حرت في اسمي كويس انهم قدموا موعدك الله يسهل امورك وامورنا جميعا
التجمع مررررره نايم وحشتوني اخواتي ان شاء الله بعد هالغيبه تبشرونا بالاخبار الزينه
انا اليوم عندي موعد اشعة الله يسهل تعبت من الابر لو اني احساسي راح يعطيني ابر زياده الله يفرح قلوبنا في هذا الشهر الفضيل ياااااااااااااارب اجبر كسر قلوبنا

بنات الي تعرف الحسن وين عيادته قالو في المشاري وين بالضبط موقعه
وكم تكلف عنده العمليه
وكيف برنامجه يستخدم الطويل او القصير
وجزاكم الله خير يارب

اختي سحر الغرام بالنسبة للدكتور سعد الحسن موجود في مستشفى المشارري بالعليا خلي مجمع سنتريا على يمناك بجيك مطعم يامال الشام بعده محل ابراهيم القرشي ادخل معه يمين وامشي الى اخر الشارع بتشوفينه لان المستشفى داخل حاره تفتحين ملف وبعدين تصعدين الدور الاول اخر السيب بتكون العياده بالنسبة للتكلفة 13000قيمة العملية شاملة التصوير فقط اما الابرتحاسبين عليها كلن وحالته بالنسبة للبرنامج اللي يتبعه البرنامج القصير لاني لاحظت انا بالتخصصي برنامجي طويل ولما رحت له بالمشاري اتبع معي البرنامج القصير وكل المستشفيات الخاصة يتبعون القصير الا لحالات معينة يمكن يتبعون الطويل لكن قبل لا تروحين كلمي سكرتيرته قبل موعد الدورة او اول يوم بالدوره واذا كان عندك ملف بالتخصصي عطيها رقم ملفك والدكتور ياخذ نسخة منه وان شاء الله اكون افدتك واي اسئلة ثانية انا حاضرة الله يسهل امورنا جميعا

خواتي الغاليات
تكفووووووون الله يسعدكم ساعدوني بجواب كااااااااااااااااافي
كيف افتح بالتخصصي علما بانه ماعندي اطفال ابدا
وش خطوات الامر وهل هي سهله
هل اقدر اسويها بدون امر بمراجعه المستشفى
وش شروطهم
وهل يطولون لين يقبلون الحاله

أم يزن ومعن مشكوره ياقلبي ماقصرتي والله يجزاك خير ويعطيك لين يرضيك
بس سمعت انه يداوم يومين في الاسبوع بس