سڤانا2222 :

السلام عليكم ... كيفكم؟ رحت موعدي وحللت لي بول وانتو بكرامه وطلع سلبي .. وجلست تناقشني ان السبب المتوقع من زوجي لتأخر الحمل ووصفت له فوليك اسد ان نفعه ما ضره.. وقررت لي اسوي اشعه وتحاليل ثاني يوم الدورة.. وبتعطيني كلوميد هالشهر بس متخوفة الدكتوره ان تتلقح البويضه بحيوان مشوه ويحصل اجهاض .. وقالت او مانفع يا انك تاخذين كلوميد الشهر الي بعده يا تجربين تلقيح صناعي .. وتقول لو حصل حمل واجهضتي او ما نفع الكلوميد والصناعي اتجهي للتلقيح المجهري ولا تضيعين وقت ويارب يكتب لي الحمل من غير تدخلات طبيه انه قادر على كل شي.. الشي الجديد اني محلله عندها قبل ثلاث شهور وطمنتي ان كل شي سليم بس اليوم قالت لازم اقولك شي ان هرمون الذكورة عندي مرتفع ارتفاع طفيف جدا ولا قالت لي لان دورتي منتظمه وتبويضي ممتاز بس اليوم شرحت لي الوضع ولا حبت تعالجه حابه تتاكد من السونار وتجرب كلوميد اول دامه مو ملخبط دورتي .. ادري قرقرت واجد و حسيت اليوم بنوع من الحزن بس حاولت اطلع واغير جو ويارب يرزقني .. حسيت ان مشكلتنا يبيلها وقت وربي يشفينا .. انا سبق لي الانجاب وهذي نعمه أحمد ربي عليها واتمنى يرزقني من فضله.. الدورة طبعا للحين الالامها ذابحتني خصوصا الظهر وما نزلت .. جملة وحده بعثت فيني الفرحه يوم قالت الدكتوره يمكن حملك متاخر وما بان لسه ولو طلعتي حامل لا تسوين ولا شي وخذي موعد معي للمتابعه ... شعور جميل اتمنى يصير وان شاءالله قريب وعندي كذا سؤال :: هل هرمون التستروجين الذكوره صعب علاجه وايش اثاره لو كان خفيف؟؟؟ والي سبق وجاها او تعرف احد ياليت تشرح لي ؟! يمكن تلاحظون ان نبرة كتابتي فيه شي من الحزن .. بس ارجع واقول ربي مخبي الاحلى والانسب لي ،، وشكرا على حسن القراءه واسأل الله ان يشفينا جميعا ويرزقنا انه كريم مجيب الدعوات كلنا نحس ببعض وكلنا له مشاكله وهمومه وما أحد خالي .. نسأل الله الصبر والرضى بالقدر..

السلام عليكم ... كيفكم؟ رحت موعدي وحللت لي بول وانتو بكرامه وطلع سلبي .. وجلست تناقشني ان السبب...