاء الموعد قال الدكتور بقولك شي وجاب ورقه عليها رسمت رحم وشرح لي مشكلتي الي هي التكيس وقال تحتاجين عملية منظار بسيطه وشرح لنا العمليه وقال اقري بالنت عن التكيس المتعدد وعن عملية تثقيب المبيض وروحي استخيري وارجعي لي رحت واستخرت وارتحت ورجعت مع اختي وشرح لها ثانيه وعطاني موعد العمليه ورحت للمستشفى مع اختي زوجي كان مسافر مع العمل برا السعوديه ولاتتوقعون قبل العمليه كنت خايفه اول مره بينفتح بطني ودخلنا الغرفه وغيرت الملابس وجلست شوي بعد مااخذو المعلومات والضغط والوزن وجاء دكتور التخدير وتأكد ان مافيه ضغط ولا سكر وكنت قبل العمليه بيوم رايحه ومقابله دكتور التخدير ومعطيته كل المعلومات خذوني لغرفه فيها ستاره وبعدها جاء الدكتور وتطمن علي وراح بعدها شالوني لغرفة العمليات وكنت طول الطريق اقرأ المعوذات واستغفر وبعد مادخلوني العمليات جاء دكتور التخدير وبعد ماحط الابره نمت صحيت في غرفة الافاقه واصحى وارجع أنوم يوم صحيت ودتني الغرفه كانت اختي فيه وقالت فيه قصدره نمت وصحيت على دخلت بنات اختي واخت زوجي وجلسو عندي الين العشاء وراحو جلست عندي بنت اختي من حظي صار عندها دوام الظهر وأختي راحت بيتها ونمت وقمت الظهر وأخذت التعليمات من المنسقه وفكو القصدره ورحت للبيت رحت عن الوالده وعند اختي الين رجع زوجي من السفر وخذني ورحت لبيتنا هالعملية محد يعرف عنها الا انا وزوجي وأهلي واخت زوجي ولا علاجي كله وأخذت موعد بعد العمليه بعشر ايام وصرت اروح للمستوصف أغير للجروح مكان الجرح واحد تحت السره واثنين تحت مره في البطن واحد يمين واحد شمال ورحت الموعد والدكتور طمنا وقال ان العمليه نجحت وان المبيض استجاب وان الانابيب الحمد الله مفتوحه طرت من الفرح بس لازم نبدء علاج عشان العمليه مدتها سته شهور ويمكن يرجع التكيس وجاء الاسبوع الي بعده وعطاني الدكتور ديفستون ينزل الدوره بس خلص أخذت موعد ثاني يوم الدوره وبعد الاشعه صار عندي سمك في البطانه وعطاني مانع حمل وقتها كنت الح بالدعاء اكثر وأكثر وفي كل سجده أكرر ربي لاتذرني فرداً وانت خير الوارثين وألح وألح بالدعاء وأقوم الليل كل يوم وشرفت الدوره اهتميت بنفسي أخذت كمون وقرفه وزنجبيل وادهن بزيت زيتون وزنجبيل مطحون رجولي تكرمون من تحت والبطن من تحت الهم رشاد ورحت ثالث يوم الدوره قال كل شي تمام وعطاني إبر وعددها خمس إبر بعدها ثنتين وكبرت البويضات وأخذت أبره عندهم وابره الساعه عشر تخيلو في المستوصف سنترت عندهم ساعه الين عشر بالضبط أخذت الابره وبعدها أخذت موعد للسحب وتم السحب قال الدكتور عشر بويضات وأخذت التعليمات من المنسقه وهي وكان فيه قائمة ممنوعات الببسي الشكولاته القهوه القرفه الزنجبيل التمر العسل الشاهي والقهوة البهارات الحاره وأي شي فيه كافيين مشيت على الممنوعات وكلمتني عشان الترجيع ورحت ورجعت بويضتين وكان الدكتور يقولي كرري معي اللهم اني استودعتك مافي رحمي فحفظه فأنت خير الحافظين وبعدها جلست ساعه وطلعت البيت بعد ماقالت لي المنسقه كل المسموحات والممنوعات والدواء جيت عند امي ارتحت ثلاث ايام على ظهري بعدها أتحرك حركه خفيفه وجاء اليوم التاسع من الترجيع قمت الصبح الا دم ووصخ خفت وحطيت التحاميل وكلت العلاج ومن بكره جاني شد في رجلي مااقدر امشي رحت المستوصف قالت مقدر اعطيها شي بعطيها إبر فيتامين ومغذي سبرين لمدة ثلاث ايام