تجمع اللي عندهم مويات ورطوبة - افيدوني

السلام عليكم
اخواتي عارفة المواضيع كثيرة عن الخلطات اللي تهتم بهالمواضيع
لكن حبيت استفيد من تجارب الحريم اللي لهم تجربة بهالموضوع
اول شيء انا انضميت لكم لاني من كم يوم احس برطوبة مو طبيعية مع اني ماكنت كذا ولا حول ولا قوة الا بالله
ومن امس خلاص بدأت انه تنزل مني مويات :44:
مع العلم اني اهتم بنفسي جدا يعني ما أكل ممنوعات والبس ثقيل وماتحمم الايام الاولى من الدورة وطول الشهر ما اشرب بارد ونسيت شيء اسمه ملوخية وموز واشياء كثيرة كثيرة وكل شهر اخذ خلطات
يعني مثلا
هالشهر كنت مسوية خلطة عيون وليد
والشهر اللي قبله خلطة الفناجيل الخمس
والشهرين اللي قبلهم كنت اشرب عشبة المدينة
بس عندي مشاكل الدورة ماتنزل كويس مع اني ااخذ خلطات وايضا من شهرين صار يخرج مني هواء بسيط وجربت المر كتحاميل شرجية خفت مشكلة الهواء فترة قصيرة ورجعت

الحين ابي استفيد من اخواتي كيف عالجتم نفسكم خاصة إني اصلا مهتمة بنفسي وامتنع عن الممنوعات
والأهم انا خايفة من وقت الـ (..........) خايفة تنزل مويات كثيييرة زي ما يحصل مع بعض البنات مادري هل هم يبالغون واللا مجرد رطوبة بس تخرج وقت الـ (..)....ابي اخلي نفسي واثقة لما زوجي سألني <<أكيد بيسأل والله هذا اكثر شيء مخوفني للعلم باقي 10 ايام للدورة
ياليت تفيدوني ياللي تعانون من هالمشكلة بكل شيء تعرفونة
شو الاسباب اللي صارت لكم
وشكثر ظلت ظليتم تعانون من هالمشكلة قبل لا تتوصلون لعلاج
وكيف تعالجتم
مع العلم ان اخر ولادة لي كانت من سنتين وقيصري