مسا الخير ماميز
أشكر كل اللي ردوا ردوا علي بخصوص ولدي وأنا الحمدالله ما أستخدم له اي بودره أو صابون .. صابونه اللي استخدمه موستيلا وهو طبي و وقفته بعد و مازالت الحساسيه تطلع له بس الحمدالله أقل من قبل ..
الدكتوره يوم التطعيم قالت انه بعض الاطفال يستوي لهم تحسس ويروح من نفسه مع الوقت .. وبنصبر ...
ولدي ربي يحفظه عمره شهرين ..
استغربت انه أكثركم تعطون عيالكم صناعي !!! لييييييييييش ...؟؟؟؟
أولا الرضاعه الطبيعيه حق من حقوق الطفل و رزقه من رب العالمين ولولا فوايده العظيمه للطفل و للأم كان ما شفنا كل الدول العربيه والأجنبيه تشجع على الرضاعه الطبيعيه من أول ساعه ينولد فيها الطفل ..
و الخلط بين الطبيعي والصناعي طبيعي بيسبب توعك بأمعاء الطفل و بيسبب له غازات ومغص أكثر .. ومسكين معدته مب مهيأه لهالشي يكفيه حليب أمه حتى الماي ما يحتاجه في أول شهوره كحد أدنى أربع شهور ..
بعد ما يكمل سنه ع الاقل عطوه صناعي أو حليب طازج مثل المراعي أفيد له من البودره .. والله من كثر الغش الحين الواحد يخاف من الاشياء المصنعه فما بالكم لمعدة الطفل المسكين ...
الله يحفظ عيالي وعيالكم اجمعين بس أتمنى تحنون على مولودكم و صدقوني مأجورين على هالشي والرضاعه بتقرب بينج انتي والبيبي و بتحنن قلبج أكثر و بيحبج أكثر هو بعد .. غير انها تعطيج فرصه تنحفين ^^
وكلها سالفه تعود والله و ما بيهون عليج بعدها تعطيه مرضعه .. أنا حتى المصاصه شرالي اياها أبوه بس ما اقدر اعطيه احس اني أسكته فيها وكأني أقوله اسكت ما ابغي أسمع صوتك ><




بخصوص فيتامين د .. أنا عطوني وقالت لي أعطيه لين يكمل سنه .. طبعا الجرعه حسب نوع الفيتامين وكل شركه تختلف عن الأخرى بالجرعات .. انا اعطيه 1 ملي يوميا .. وفي بعض الانواع جرعه أكبر مره بالاسبوع بس اعتقد هذي للكبار مب الصغار كون معدتهم ما تتحمل جرعه قويه ...

بنات بنتي عمرها 37 يوم استخدم حليب نيورالاك المراعي كتبو لها بالمستشفى اشرايكم فيه ..
يسمن او لا
ارضعها طبيعي وصناعي

بثينة
مافيه ام ماتبي ترضع ولدها ..
مثلا عندك انا حاولت ارضع اطفالي طبيعي بس رفضوا رفض قاطع الحليب اصلا رفضوا يحطون صدري بفمهم .. واذا شربوا يستفرغون!!!
جبت الشفاطة وللاسف حليبي نقطه مايكفي ولا حتى يعبي واحد ملي..
كليت طحينية وشربت حليب وحلبة بس للاسف نشفت!
..
..
فـ الزبدة انتي بنعمه ماشاءالله

يا حياتي في ناس كثار ربي أنعم عليهم بس يرضعونهم صناعي !
وانتي كان بامكانج تتداركين الموقف في البدايه اقري على نفسج وارقي نفسج وعيالج دايما وحتى كان بامكانج تروحين العياده يعطونج حبوب لادرار الحليب ...
في خلطه حلوه لادرار الحليب عن تجربه ... علبه قشطه مع ملعقتين نوتيلا اخلطيهم عدل وحطيهم فالثلاجه ساعتين او ثلاث واكليه لذييييييييذ .. خزنيها عندج للبيبي الجاي ^^

والله يرزق الجميع يا رب ...

السلام عليكم بنات بنتي عمرها ثلاث شهور ونص معها اسهال من لها اربع ايام واشوف مع الأسهال حبيبات صغيره سوداء الله يكرمكم وش اسوي لها عطيتها نشاء يخف واذا وقفته يرجع ودهنتها قلت يمكن برد بس مافي فايده وحده تقول يمكن عضيم يجي مع الأطفال بس ماني عارفه وش اسوي