خفيت شوي ورجعت وكلمت منسقة الدكتور قالت عادي ويصير وحللي قلت لزوجي ماابي أحلل ورحت ثاني يوم المستوصف وبعد الابره والمغذي متخفيت صحيت ثالث يوم الم فظيع رحت لمستوصف عند بيتي قالت مقدر اعطيك شي بس ممكن اني اعطيك كريم أعشاب وخليها تسوي لك مساج الخدامه على مكان الالم وحللي عشان ترتاحين وقتها كنت اليوم الاثنعش وبقي لي اربع ايام على تحليل المستشفى وكنا يوم خميس جاء زوجي وقلتله الي صار قال خلاص بمر أخذ نتيجة التحليل وطلع وبعد شوي جو اخواتي اول ماجلسو دق زوجي قال اني رحت المستوصف وقالو تحمست قالو مبروك إنتي حامل انا ماصدقت الي اسمعه قلت معقوله قال والله بكره اجيب لك نتيجة التحليل بكيت من الفرحه وكنت مبسوطة وسجدت سجود الشكر وكنت أكرر الحمد الله الحمد الله كما ينبغي لوجهك وجلالك الكريم وتعالو شوفو الصياح بنات اختي واخواتي وامي دراما وكنت فرحانه وبعدها بأسبوع او اقل رحت للمستشفى وسويت تحليل حمل وكلمتهم قالت مبروك وسألتها عن النسبه كانت اعلى من اول مره تحليل وبعدها علمت أهل زوجي و رحت وشفت الكيس والجنين وبقي النبض ان شاء الله بعد أسبوعين اروح اشوف والله يفرحني بسماع نبضه وشوفته والله يرزق كل محرومه يارب بالحمل

،،،،،،،،،،،،انا حملت اول زواجي بعدها مرتين حملت بكيس فاضي وبعد 9سنوات من مولودي الاول ،،الحمدلله ربي أكرمني وجبت ابني الثاني ،،،،،رحت مستشفيات وكل شي سليم واخذ منشطات واتابع وأقيس البغيضه وكل شي كويس ،،لكن سبحان الله مايوصل حمل ،،،،، ورحت للمرخه قالت لي عندك كل شي سليم ،،اذا بتاخذين مقويات طبيعية لك ولزوجك افضل ،،،استخدمت بردقوش وناناس وما في موضوع عن الحمل في النت ما فتحته ماخليت شي ،،،، لكن ماحملت ،،،،تعبت المعده عندي حتى الماء يعورني فيها ،،،فجت لي ماء زمزم نيتي كانت لعلاج المعده لكن صرت ادعي بعدين مع كل شربه انه علاج وشفاء من كل مافي جسمي من داء وادعي للي بالذريه المصالحه ،،وكمان زوجي يشرب منه ،،،صار هو الماءالاساسي في البيت ،استخدمته 3شهور ثم رحنا مكه وجلسنا 3ايام بعدها بأسبوع عندي موعد أشعه لمعده ،،فسألتني الدكتوره عن الدوره قلت لها متاخره لها أسبوعين او اكثر مدي ناسيه لانها ماهي منتظمة قالت سوي تحليل اول شي قلت لها أمني حامل انا اعرف،قالت سوي يمكن وجهي عليك خير فوسيت التحليل ،،وطلعت حامل الحمدلله،فرحه مع قلق مع خوف انه يتكرركيس فاضي،،بحثت في النت ولقيت الأفضل ادق إبر مسئله للدم،،فعرضوها على دكتورتي قالت ماتحتاجي ،،لكن انا أصريتم وأبديت استخدمها بعلم الدكتوره ووصفتها لي وأطول حملي اشرب ماء زمزم ماتركته ،،وزياده اول 3شهور استخدمت اسبرين والإبر مع بعض ،بعدين تركت الاسبرين واستمريت على الإبر لبدايته الشهر الثامن وكنت اتابع بعدها كل أسبوع والحمدلله جبته وانا وهو بصحه وسلامه،،،،،،،،،،
اكثر ماكان يؤلمني هو ابني البكر لمن بد بيفهم في سن الروضة والمدرسة وكلام اللي حوالينا ،،،حتى لحى نجيب له شي يحسسونه انه مميز انه ماعنده اخوان ،،لمى يصل يسئل الشخص العاقل الأطفال وش اسماء اخوانكم كم عندكم من اخوان ،،ويبدء بالدور ولمى يصل لولدي يقول انت ماعندك اخوان ويكمل للي بعده ،،،،،حرقتها في قلبي للان ،،ليس انه ماعندي غير واحد ،،لا لان ابني تحسس ،،وخلو الموضوع كنه عقاب له ،،انت ماعندك اخوان كلمتهم له تجرح ،،،

حبيبة قلبي بنت الجنوب طمنينا