ترسلي اختك والله مدري. بس تسويه في جده ايوه تقولي لهم ابغى اسويه في جده ويرسلونك على مركز صحي مدائن الفهد. انا تعينت في مكه وسويته في جده عادي.

الحمدلله اليوم سويت المقابله ٧/١٤ موعدي كان السعاه ١٢ بس رحت من بدري على حسب طلبهم تخصصي علوم ورياضيات وتوجيهي رياضيات مشيت من جده على الساعة ٦:٣٠ ودخلنا وكتبت اسمي ووقت الحضور ووقعت وعبيت الاوراق ورتبتها وطابقتها وطلعت الدور الاول وأول ما وصلت دخلوني غرفه اسحب ورقه فيها سؤال تربوي اجاوب عليه تحريري واكتب على ورقة الاجابه اسمي وتخصيص وبعدها انتظرت الين نادوني ودخلت على ١١:٣٠ قالت لي عرفيني على نفسك قلت لها اسمي وتخصيص وسنة تخرجي وقالت كم لك متخرجه قلت لها تسع سنوات قالت ما جاك تعاقد او درستي في مدرسه اهليه قلت لها والله ماحصل لي نصيب فيها قالت غريبه ماتعاقدو معاك تقديرك حلو قلت علمي علمك قالت عندك خلفيه عن المناهج المطورة قلت لها ايوه قالت من وين اطلعتي عليها قلت لها كنت اشرح لبنات اخويه الرياضيات حلو قالت وش عجبك فيها قلت ان فيها تهيئة قبل الدرس وغنية بالامثله وتوجد خانات على الجوانب فيها المفردات والمفاهيم الجديدة قالت ممتاز وسألتني وش المواقع حقت الرياضيات اللي تطلعني عليها قلت لها العبيكان وشبكة الرياضيات التعليمية واليزيد قالت حلو وبعدين قالت أحسبي ورقه وحلي سحبت وكان سؤالين الاول ماهي معادلة الدائرة التي نصف قطرها يساوي ٤؟ كتبت س تربيع+ص تربيع=نق تربيع وشلت النق وحطيت ٤تربيع السؤال الثاني كان مثلثين وزاويتين طبعا مرسوم فيه زاويه معلومه كان قياسها ٨٠ والزاويه الثانيه مجهوله المطلوب أني أوجد قياسها طبعا حليتها وكان س+٨٠=١٨٠_&س=١٠٠ وحطت عليها علامة صح وبعدها استلمتني الموجهه الثانيه وقالت أحسبي ورقه وسحبت قالت اقري السؤال وجاوبي وكان الحديث انصر اخاك ظالما او مظلوما اشرحيه طبعا الكل يعرف اجابته تعبت وانا اكتب وبعدين سألتني اذا كان نصابة ٢٠حصة وقالت لك المديره بتزودك حصص في مادة العلوم هل توافقين قلت لها اوافق عادي وقالت لي كم نصاب المعلمه قلت لها ٢٤ قالت طيب خلاص الله يوفقك الشهادة لله منظمين ومتعاونين وخلوقات وتم بحمد لله النههههههههايه

يااخت سوسو عادي تسوي الكشف في جده اعرف كثير بنات سوو كذا ابغى اسالك اتصلوا عليك عشان تاخذي اوراق الكشف

أخت سوسو عادي تقدري ترسلي أختك بس لازم ترسلي معاها إثباتك يا بطاقة أحوال خاصه بك او كرت عائله وكمان إثبات عنها
هذا الكلام قالته لي آحدى الموجهات لمن كلمتها بخصوص ارسل وحده من قريباتي بمكه تستلم عني الكشف الطبي

انا تخصصي لغة عربية و علوم إجتماعية معليش تأخرت في الرد لاني انشغلت